Suiderhof-spanne haal semifinale met trots

Suiderhof Primêre Skool se rugbyspanne, ook bekend as DHL Suiderhof op grond van DHL Namibia se borgskap, het vir die eerste keer in die skool se geskiedenis twee spanne in die NSSU nasionale ligas se semifinale, albei met die strewe om kampioene te word.Die o.11-span het laas naweek op Rehoboth in die kwarteindstryd van die NSSU nasionale o.11B-liga teen Ruimte Primêre Skool gespeel en met 29-5 gewen om na die semifinaal te vorder.Suiderhof se o.13-span het terselfdertyd na Outjo gereis, waar hulle hul kwarteindstryd in die NSSU o.13 nasionale reserweliga teen Moria Privaatskool met 29-0 oorheers het. Albei spanne sal Vrydag in aksie wees in hul onderskeie semifinale wat by Windhoek Gimnasium se Lions Den beslis word. Die o.11’s speel teen St. Joseph Primêre Skool van Rehoboth, terwyl die o.13’s teen Primêre Skool Wilhelm Nortier van Grootfontein speel. Beide Suiderhof-spanne word afgerig deur mnre. Wessel Witbooi (hoofafrigter en rugby-koördineerder); Donovan O'Brien (voorspelers), Jonathan Coetzee (agterlyn), Justin Nel (spesialisafrigter) en me. Rayneve Witbooi as spanbestuurder. Wessel Witbooi sê die sukses van die skool se rugby vanjaar is grootliks te danke aan hul borg, DHL Namibia, se finansiële steun wat dit moontlik gemaak het om die regte toerusting te bekom, asook meer te kan toer en deelneem in sportdae en toernooie in voorbereiding vir die liga. Witbooi verwys ook na die drie deurslaggewende komponente naamlik ouers se ondersteuning en deelname, spelers se harde werk en toewyding, asook afrigters se toewyding en verbintenis.VRYDAG 22 Augustus by Windhoek GimnasiumO.11 B-liga: WAP tn Pro-Ed Akademie (11:00)O.11 B-liga: Suiderhof tn Primêre Skool Wilhelm Nortier (Grootfontein) (11:50)O.11 A-liga: Windhoek Gimnasium tn Moria (Outjo) (12:40)O.11 A-liga: Parkies tn Walvisbaai Privaatskool (13:30)O.12 A-liga: St. Joseph (Rehoboth) tn Parkies (14:20)O.12 A-liga: WAP tn Windhoek Gimnasium (15:10)O.13 reserweliga: Parkies tn Walvisbaai Privaatskool (16:00)O.13 reserweliga: St. Joseph (Rehoboth) tn Suiderhof (16:55)O.13 superliga: Laerskool Walvisbaai tn WAP (17:50)O.13 superliga: Roots Gimnasium tn Windhoek Gimnasium (18:45)

Suiderhof-spanne haal semifinale met trots

Comments

Namibian Sun 2025-10-22

Please login to leave a comment

Suiderhof-spanne haal semifinale met trots

Comments

Namibian Sun 2025-10-22

Please login to leave a comment

Login