Swartbooi ke na oohedhi dhoshiAfrika - Swapo
Amushanga gwomauyelele moSwapo, Hilma Nicanor, okwa nyana omuleli gwongundu yoLandless People's Movement (LPM), Bernadus Swartbooi omolwa omatukano ngoka aningile ominista yelongo Katrina Hanse-Himarwa, oshowo aaleli yamwe yoSwapo.
Swartbooi okwa popi pethimbo lyomutumba gwiikundaneki ngoka a ningi oshiwike sha piti kutya egalulo lyombiimbeli oshowo ongola yomuleli nale, Hendrik Witbooi, oshi li oshitopolwa shomaheko ngoka taga ningwa omolwa omahogololo ngoka oshilongo sha taalela.
Okwa popi kutya Hanse-Himarwa okwa li tiihumbata momukalo gwesithahoni pethimbo a yakula ongola ndjoka okuza kaakalelipo yaGermany.
Okwa popi kutya Katrina okwa li ta dhana nongola ndjoka nonando oyi na esimano enene.
Nicanor okwa popi kutya egalulo lyombiimbeli nongola ndjoka otashi ulike esimaneko ndyoka tali gandjwa kuWitbooi omolwa oshilonga a longa mekondjelomanguluko lyoshilongo.
Amushanga okwa tsikile kutya Swapo okwa simaneka oshilonga sha longwa kuHanse-Himarwa pamwe nayakwawo mokukwashilipaleka kutya uuthiga mboka waWitbooi owa galulilwa moshilongo, onkene aniwa ina pumbwa okutukwa nokunyanwa ngaaka.
Okwa tsikile kutya Swartbooi okwe shi ningi omukalondjiigilile okutuka aakuluntu yongundu mwakwatelwa aaleli ngaashi Hage Geingob , Sam Nujoma oshowo Hifikepunye Pohamba.
Nicanor okwa popi kutya onkalo ndjoka kayi shi oshiAfrika.
Okwa pula opo Swartbooi a hulithe po omukalo gwokutuka aaleli yongundu ye ta pula aanyasha yiikaleke kokule nomanwethemo gapuka gopolotika yombiliha, ndjoka tayi yi moshipala ombili.
CATHERINE SASMAN
Swartbooi okwa popi pethimbo lyomutumba gwiikundaneki ngoka a ningi oshiwike sha piti kutya egalulo lyombiimbeli oshowo ongola yomuleli nale, Hendrik Witbooi, oshi li oshitopolwa shomaheko ngoka taga ningwa omolwa omahogololo ngoka oshilongo sha taalela.
Okwa popi kutya Hanse-Himarwa okwa li tiihumbata momukalo gwesithahoni pethimbo a yakula ongola ndjoka okuza kaakalelipo yaGermany.
Okwa popi kutya Katrina okwa li ta dhana nongola ndjoka nonando oyi na esimano enene.
Nicanor okwa popi kutya egalulo lyombiimbeli nongola ndjoka otashi ulike esimaneko ndyoka tali gandjwa kuWitbooi omolwa oshilonga a longa mekondjelomanguluko lyoshilongo.
Amushanga okwa tsikile kutya Swapo okwa simaneka oshilonga sha longwa kuHanse-Himarwa pamwe nayakwawo mokukwashilipaleka kutya uuthiga mboka waWitbooi owa galulilwa moshilongo, onkene aniwa ina pumbwa okutukwa nokunyanwa ngaaka.
Okwa tsikile kutya Swartbooi okwe shi ningi omukalondjiigilile okutuka aakuluntu yongundu mwakwatelwa aaleli ngaashi Hage Geingob , Sam Nujoma oshowo Hifikepunye Pohamba.
Nicanor okwa popi kutya onkalo ndjoka kayi shi oshiAfrika.
Okwa pula opo Swartbooi a hulithe po omukalo gwokutuka aaleli yongundu ye ta pula aanyasha yiikaleke kokule nomanwethemo gapuka gopolotika yombiliha, ndjoka tayi yi moshipala ombili.
CATHERINE SASMAN
Comments
Namibian Sun
No comments have been left on this article