Oonaasalesa dhepangelo dha opalekwa dhi opalele aaleli mepangelo

Onkatu yotango yondjodhithaneko yApilili 2026 shoka sha kala nokupopiwa koyendji, osha etapo oosaala miipangelo dhowina dhi na iiyakulitho mbyoka tayi ka longithwa mokuyakula aanambelewa yopombanda mepangelo ye li 294.Vision April 2026 ndjoka ya li ya tulwa miilonga mu-01 Apiilili, elombwelo lya zi komupelesidente ndyoka ta li utha aanambelewa aakuluntu yepangelo ya longithe iipangelo yepangelo niipangelo yepangelo yi opalekwe noyi tulwe pamuthika gopombanda.Eutho ndika ota li lalakanene okuyambulapo omaakulo gopaunamiti, okunkondopaleka iiyakulitho osho wo okunawapaleka etulo miilonga.Ota li lalakanene wo okukwatela mo iilyo yosikema yopaunamiti yaaniilonga yepangelo (Public Service Employees Medical Aid Scheme (PSEMAS) momaakulo giipangelo yepangelo po kuhulithwe po omufango gomaakulo gopaunamiti ge li pamaludhi gaali ngoka gwa kala uulethimbo.Oshikakothimbo shika osha kwatelamo ashike aanambelewa ya tothwa mo, naamboka ya koleke okukutha ombinga aapambele yawo mboka haya yakulwa kohi yoPSEMAS ina ywatelwa mo manga.Omupopiliko guuministeli wuundjolowele Walters Kamaya okwa koleke koNamibian Sun kutya oosaala niipangelo ya odhekelwa ondjodhithaneko ndjika oya tothwa mo opo yi yakule aanambelwa osho wo iilyo yoPSEMAS.Moshipopiwa she pethimbo ta popitha oshigwana mEtitatu, omupelesidente Netumbo Nandi-Ndaitwah okwa ti epangelo olya gandja oshimaliwa shoomiliona N$164 opo ku landwe iiyakulitho yopaunamiti kaanduluki mbyoka ya tegelelwa yi thike moshilongo moomwedhi ndatu twa taalela.Uuministeli wuundjolowele owa kutha wo onkatu wu lande iikwaniipangitho yopaunamiti yasimana yongushu yoomiliona N$239 nowa kuta wo aaniilonga yopaunamiti ye li 2 307 okuza muDesemba 2025.Mokambapila komapulo haga pulwa olundji ka monika koNamibian Sun ota ka ulike kutya oshikako shotango osha odheka mo ashike aanambelewa aanene yepangelo naamboka taya longo moombelewa dhepangelo dhopombanda.Mboka ya kwatela mo oyo omupelesidente, omutiyalipelesidente, omupilima minister, omutiyali pilimaminista niilyo yokabinete. Oshikako shika osha kwatela mo wo hahandendjayi omukuluntu, omukuluntuwiliki gokomisi yomathaneko (National Planning Commission), aapeviminista, aagandjimayele yomupelesidente, amushanga gwiikundaneki, omitse dhiikondo yegameno, iilyo yomutumba gopashigwana, oongoloneya yiitopolwa osho wo amushanga gokabinete.Aanambelwa aakuluntu yuuministeli, amushanga gegumbo lyotango netiyali lyopashigwana, omukuluntu gokomisi yomahoogololo, omunambelewa omukuluntu gomahoogololo, omukuluntu gomandiki gomazulonkalo, omukuluntu gopolisi, omukuluntu gwetanga lyegameno osho wo omukuutumbiki gwegumbo lyopashigwana.Aanambelewa mbaka otaya ka mona omaakulo miipangelo ya tothwa mo: Windhoek Central Hospital, Katutura Intermediate Hospital, Oshakati Intermediate Hospital, Rundu Intermediate Hospital, Swakopmund/Walvis Bay complex, Onandjokwe Intermediate Hospital, osho wo Keetmanshoop District Hospital.Kiipangelo huka, otaa ka mona omaakulo ngaashi omaakulo gopaulumompumbwe, omaakulo gesiloshimpwiyu lya kwata miiti, omatando, omapango gaanona, omazulonkalo nomakonakono giiti yanathigo mwa kwatelwa wo ooapiteka nayilwe.Iipangelo ya tothwa mo otayi ka ningilwa omaambulepo omanene ge na sha nomatungo gawo, iikwaniipangitho yopaunamiti yopashinanena, aaniilonga yopaunamiti ya gwedhwa po, egandjo lyomiti li li ponkatu ombwanawa osho wo elongitho lyuungomba nomatungo omawanawa.Okambapila komapulo nomayamukulo ota ka ulike wo kutya oondohotola dhopaumwene otadhi ka pitikwa okuyakulila aavu yawo miipangelo ya tothwa mo.“Ongaashi aanawino mboka mongaashingeyi haya pewa oompito kiipangelo yopaumwene ya yakulile ko aavu yawo nonando ihaya longo miipangelo mbyoka, otaya ka mona wo omputo okutaambela mo nokuyakula aavu yawo miipangelo yepangelo”.Aayakuli yopaumweneOkambapila ota ka ti wo uuna aanambelewa ya tothwa mo yi iyadha ye li miitopolwa moka mwaana iipangelo mbyoka ya tothwa mo kohi yoshikakothimbo shika, oye na uuthemba okulongitha iipangelo yopaumwene.Uuna omaakulo gopaunamiti omumvu i iyadha ta pumbwa ndele itaga monika natango kiipangelo yepangelo moshitopolwa moka, nena omumvu ota vulu okutuminwa kiipangelo yilwe mwa kwatelwa mbyoka yopaumwene. Iifuta hayi futwa kiilyo lyoPSEMAS otayi tsikile niimaliwa ya likolwa otayi ka longithwa mokuyambula po iipangelo yepangelo nomaakulo gawo.Omiti otadhi ka gandjwa wo pamikalo dha yooloka dhaavu ye li miipangelo osho wo mboka yaali miipangelo mwa kwatelwa oombaapila womiti wa nyolelwa aavu kooAputeka dhomumidhingoloko osho wo dhoka tadhi pewa aavu ye li moombete miipangelo.Epangelo olya tala wo komaipulo ge na sha nepango lyonomenawina, ta li ti opwa tulwa oondondo dhomaakulo dhowina opo ku kwashilipalekwe kutya aavu oya yakulwa nawa miipangelo iheyali ya tothwa mo. Epangelo olya tsu wo omuthindo kutya ota ku ka yambulwa mo omaakulo ngaashi gomathano goCT nomashina goMRI shika otashi ka nawapalela aavu ayehe kaye shi ashike mboka ye li moshiketha shoPSEMAS.Onkatu ontiyali yoVision April 2026 oya tegelelwa yi ka tulwe miilonga mo-2027mesiku opo ta li ka tseyithwa.Onkatu ya landula ko otayi ka tungilwa konkatu yotango ndjoka ya tegelelwa okukagwedha mo iipangelo yilwe tayi tala unene komaakulo gopondondo yopevi, omaakulo gopaulumompumbwe, omatando, omakonakono gomuule osho wo omaakulo ge na sha nuundjolowele wopamadhiladhilo, okunkondopaleka omifango shokutumina aavu kiipangelo yilwe nokuhwepopaleka omakundumano kiipangelo iinene.

Oonaasalesa dhepangelo dha opalekwa dhi opalele aaleli mepangelo

Comments

Namibian Sun 2026-06-01

Please login to leave a comment

Oonaasalesa dhepangelo dha opalekwa dhi opalele aaleli mepangelo

Comments

Namibian Sun 2026-06-01

Please login to leave a comment

Subscription Required to Access Content ×

Login

Subscription Required to Access Content