Oodhila dhaAir Namibia dha landithwa kashi li pauyuuki aniwa

Aakwateli komeho mboka taya ungaunga noshikumungu shepato lyehangano lyomatukodhila lyaNamibia lyoAir Namibia, Bruni and McLaren otaku popiwa kutya itaya longo pauyuuki sho ya tindi okutala omaindilo goProgress Aviation oshowo AB Airlines okulandapo oodhila mbali dhehangano lyoaAir Namibia.Otaku popiwa kutya ehangano lyomatukodhila lyoFly Namibia ndyoka lya tseyika nale nedhina West Air olya landa ko odhila koAir Namibia inapu kalwa nonando kalya li lya holola ehalo lyokulanda odhila ndjoka.Omukanda ngoka gwa shangelwa minista Iipumbu Shiimi, koProgress Aviation oshowo AB Airlines ogwa popi kutya aakwateli komeho yehangano ndyoka itaya longo moshili.Bruni naMcLaren okwa popiwa aniwa ya tindi okutala omaindilo okuza komahangano gamwe na oya landithapo odhila kehangano lyoFly Namibia kondando yopevi.Odhila ndjoka otaku popiwa ya landithwapo kondando yoomiliyona N$44.9 nonando ongushu yawo oomiliyona N$60.4.Okuume mboka mongeshefa yomatukodhila oya popi kutya oya li ya yi moonkundathana nomukomeho gwoAir Namibia, Stanley Kariko, ngoka e ya pe omayele opo ye ye moshilongo ya tale kutya odhila ndjoka oyi li muukwatya wuli ngiini.Mboka sho ya thiki moshilongo momasiku gaheyali gaSepetemba, Kariko okwe tseyithile kutya ondhila ndjoka olya landithwapo nale na okwe ya ukitha kuDavid Bruni gwoBruni and McLaren.Oya tsikile kutya oya gwanithapo iipumbiwa ayihe ya pulwa koBruni and McLaren ihe inaya ihumbatelwa pauyuuki.Oya pula opo ya ulikilwe omulandu gwa landulwa melandithepo lyodhila ndjoka molwaashoka yo oyali ya pulwa opo ye ye moNamibia okulandula omulandu gwehololo lyehalo melando lyodhila, na oye wete kutya inaya ihumbatelwa pauyuuki nuukwashili, onkene oya hala ombelewa yaShiimi yi gandje uumbagi omulandu ngoka gwa landulwa.Minista okwa popi kutya onga aaniipambuliko mehangano, epangelo inali pitikwa okwiidhopa momulandu ngoka naashoka oshi li oshinakugwanithwa shOmpangu yoPombanda, ndjoka ya ulike aaungaungi yepatitho lyehangano lyoAir Namibia.Bruni okwa holola kutya ita ti sha koshikumungu shoka na okwa ulitha oNamibian Sun kuKariko omanga CEO André Compion a tindi omapopyo ngoka.Kariko okuukitha natango oNamibian Sun kuBruni.

Oodhila dhaAir Namibia dha landithwa kashi li pauyuuki aniwa

Comments

Namibian Sun 2025-05-02

Please login to leave a comment

Oodhila dhaAir Namibia dha landithwa kashi li pauyuuki aniwa

Comments

Namibian Sun 2025-05-02

Please login to leave a comment

Login