Oskola yaNgcove kayi na omeya nuundjugo hela ya totelwe po
Aalongi yaalumentu noyaakiintu ohaya longitha owala okandjugo kamwe
Onkalo poskola tayi etitha ohenda, aalongwa 92 naalongi yawo yaali taya longitha okapeleki kamwe shoka ohashi etitha uunona wu faule nowu kwate komauvu, oshikwawo aavali naalongi taya kambadhala shili okulonga nokukwatha okanona Okanamibia nonande ye li monkugo yi na onkambe.
Ngcove Junior Primary School moKavango Uuzilo oya totelwe po konima yoomvula hamano ihe sigo onena kayi na omeya, uundjugo noshowo oongulu dhoskola dholela.
Aalongi naavali otaya ti oskola ndjika, oyi na aalongwa ya konda pomathele gane, okuza pokinda sigo Ondondo 3, nonande ongawo otayi kambadhala kuyoyene,ihe aalongwa taya longelwa moonkalo oondhigu noye li mo oyendji muupeleki mbuka.
"Hela ya totelwe po, poskola yetu inapu kape na uupomba womeya," omukuluntuskola Bernolda Kapunda osho a lombwele Namibian Sun oshiwike sha zi ko ngaaka.
"Otwa landele otenga yimwe yomeya niimaliwa ya zi moshiketha shoskola, ashike inayi gwana. Uuyogoki poskola yetu hawo naanaa oshoka aalongwa ya konda pomathele gane opamwe naalongi omulongo otaya longitha owala uundjugo uyali ihau pombo. Kashi li nawa. Natse aalongi atuhe aalumentu naakiintu, ohatu longitha owala okandjugo kamwe,” okwa ti.
Kapunda okwa fatulula kutya oskola Ngcove oya totwa po mo2019 ashike poskola kape na nande etungo limwe.
Nonande ongawo, aavali naalongi oya dhengela uupeleki niiimaliwa ya zi moshiketha shoskola.
“Otatu kambadhala noonkondo adhihe tu longe twi itula mo, ashike twaa na oonguluskola dholelalela, uundjugo noshowo omeya, ohatu nana nondatu kehe esiku,” omukuluntuskola a ti.
Kohi yomuti
Kapunda okwa gwedha po kutya aalongwa yomOndondo 1 petameko oya li ha longelwa kohi yomuti sigo uutalala we ya tidhile mokapeleke kamwe.
“Ngashingeyi otu na aalongwa hanga ye li 92 naalongi yawo yaali taya longitha okapeleki kamwe," okwe shi koleke.
"Aalongwa ohaya kuutumba kiipundi ya za nayo komagumbo ya landwa kaavali. Ohatu longitha iimaliwa yomoshiketha shoskola tu pangele iitaafula niipundi mbyoka ya teka peha lyokulanda iikwathitholongo," Kapunda okwa hokolola, okwa gwedha po kutya "iimaliwa yoskola hasho yi na okulongithwa ngeyika, ashike katu na nkene tu ninga."
Omulongi gwOndondo 1 Annelie Kapapelo, ngoka naye wo a li moonkundathana noshikundaneki shoNamibian Sun, okwa hokolola kutya aavali otaya kambadhala shili opo ya kwashilipaleke kutya elongo lyoyana otali pula komeho.
“Iipundi oyindji oye etelelwa okuza komagumbo. Uunona mbuka owundji owa za moshigwana shAayelele, wumwe womuyo kau na omuzalo gwoskola (ondalaha), uuthemba woshilongo nenge shopepunda shoshene shoka tau li," omulongi a ti.
"Uunona wumwe ihau ya koskola (ohau faula) oshoka ohau ehamene koskola nuupu omolwonkalo ndjika," okwa gwedha po.
Poskola poNgcove ope na aalongwa 412, moka mwa kwatelwa uunona wa za momuhoko gwAayelele 89.
Kapunda okwa ti uunona mbuka ihau mono omakwatho meukililo okuza kepangelo, onkene oskola ohayi wu telekele etete opo wu kale tau ya koskola.
“Uunona ohau lile kohi yomuti, wu li montsi nomekako. Mombelewa yetu omu na oombuku, nomapeko getu kage na siku inaga lika po koombuku,” okwa ti.
Omalongekidho oga ningwa
Omukuluntu gwokuninga omathaneko ga pamba elongo moshitopolwa shaKavango Uuzilo Emilie Sintentu okwe shi koleke moonkundathana dhopangodhi kutya poskola poNgcove kape nande etungo limwe.
Okwa ti ethaneko lyuule woomvula 3 lyokukwashilipaleka kutya uunona itau longwa wa thinana poNgcove opo li li, ashike iimaliwa otayi nyangwanyangwa, onkene eyekomeho otali kala nokweenda okaendanampadhi.
“Otwa pumbwa oonguluskola 12 poskola yaNgcove, ashike itatu vulu okudhi tunga adhihe oshita, lumwe. Omalongekidho oga ningwa opo ku tungwe uundjugo, notatu ka gwedha ko netungo lyoonguskola kashona kashona shi ikolela koshimaliwa shoka shi li po,” okwa ti.
MuApilili nuumvo, Namibian Sun okwa kundanekele kutya omukuluntuwiliki gwelongo Christine Shilima okwe shi koleke kutya otashi vulika shi kale pule oomvula dha konda puntano opo ya kandule po omukundu gwoonguluskola inaadhi gwana moshitopolwa ashihe shaKavango Uuzilo.
Okwa ti ompumbwe yomatungo niiyakulitho onkulunkulu, ooskola odhindji odhi na aalongwa oyendjiyendji nokadhi na naanaa egameno li ihwa po.
[email protected]
Aalongi naavali otaya ti oskola ndjika, oyi na aalongwa ya konda pomathele gane, okuza pokinda sigo Ondondo 3, nonande ongawo otayi kambadhala kuyoyene,ihe aalongwa taya longelwa moonkalo oondhigu noye li mo oyendji muupeleki mbuka.
"Hela ya totelwe po, poskola yetu inapu kape na uupomba womeya," omukuluntuskola Bernolda Kapunda osho a lombwele Namibian Sun oshiwike sha zi ko ngaaka.
"Otwa landele otenga yimwe yomeya niimaliwa ya zi moshiketha shoskola, ashike inayi gwana. Uuyogoki poskola yetu hawo naanaa oshoka aalongwa ya konda pomathele gane opamwe naalongi omulongo otaya longitha owala uundjugo uyali ihau pombo. Kashi li nawa. Natse aalongi atuhe aalumentu naakiintu, ohatu longitha owala okandjugo kamwe,” okwa ti.
Kapunda okwa fatulula kutya oskola Ngcove oya totwa po mo2019 ashike poskola kape na nande etungo limwe.
Nonande ongawo, aavali naalongi oya dhengela uupeleki niiimaliwa ya zi moshiketha shoskola.
“Otatu kambadhala noonkondo adhihe tu longe twi itula mo, ashike twaa na oonguluskola dholelalela, uundjugo noshowo omeya, ohatu nana nondatu kehe esiku,” omukuluntuskola a ti.
Kohi yomuti
Kapunda okwa gwedha po kutya aalongwa yomOndondo 1 petameko oya li ha longelwa kohi yomuti sigo uutalala we ya tidhile mokapeleke kamwe.
“Ngashingeyi otu na aalongwa hanga ye li 92 naalongi yawo yaali taya longitha okapeleki kamwe," okwe shi koleke.
"Aalongwa ohaya kuutumba kiipundi ya za nayo komagumbo ya landwa kaavali. Ohatu longitha iimaliwa yomoshiketha shoskola tu pangele iitaafula niipundi mbyoka ya teka peha lyokulanda iikwathitholongo," Kapunda okwa hokolola, okwa gwedha po kutya "iimaliwa yoskola hasho yi na okulongithwa ngeyika, ashike katu na nkene tu ninga."
Omulongi gwOndondo 1 Annelie Kapapelo, ngoka naye wo a li moonkundathana noshikundaneki shoNamibian Sun, okwa hokolola kutya aavali otaya kambadhala shili opo ya kwashilipaleke kutya elongo lyoyana otali pula komeho.
“Iipundi oyindji oye etelelwa okuza komagumbo. Uunona mbuka owundji owa za moshigwana shAayelele, wumwe womuyo kau na omuzalo gwoskola (ondalaha), uuthemba woshilongo nenge shopepunda shoshene shoka tau li," omulongi a ti.
"Uunona wumwe ihau ya koskola (ohau faula) oshoka ohau ehamene koskola nuupu omolwonkalo ndjika," okwa gwedha po.
Poskola poNgcove ope na aalongwa 412, moka mwa kwatelwa uunona wa za momuhoko gwAayelele 89.
Kapunda okwa ti uunona mbuka ihau mono omakwatho meukililo okuza kepangelo, onkene oskola ohayi wu telekele etete opo wu kale tau ya koskola.
“Uunona ohau lile kohi yomuti, wu li montsi nomekako. Mombelewa yetu omu na oombuku, nomapeko getu kage na siku inaga lika po koombuku,” okwa ti.
Omalongekidho oga ningwa
Omukuluntu gwokuninga omathaneko ga pamba elongo moshitopolwa shaKavango Uuzilo Emilie Sintentu okwe shi koleke moonkundathana dhopangodhi kutya poskola poNgcove kape nande etungo limwe.
Okwa ti ethaneko lyuule woomvula 3 lyokukwashilipaleka kutya uunona itau longwa wa thinana poNgcove opo li li, ashike iimaliwa otayi nyangwanyangwa, onkene eyekomeho otali kala nokweenda okaendanampadhi.
“Otwa pumbwa oonguluskola 12 poskola yaNgcove, ashike itatu vulu okudhi tunga adhihe oshita, lumwe. Omalongekidho oga ningwa opo ku tungwe uundjugo, notatu ka gwedha ko netungo lyoonguskola kashona kashona shi ikolela koshimaliwa shoka shi li po,” okwa ti.
MuApilili nuumvo, Namibian Sun okwa kundanekele kutya omukuluntuwiliki gwelongo Christine Shilima okwe shi koleke kutya otashi vulika shi kale pule oomvula dha konda puntano opo ya kandule po omukundu gwoonguluskola inaadhi gwana moshitopolwa ashihe shaKavango Uuzilo.
Okwa ti ompumbwe yomatungo niiyakulitho onkulunkulu, ooskola odhindji odhi na aalongwa oyendjiyendji nokadhi na naanaa egameno li ihwa po.
[email protected]
Comments
Namibian Sun
No comments have been left on this article