'Opolitika ihayi liwa' - Sankwasa

Ominista yomapendulopo giilando nomikunda Sankwasa James Sankwasa okwa lombwele aakalimo yomoKatima Mulilo moshiwike sha zi ko kutya etokolo lye ekumithi lyokutidha miilonga aanambelewa melelo lyoondolopa olya nwethwa mo kompumbwe yokugalulila okulonga nawa nokuthikitha omayakulo koshigwana mondoolopa.Ta popi naakalimo yomondoolopa mEtine lya lyoshiwike sha zi ko, okwa dhenge omuthindo kutya oveta – haukwamuhoko nenge ohole neitaalo mongundu yopapolitika – oyo yi wilike omalelo nomapangelo.“Oveta oyo ashike hayi gamene aakwashigwana... oveta oyo owala tayi ka gamena aakalimo yomoKatima Mulilo,” okwa ti. Okwa gwedha po kutya, opolitika itayi vulu okutula omboloto poshitaafula nenge yi kwashilipaleke kutya iilonga otayi longwa. “Opolitika ihayi liwa; epangelo nali andjaganeke omeya, omalusheno nokugandja uumwene wevi kaakalimo yomomalukanda giinyakwi.”Elongitho nayi lyoonzo Minista okwe ekelehi omapopyo kutya etokolo lye okwe li ningi nelalakano okulyatela pevi omuhoko gwAamasubia, okwa ti omapopyo ngoka otaga topola oshigwana notaga ehameke.“Onda li tandi longo nelelo lyondoolopa hanomuhoko,” okwa ti, okwa londodha oshigwana kutya okutya okundopa kwepangelo otaku etwa komuhoko gwontumba kashi li nawa. Shi ikolela kuye ota ti, shoka osho sha kala tashi yi moshipala ehumokomeho moshitopolwa shaZambezi.Minista okwa popi kombinga yoolopota dha tseyika nawa kombinga yewiliko lyankundipala mondoolopa: elongitho nayi lyiimaliwa, iikumungu yaaniilonga inayi potokononwa, okwaalandula omalombwelo noshowo okulanditha po evi mepingakanitho niihauto, ookompiuta dhopeke noomota peha lyokulandwa niimaliwa. “Ondoolopa kayi na iimaliwa, ashike otayi hepeke iimaliwa... idhopa mo moshinima... nokuungaunga nasho,” okwa ti.Metokolo lye, Sankwasa okwa longitha Okatendo 92(2) kOveta yOmalelo gOondoolopa yomo1992. Okwa pititha omukanda momukandanyanyangidho gwepangelo momasiku 15 Auguste moka a tidha iilyo yelelo lyondoolopa nota kala ta wilike ko manga sigo opethimbo mpoka omunambelewa ta ka ulikwa a tsikile ko.Raphael Liswaniso, omunambelewa omukuluntupithi gwondoolopa yaKatima Mulilo, ngaashi ota longo kohi yombelewa yaminista.Omaiuvo ga yoolokaOngundu yoIPC inayi mbilipalelwa ketokolo ndika oshoka kali li pakantompango nopaudemokoli, ongundu oya ti oya ti minister okwa kutha ookamunsela mboka ya hogololwa uuthemba. Mayola gwondoolopa yaKatima Mulilo John Ntemwa okwa ti Sankwasa ota longo nuukwamohoko nomolwomalalakano niikonene ya za nale yiipotha ya pamba aaniilonga. Aanawino oya ti kutya etokolo ndika otali vulu okupala ondjila yelongitho nayi lyoonkondo dhoominista.Kakele, moKatima mulilo, aakwashigwana yamwe oya pandula etokolo ndika lya kuthwa. “Aanambelewa mbaka oya li ya fa okaankela (omukithi) gu li mondoolopa yetu... etokolo ndika olyo onkundana ombwanawa kutse,” omukalimo gumwe gwomoKatima Mulilo a ti.

'Opolitika ihayi liwa' - Sankwasa

Comments

Namibian Sun 2025-08-27

Please login to leave a comment

'Opolitika ihayi liwa' - Sankwasa

Comments

Namibian Sun 2025-08-27

Please login to leave a comment

Login