LPM tayi tengeneke omahogololo taga nyanyudha

OGONE TLHAGEOmuleli gwongunddu yoLandless People’s Movement (LPM), Bernadus Swartbooi okwa popi kutya omahogololo gaayehe ngoka taga ningwa moshilongo nuumvo otaga ka kala taga nyanyudha.Ongundu yoLPM oya ningi ongundu yotango okushangithwa koElectoral Commission of Namibia (ECN) kohi yOmpango yOmahogololo yomvula yo 2014, ndjoka tali ya talululwa.Swartbooi okwa popi kutya otali ka kala esiku epe moNamiba molwaashoka omahogololo otaga ka kala taga shambulwa.Okwa popi kutya LPM otaka kala ta longele popepi noECN opo a kwashilipaleke kutya okwa monika iizemo iiwanawa. “Otatu halele ompolo ECN meyalulo lyomawi nokutula po omahala gomahogololo. Otatu kala ookuume. Otatu ka yambidhidha mpoka tatu vulu nokukondja nuudhiginini mpoka tashi pumbiwa,” Swartbooi a popi. Omupopiliko gwongundu ndjoka, Utaara Mootu okwa holola kutya okwa nyanyukwa ngashiingeyi sho ya shangithwa onga ongundu yopolotika pambelelwa.Okwa popi kutya ongundu yawo otayi ka kutumba mondoolopa yaSwakopo, moka tayi ka kundathana nkene ye na okwiilongekidhila omahogololo ngoka taga ningwa moshilongo onga ongundu. Okwa popi kutya otaya ka ninga woo ooprograma dhomadheulo moshilongo, moka LPM taka tsakanena nokutala kwaashoka ta vulu okuninga omolwa omahogololo.Eshangino lyoLPM onga ongundu yopolotka olya patanekwa komunapaliamende gwoSwapo, Veiko Nekundi. Sha landula eshangitho ndyoka, Nekundi okwa popile etokolo lye okupataneka eshangitho lyongundu ndjoka.“Okupataneka itaku ti kutya omuntu ina hala ongundu yishangithwe, ihe ota holola owala kutya ongundu nayi landule tango omilandu,” Nekundi a popi.

LPM tayi tengeneke omahogololo taga nyanyudha

Comments

Namibian Sun 2025-09-16

Please login to leave a comment

LPM tayi tengeneke omahogololo taga nyanyudha

Comments

Namibian Sun 2025-09-16

Please login to leave a comment

Login