ACC ta finyafinya Iithete shina sha nepitikilo lyokufula omahooli lya kwisha lya li lya gandjululwa

Okomisi yokukeelela uulingilingi otayi konaakona nkene egandululo lyepitikikilo lyokufula omahooli (Petroleum Exploration Licence (PEL) 37) ndyoka lya kwatakanithwa nekuthomiilonga lyaangoka a li nale omupevi pilimaminista osho wo ominista yoonkondo noomina Natangwe Ithete muKotoba 2025.Omukuluntundjayi gwoACC Paulus Noa okwe shi koleke koshifo shoNamibian Sun mehuliloshiwike kutya omapulaapulooga tala unene nkene epitikilo lya li lya gandjululwa konima sho eindilo lya li lya tindwa. Shi ikwatelela kuNoa, omapulaapulo oga ningwa nale maanambelewa ya gumwa koshinima shika moka mwa kwatelwa Iithete.MOsoondaha Noa okwa ti: “ Otandi shi koleke kutya ACC ota konaakona nkene egandjululo lyoPEL 37 lya li lya ningwa unene tuu sho minister ngoka a li ko nale a li a adhika a tinda eindilo ndyoka.”“Okwa li wo kwa gandjwa omalombwelo ga yooloka kaanambelewa yontumba moka mwa kwatelwa ngoka a li nale omupevi pilima minister”.Noa okwa gwedha po wo ta ti ngoka a li nale ominista yiikwankondo noomina Tom Alweendo naye woo ta ka pulwa opo shi kwathele aakonakoni moshinima shika omolwa etokolo lye sho a li a tindi eindilo ndika.Okwa ti: “ Omakonaakono oge li metifa. Otwa pumbwa okuuva ombahu nokawawa komunambelewa kehe a li a kutha ombinga metokolo lyokugandjulula ezimino lyeindilo ndika”.Ihe Iithete okwa ti ke na owino moshinima shika shomapulaapulo.Okwa lombwele Namibian Sun mehuliloshiwike kutya: “ Odha nakalindi. Ngiika opo ta ye ya kungame ihe mongaashingeyi ina ye ya ko kungame”.Namibian Sun okuuvite kutya gumwe gomwaamboka taya nikwaanikwa oMaggy Shino ngoka e li komufala gwiikwamahooli muuministeli opo a vule okukwathela mokuyamukula omapulo.Onziililo yomukandapitikilo tayi sokononwaMuKotoba 2025 Namibian Sun okwa li a lopota kutya Iithete okwa pitika egandjululo lyoPEL 37 nonando omupelesidente Netumbo Nandi-Ndaitwah a li a tula osjikondo shiikwamahooli nohaasa metonatelo lyombelewa yapelesidente muMaalitsa 2025.PEL,37 oya li ya gandjwa tango mo 2011 kehangano lyedhina Pancontinental and Paragon Oil &amp; Gas. Ihe lwanima ehangano lyedhina Tullow Oil olya li lya mono omukandapitikilo nolya ningi omulongithi gomukanda ngoka.Mo2018, mboka ye na iipambuliko mepitikilo ndika oyo Tullow 35%, ONGC Videsh 30%, Pancontinental 30% noParagon 5% shoka sha li tseyithwa moshigwana.Ihe muMaalitsa 2021 embwinda lyomahangano ngaka olya lundulikile monkatu ompe moka Tullow a li a gandja po iipambuliko ye pehulilo lyokikakothimbo oshitiyali sho ku ninga omaindilo omape yo inaya ka ninga we eindilo etitatu lyokupewululwa uuthembapitikilo wokufula omahooli.Kolopota yontumwafo ya li ya ningwa koThe Namibian otayi ti Paragon okwa ndopa okuyamukula pethimbo onkene omukandapitikilo gwe ogwa li gwa hulithwapo.Omemolanda wo imwe ya pitihwa kuuministeli ya monika koNamibian Sun otayi ulike kutya uuministeli owa li wa tseyithile Paragon a ulike muule womasiku omi-30 ngele okuna tuu natango ohokwe yokuninga eindilo lyegandjululo lyomukandapitikilo.Ihe Alweendo pethimbo ndyoka okwa tindi okugandjulula omukandapitikilo shoka sha yi eindilo moshipala. Oshinima shika osho ihe tashi finyaafinywa mongaashingeyi.Konima Iithete sho e ya mombelewa,etokolo lyaAlweendo okwa li anuwa lyashunithwa monima, shoka sha nana ACC opo a tameke omakonakono.Omukandapitikilo ogwa kwisha ihe Iithete ota ku lopotwa anuwa a pitike opo gu pitikululwe nogugandjululwe ye inaa pewa epitikilo komupelesidente.Iithete okwa li a ulikwa onga omutiyali pilimaminista osho wo ominista yiikwafaabulika, oonkondo niikwamina muMaalitsa 2025 a pinfene po Alweendo.Mo 27 Kotoba 2025 omupelesidente okwa li a tidha Iithete miilonga nokonima okwa li a ulike Frans Kapofi a kwathele lwanima sho omupelesidenteye a kala ta longo pompito ndjoka.Nonando pu na okalamuka moshinima shoPEL, 37 aapindiki oya kala nokuulika ohokwe okuktha ombinga moshikondo shika.muJanuali, ehangano Sintana Energy okya li lya futu ko oshimaliwa shoodola dha America omiliona yimwe shi thike poomiliona N$16,4 opoli mone uuthemba woku ninga omalolelo miipindi shoka she li pa ompito yokupindika moPEL,37 shaa li meukililo ndele ota li pitile mehangano lyoParagon.

ACC ta finyafinya Iithete shina sha nepitikilo lyokufula omahooli lya kwisha lya li lya gandjululwa

Comments

Namibian Sun 2026-10-13

Please login to leave a comment

ACC ta finyafinya Iithete shina sha nepitikilo lyokufula omahooli lya kwisha lya li lya gandjululwa

Comments

Namibian Sun 2026-10-13

Please login to leave a comment

Subscription Required to Access Content ×

Login

Subscription Required to Access Content