LPM a pula UN a konaakone epangelo lyaSwapo
Ehwahwameko lyoLandless People's Movement (LPM) otali pula opo Iigwana yaHangana yi konaakone elongitho lyoonkondo dhuukoloni , ndyoka tali ningilwa AaNamibia nonando oshilongo osha manguluka oomvula 27 dha piti ngashiingeyi.
Aaleli yoLPM Bernadus Swartbooi naHenny Seibeb oshiwike sha piti oya popi kombinga yeindilo lyawo ndyoka ya ningi pambaapila na oye li gandja komukalelipo gwIigwana yaHangana moNamibia, Kiki Gbeho.
Ombaapila ndjoka ya nuninwa Amushanga gwIigwana yaHangana, Antonio Guterres, oya popi kutya nonando Namibia okwa mono emanguluko lye momasiku 21 gaMaalitsa mo-1990, aakwashigwana yamwe oya fa inaya manguluka molwaashoka otaya gwililwapo koluhepo omanga yamwe yeli taya tyapula uukengeli.
Oya popi kutya kape na shoka sha ningwa opo aakwashigwana mboka ya kanitha evi lyawo pethimbo lyuukoloni ya shuninwe evi lyawo.
Mboka oya popi woo kutya aakwashigwana yAaNama nAaHerero, mboka yali ya kuthwa evi lyawo pethimbo lyomadhipago ga kiinahenda ngoka ga ningwa mo1904-08 sigo onena kaye na evi.
Omukanda ngoka otagu pula ekwatho lyIigwana yaHangana molwaashoka aakwashigwana oyendji aniwa oya kanitha omukumo mepangelo lyongundu yoSwapo, opo li vule okukandula po omikundu dhawo, unene evi.
JEMIMA BEUKES
Aaleli yoLPM Bernadus Swartbooi naHenny Seibeb oshiwike sha piti oya popi kombinga yeindilo lyawo ndyoka ya ningi pambaapila na oye li gandja komukalelipo gwIigwana yaHangana moNamibia, Kiki Gbeho.
Ombaapila ndjoka ya nuninwa Amushanga gwIigwana yaHangana, Antonio Guterres, oya popi kutya nonando Namibia okwa mono emanguluko lye momasiku 21 gaMaalitsa mo-1990, aakwashigwana yamwe oya fa inaya manguluka molwaashoka otaya gwililwapo koluhepo omanga yamwe yeli taya tyapula uukengeli.
Oya popi kutya kape na shoka sha ningwa opo aakwashigwana mboka ya kanitha evi lyawo pethimbo lyuukoloni ya shuninwe evi lyawo.
Mboka oya popi woo kutya aakwashigwana yAaNama nAaHerero, mboka yali ya kuthwa evi lyawo pethimbo lyomadhipago ga kiinahenda ngoka ga ningwa mo1904-08 sigo onena kaye na evi.
Omukanda ngoka otagu pula ekwatho lyIigwana yaHangana molwaashoka aakwashigwana oyendji aniwa oya kanitha omukumo mepangelo lyongundu yoSwapo, opo li vule okukandula po omikundu dhawo, unene evi.
JEMIMA BEUKES
Comments
Namibian Sun
No comments have been left on this article