Tsumeb gaan lekker dreun

Tsumeb en sy omgewing gaan môre behoorlik dreun wanneer 18 spanne aan die derde ronde van die Namibiese nasionale tydrenkampioenskap deelneem.Die kompetisie word onder die vaandel van die Tsumeb Motorklub aangebied.Die Noordedorp is ’n gewilde bestemming onder deelnemers, maar die roetes is ’n klipharde neut om te kraak. Die derde ronde word oor 104 kilometer en tien spesiale sneldele (SS) beslis. Die V8-simfonie van die spanne in die Challenge Rally (CR)-afdeling behoort weer musiek in die ore van motorsportliefhebbers te wees.By die sedanmotors is daar ses inskrywings in die S1-klas, twee in S2 en een in S4, vir ’n totaal van nege spanne. In die Challenge Rally-afdeling spog CR1 met drie uitdagers, CR2 met twee en CR3 met vier spanne - ook ’n totaal van nege.Die volgende kampioene van die 2026 Tara-tydren sal in aksie wees: MP Pretorius en Anja Pretorius (CR3 en algeheel eerste in die Challenge Rally-afdeling), Stefan Labuschagne en René Botha (CR2), SJ Schoeman en Chané Havenga (CR1), Kai Pretorius en Oliver Pretorius (S1), asook Zachary Martin en Anique Schoeman (S2 en algeheel tweede). InskrywingsBy al die klasse en afdelings word die bestuurders se name eerste genoem en dié van hul navigators tweede. SedanklasseS1-klas (1.6-liter-enjins, 2x4-aandrywing)Nr. 14 Kai Pretorius (Windhoek Motorklub, WMK) en Oliver Pretorius (WMK) – Toyota CorollaNr. 95 Donovan Vermaak (Swakopmund Motorklub, SMK) en Len Folscher (SMK) – Toyota CorollaNr. 79 Pieter Greeff (Walvisbaai Motorklub, WBMK) en JP Robinson (WBMK) – Toyota CorollaNr. 234 Stefan Bartsch (WBMK) en Alexa Montagu-Fryer (WBMK) – VW PoloNr. 333 Gerhardus Visser (Tsumeb Motorklub, TMK) en Steven Robinson (TMK) – Toyota RunXNr. 377 Richard Himmel (WMK) en Adolf Botes (WMK) – Toyota EtiosS2-klas (2.0-liter-enjins, 2x4-aandrywing)Nr. 43 Zachary Martin (WBMK) en Anique Schoeman (WBMK) – VW PoloNr. 9 Jaco Coetzer (TMK) en Koos Coetzer (TMK) – VW Golf Mk1S4-klas (1.6-turbo- en 2.0-liter-enjins, 4x4-aandrywing)Nr. 33 Wido Bartsch (WBMK) en Raymond Fourie (WBMK) – Toyota YarisChallenge Rally-afdelingCR1-klas (enige enjingrootte, 2x4-aandrywing)Nr. 215 Ekko Eisenberg (WMK) en Horacio Rietz (WMK) – V8 Lexus JACNr. 7 SJ Schoeman (WBMK) en Chané Havenga (WMK) – Toyota Hilux GD6Nr. 166 Rossouw Bezuidenhout (WBMK) en Michael Maritz (WBMK) – V8 Toyota HiluxCR2-klas (V8's, 4x4-aandrywing)Nr. 35 Stefan Labuschagne (WMK) en René Botha (WMK) – V8 Lexus JACNr. 201 Werner Bartsch (WBMK) en Christel Fourie (WBMK) – V8 Land Rover DefenderCR3-klas (doelgeboude voertuie, 4x4-aandrywing)Nr. 214 Ruaan Viviers (WMK) en Cecil Koorts (WMK) – V8 Century CR6Nr. 375 Marko Himmel (TMK) en Francois Schoonbee (TMK) – Navara EVONr. 790 MP Pretorius (WMK) en Anja Pretorius (WMK) – V8 Renault DusterNr. 70 Steven Marnewick (SMK) en Roche Louw (WMK) – Zarco Die Tsumeb-tydren word deur die volgende borge ondersteun: Power Line Africa, YouTrack Fleet Management, Commercial Truck Parts Africa, Northern Security &amp; Alarm Systems, IMB Imberbe Logistics, Bank Windhoek, TDL Trans Desert Logistics en Minen Hotel.Die eerste motor spring om 09:30 by die Minen Hotel weg, met die laaste deelnemers wat na verwagting teen 16:30 sal klaarmaak.

Tsumeb gaan lekker dreun

Comments

Namibian Sun 2026-10-12

Please login to leave a comment

Tsumeb gaan lekker dreun

Comments

Namibian Sun 2026-10-12

Please login to leave a comment

Subscription Required to Access Content ×

Login

Subscription Required to Access Content