Oshigwana otashi popi kombinga lyedhiladhilo ku totwe uuministeli wenyanyu
Oshigwana otashi yambidhidha omadhiladhilo gakamunsela gwoshikandjohogololo shaRundu yOkomikunda Paulus Mbangu ngoka ti indile epangelo opo li tote po uuministeli wenyanyu – ethaneko lyonyati nolya pumba tali lalakanene okukondjitha uudhigu nuuvu wopamadhiladhilo mboka tau indjipala moshigwana esiku nesiku.
Moonkundathana noshikundaneki shoNamibian Sun oshiwike sha zi ko, Mbangu okwa fatulula kutya Uuministeli wUundjolowele nomayakulo gopankalathano owa pewa oshinakugwanithwa shokuhumitha komeho onkalo nawa yoshigwana, ashike owu na iilonga oyindji nohau tala owala kepango lyomikithi peha lyoku dhi keelela.
“Inatu thika noponkatu yokukeelela lela omikithi moshili. Otatu kambadhala owala okukondjitha omikithi ndhika,” okwa ti. “Pambipila, anuwa uuministeli wuundjolowele, ihe paushili, owo uuministeli wepango lyomikithi.”
Mbangu okwi itaala kutya uuministeli wenyanyu otau ka kwatha epangelo mokumeta nokugwedhela uukalinawa wAanamibia okupitila miilongitho ngaashi ekonakono kombinga yondjele yenyanyu moshilongo. Uuministeli wenyanyu otau ka dhana onkandangala onene mokweeta po omilandu tadhi hwepopaleke onkalo nawa yaakwashigwana, hamokukondja owala nuundjolowele ashike nomokweeta po iiyemo ya kola, okweeta po oompito dhiilonga, dhelongo nodhiipalutha yakehe gumwe.
“Eliko lyoshilongo otali vulu okumonika nawa nokuulika kutya oli li hwepo, ashike shoka otashi pukitha oshigwana,” okwa ti. “Iimaliwa oyindji oyi niwe dhoohandimwe yamwe yamwe, omanga oyendji yomaakwashigwana oye li moluhepo lwamemaakukwee.”
“Uuministeli wenyanyu otau vulu okugandja efano lya yela kombinga yuushili kombinga yonkalo moka aantu taya mwenya muyo. Oya nyanyukwa? Oya gwanenwa kwaashoka ye na? Shoka oshi na oshilonga woo.”
Mbangu okwa gwedha po woo kutya ethaneko ndjoka otali vulu oku ka kwathela mokweeta po omakwatho goshimaliwa ga nuninwa aakuluntu yopokati ayehe opo ya vule okwiikwatha nokuhupa, shoka tashi shonopeke omikundu ndhoka hadhi etwa kokwaa na iilonga, koluhepo nokondjala.
Oshigwana tashi ehama
Ethaneko lyaMbangu olya landula omiyalu tadhi shololitha dha pamba uundjolowele wopamadhiladhilo, moka Namibia a tsikila nokulopota iiponga yi li pombanda yomaikuthomwenyo moshitopolwa – onkalo ndjoka hayi adha mboka haya longo naamboka kaa ye na iilonga. Nonande edhiladhilo lye ekumithi, oyendji oye li panda aanawino noshowo aakwashigwana komutunda.
Moonkundathana noshikundaneki shoNamibian Sun ohela, omunawino miipambele yuundjolowele woshigwana okwa ti uuministeli wenyanyu wa tungwa po nawa otau vulu okugandja etumwalaka ewanawa kombinga yeitulomo lyepangelo monkalonawa yopamadhiladhilo yAanamibia.
“Ngele ando Namibia okwa toto po uuministeli wenyanyu, otashi ka ulika kutya uukalinawa wAanamibia owa tulwa monomola yotango,” omunawino a ti. “Ashike iilonga mbyoka tayi ka longwa kuuministeli mbuka otayi ki ikolela kiinakugwanithwa niilalakanenwa yuuministeli.
Nongele otau ka gwedha komwaalu gwoombelewa oonkawo itadhi longo sha nena uuministeli mbuka otau ka hepeka owala iimaliwa nomaliko gepangelo.”
Omunawino okwa gandja iiholelwa yiilongo mbyoka yi na uuministeli wenyanyu, opo aakwashigwana ya kale melalangali noyu uvite ombili. Iilongo mbika ongaashi nee Bhutan naUnited Arab Emirates. Nonande ongawo, oya londodha kutya oonkambadhala ndhika nadhi endele pamwe neyambidhidho tali zi moshigwana, lyaahungimwenyo ya pyokoka noshowo aaniilonga moshikondo shuundjolowele wopamadhiladhilo.
Omuhungimwenyo, ngoka inaa hala okutumbulwa kedhina, okwa ti kutya uuministeli mboka wenyanyu otau ka pupaleka omutenge gu li komapepe gaaniilonga yuundjolowele mboka ya vulwa noonkondo notau ka eta po oompito dhiilonga moshikondo shuundjolowele.
“Mongashingeyi, kehe shimwe otse tu na okushi longa: okuungaunga nomahepekathano gopaukashikekookantu, okulonga naantu ya pikwa kwaashika naashiyaka, okupanga mboka taya ehama naamboka ya hala okwiikutha oomwenyo, ayihe mbyoka oyi li komapepe getu pethimbo limwe,” okwa ti.
“Uuministeli woludhi ndoka otau vulu okukala naambelewa ya pyokoka mboka yi ilongela okwuungaunga nuunkundi wopamadhiladhilo tau etwa koonkalo dhetu dhomiilonga nenge mboka yi ilongela okukeelela eikuthomwenyo mokati koshigwana. Uuministeli mboka otau ka kwatha lela.”
Panga oomwenyo ndhi
Selma Kashikola, omugameni gwomaliko omunamimvo 42 omukalimo gwomoRundu, okwa holola woo omaiuvo ge.
“Onda pulakena kiikundaneki nonda landula komalungula, okupopya oshili, ondi wete kutya uuministeli mboka owa pumbiwa moshilongo shetu,” okwa ti. “Ngele aantu mboka haya kwata omamaliwa ogendji ye tu vule oyo taya imangeleke, ongiini kombinga yetu tse mba hatu kwata oondjambi dha nanga? Otatu mono iihuna natse – twa mwena owala. Uuministeli woludhi ndoka itau ka kandula po omaudhigu agehe, ashike otau ulike kutya ope na ngaa ngoka te tu dhiladhila nokwe tu sila oshimpwiyu.”
Nonande edhiladhilo itali ulike naanaa li na uuningilo, Mbangu okwa ndjika oonyala mevi kutya oonkundathana kombinga yoshinima shika odha pumbwa okutamekela pontumba pongandi.
“Itatu vulu okukala tatu iningitha kutya ayihe oyi li nawa nonande aantu oya lila koomwenyo nota yaa lilile koomwenyo,” okwa ti. “Ethimbo olya thikana okukala tatu popi neitulomo kombinga yokunyanyukwa.”
Namibia oku li ponomola 103 molopota yekonakono lyenyanyu lyomuuyuni, ndjoka lya ningwa mo2025. Olopota ndjika, oya pamba uuyelele wa gongelelwe mo2022 sigo 2024, ndjoka tayi ulike kutya ondjele yenyanyu moshilongo oyi li pu4.9 moNamibia, shoka sha tula oshilongo mokati kati kiilongo mbyoka ya talika ko yi na aakwashigwana ya nyanyukwa.
[email protected]
Moonkundathana noshikundaneki shoNamibian Sun oshiwike sha zi ko, Mbangu okwa fatulula kutya Uuministeli wUundjolowele nomayakulo gopankalathano owa pewa oshinakugwanithwa shokuhumitha komeho onkalo nawa yoshigwana, ashike owu na iilonga oyindji nohau tala owala kepango lyomikithi peha lyoku dhi keelela.
“Inatu thika noponkatu yokukeelela lela omikithi moshili. Otatu kambadhala owala okukondjitha omikithi ndhika,” okwa ti. “Pambipila, anuwa uuministeli wuundjolowele, ihe paushili, owo uuministeli wepango lyomikithi.”
Mbangu okwi itaala kutya uuministeli wenyanyu otau ka kwatha epangelo mokumeta nokugwedhela uukalinawa wAanamibia okupitila miilongitho ngaashi ekonakono kombinga yondjele yenyanyu moshilongo. Uuministeli wenyanyu otau ka dhana onkandangala onene mokweeta po omilandu tadhi hwepopaleke onkalo nawa yaakwashigwana, hamokukondja owala nuundjolowele ashike nomokweeta po iiyemo ya kola, okweeta po oompito dhiilonga, dhelongo nodhiipalutha yakehe gumwe.
“Eliko lyoshilongo otali vulu okumonika nawa nokuulika kutya oli li hwepo, ashike shoka otashi pukitha oshigwana,” okwa ti. “Iimaliwa oyindji oyi niwe dhoohandimwe yamwe yamwe, omanga oyendji yomaakwashigwana oye li moluhepo lwamemaakukwee.”
“Uuministeli wenyanyu otau vulu okugandja efano lya yela kombinga yuushili kombinga yonkalo moka aantu taya mwenya muyo. Oya nyanyukwa? Oya gwanenwa kwaashoka ye na? Shoka oshi na oshilonga woo.”
Mbangu okwa gwedha po woo kutya ethaneko ndjoka otali vulu oku ka kwathela mokweeta po omakwatho goshimaliwa ga nuninwa aakuluntu yopokati ayehe opo ya vule okwiikwatha nokuhupa, shoka tashi shonopeke omikundu ndhoka hadhi etwa kokwaa na iilonga, koluhepo nokondjala.
Oshigwana tashi ehama
Ethaneko lyaMbangu olya landula omiyalu tadhi shololitha dha pamba uundjolowele wopamadhiladhilo, moka Namibia a tsikila nokulopota iiponga yi li pombanda yomaikuthomwenyo moshitopolwa – onkalo ndjoka hayi adha mboka haya longo naamboka kaa ye na iilonga. Nonande edhiladhilo lye ekumithi, oyendji oye li panda aanawino noshowo aakwashigwana komutunda.
Moonkundathana noshikundaneki shoNamibian Sun ohela, omunawino miipambele yuundjolowele woshigwana okwa ti uuministeli wenyanyu wa tungwa po nawa otau vulu okugandja etumwalaka ewanawa kombinga yeitulomo lyepangelo monkalonawa yopamadhiladhilo yAanamibia.
“Ngele ando Namibia okwa toto po uuministeli wenyanyu, otashi ka ulika kutya uukalinawa wAanamibia owa tulwa monomola yotango,” omunawino a ti. “Ashike iilonga mbyoka tayi ka longwa kuuministeli mbuka otayi ki ikolela kiinakugwanithwa niilalakanenwa yuuministeli.
Nongele otau ka gwedha komwaalu gwoombelewa oonkawo itadhi longo sha nena uuministeli mbuka otau ka hepeka owala iimaliwa nomaliko gepangelo.”
Omunawino okwa gandja iiholelwa yiilongo mbyoka yi na uuministeli wenyanyu, opo aakwashigwana ya kale melalangali noyu uvite ombili. Iilongo mbika ongaashi nee Bhutan naUnited Arab Emirates. Nonande ongawo, oya londodha kutya oonkambadhala ndhika nadhi endele pamwe neyambidhidho tali zi moshigwana, lyaahungimwenyo ya pyokoka noshowo aaniilonga moshikondo shuundjolowele wopamadhiladhilo.
Omuhungimwenyo, ngoka inaa hala okutumbulwa kedhina, okwa ti kutya uuministeli mboka wenyanyu otau ka pupaleka omutenge gu li komapepe gaaniilonga yuundjolowele mboka ya vulwa noonkondo notau ka eta po oompito dhiilonga moshikondo shuundjolowele.
“Mongashingeyi, kehe shimwe otse tu na okushi longa: okuungaunga nomahepekathano gopaukashikekookantu, okulonga naantu ya pikwa kwaashika naashiyaka, okupanga mboka taya ehama naamboka ya hala okwiikutha oomwenyo, ayihe mbyoka oyi li komapepe getu pethimbo limwe,” okwa ti.
“Uuministeli woludhi ndoka otau vulu okukala naambelewa ya pyokoka mboka yi ilongela okwuungaunga nuunkundi wopamadhiladhilo tau etwa koonkalo dhetu dhomiilonga nenge mboka yi ilongela okukeelela eikuthomwenyo mokati koshigwana. Uuministeli mboka otau ka kwatha lela.”
Panga oomwenyo ndhi
Selma Kashikola, omugameni gwomaliko omunamimvo 42 omukalimo gwomoRundu, okwa holola woo omaiuvo ge.
“Onda pulakena kiikundaneki nonda landula komalungula, okupopya oshili, ondi wete kutya uuministeli mboka owa pumbiwa moshilongo shetu,” okwa ti. “Ngele aantu mboka haya kwata omamaliwa ogendji ye tu vule oyo taya imangeleke, ongiini kombinga yetu tse mba hatu kwata oondjambi dha nanga? Otatu mono iihuna natse – twa mwena owala. Uuministeli woludhi ndoka itau ka kandula po omaudhigu agehe, ashike otau ulike kutya ope na ngaa ngoka te tu dhiladhila nokwe tu sila oshimpwiyu.”
Nonande edhiladhilo itali ulike naanaa li na uuningilo, Mbangu okwa ndjika oonyala mevi kutya oonkundathana kombinga yoshinima shika odha pumbwa okutamekela pontumba pongandi.
“Itatu vulu okukala tatu iningitha kutya ayihe oyi li nawa nonande aantu oya lila koomwenyo nota yaa lilile koomwenyo,” okwa ti. “Ethimbo olya thikana okukala tatu popi neitulomo kombinga yokunyanyukwa.”
Namibia oku li ponomola 103 molopota yekonakono lyenyanyu lyomuuyuni, ndjoka lya ningwa mo2025. Olopota ndjika, oya pamba uuyelele wa gongelelwe mo2022 sigo 2024, ndjoka tayi ulike kutya ondjele yenyanyu moshilongo oyi li pu4.9 moNamibia, shoka sha tula oshilongo mokati kati kiilongo mbyoka ya talika ko yi na aakwashigwana ya nyanyukwa.
[email protected]
Comments
Namibian Sun
No comments have been left on this article