Wilson en Pienaar wen Nedbank for Good-titels op Outjo

Die Nedbank for Good-reeks het Saterdag sy negende rondte by die Outjo-gholfklub afgehandel, met die plaaslike speler Henco Wilson en Yolanda Pienaar van Oranjemund as die mans- en vrouekampioene van die heel eerste toernooi vandat Outjo tot die reeks bygevoeg is.Die uitdagende Outjo-gholfbaan sluit aan by Okahandja en Grootfontein as byvoegings tot die reeks.Henco Wilson het die mansafdeling met 'n indrukwekkende 38 punte gewen, danksy die uittel teen Terus Burger, wat ook 38 behaal het en tweede geplaas is.Outjo se junior talent, Kruger Wilson, was derde met 36 punte, terwyl Christian Nghole (35) en Simson Tsaneb (31) die topvyf voltooi.Agterna het Wilson sy waardering verklaar vir die geleentheid om in so 'n goed georganiseerde en hoogs mededingende toernooi in Outjo te speel.“Ek was verbaas dat ek gewen het; ek het dit nie verwag nie. Outjo kan soms winderig en stowwerig wees, maar vandag was die weerstoestande perfek vir 'n wonderlike dag om gholf te speel. “Die kompetisie was hewig; ons het plaaslike spelers gehad, sommige het van Otjiwarongo, Tsumeb en Grootfontein en selfs so ver as Oranjemund gekom. “My seun, Kruger, het ook saam gespeel; hy is 'n talentvolle speler.”Hy sê Outjo-inwoners is dankbaar teenoor die organiseerders. “Dit (insluiting in die reeks) sal meer inwoners aanmoedig om gholf te begin. Ons klub sal van hier af begin en vorentoe gaan. Ons het net iemand nodig gehad om die proses aan die gang te kry. Volgende jaar kyk ons na meer spelers van Outjo en Otjiwarongo wat deurkom en aan die reeks deelneem, wat ons ook toelaat om terug te gee aan liefdadigheid.”In die vroue-afdeling het Yolanda Pienaar die eerste plek gewen.Volgende drie by die kusDie Nedbank for Good-reeks se volgende drie rondtes beweeg aan na die kus, eerstens op Hentiesbaai komende Saterdag (16 Augustus), gevolg deur die Rössmund-baan by Swakopmund (23 Augustus) en Walvisbaai ‘n week later.Die opbrengs van vanjaar se reeks is ten bate van Agra ProVision, wat opleiding, dienste en ondersteuning aan onderbediende landbougemeenskappe verskaf.Die Nedbank for Good-reeks se korporatiewe vennote is Autohaus Windhoek, Vivo Energy, AfricaOnline, Agra, B2Gold, Gondwana Collection Namibia, JTC Namibia, King Price, Pupkewitz Megabuild, Town Lodge Windhoek, WV-Manufacturing en Future Media.

Wilson en Pienaar wen Nedbank for Good-titels op Outjo

Comments

Namibian Sun 2026-11-03

Please login to leave a comment

Wilson en Pienaar wen Nedbank for Good-titels op Outjo

Comments

Namibian Sun 2026-11-03

Please login to leave a comment

Subscription Required to Access Content ×

Login

Subscription Required to Access Content