RMB Brandberg Backyard Ultra plaas Uis in kollig

Die RMB Brandberg Backyard Ultra (BBU), Namibië se unieke uithouvermoë-hardloopgeleentheid wat in die ruwe landskappe van Damaraland aangebied word, sal op 18 Julie 2026 na Brandberg Restcamp in Uis terugkeer met die eerste wegspringtyd om 08:00.Die BBU – reeds stewig gevestig as een van die land se voorste ultra-hardloopervarings – volg die tradisionele Backyard Ultra-formaat. Atlete spring elke uur weg op ‘n 6.706 km-sirkelroete en voltooi soveel baanrondtes as wat hulle kan, totdat slegs een hardloper oorbly.Die Brandberg Backyard Ultra bly groei as 'n viering van uithouvermoë, gemeenskap en Namibië se rou natuurlike skoonheid en sien uit om weer ‘n gesonde mengsel van elite ultra-atlete, eerstekeer-deelnemers aan die uitdaging en inskrywings vir die pret in aksie te hê. WêreldspankampioenskapDie BBU 2026 sal die tweede en laaste kwalifiserende wedren vir Namibië wees vir die Backyard Ultra Wêreldspankampioenskap wat in Oktober vanjaar plaasvind.Ná Namibië se hoogs suksesvolle aanbieding van die 2024 Backyard Ultra Wêreldspankampioenskap – wyd geprys vir die goeie organisering, energieke atmosfeer en ikoniese omgewing – bou die 2026-weergawe op hierdie momentum voort.Die topagt Namibiese atlete (algeheel, ongeag geslag) sal outomaties vir Namibië se span kwalifiseer, wat die spel aansienlik verhoog vir die mededingende ultraveld. Ervaring, gees en aktiwiteiteBenewens die wedrenne, is BBU bekend vir sy ongeëwenaarde atmosfeer en gemeenskapservaring.Vanjaar word ‘n paar uitgebreide ondersteunersaktiwiteite bekendgestel, insluitend die "turnaround cheers"-ervaring, waar toeskouers na sekere punte op die baan vervoer sal word aan boord van die legendariese Cowbell Cruiser, met vergunning van Uis Elephant Lodge.Ondersteuners kan uitsien na Two Beards Coffee Roastery, braaihappies van Habitat Home Decor, ‘n gratis gin-ervarings van Atlantic Stillhouse, asook Electroboost-elektrolietondersteuning van Deopharma.Die ikoniese BBU-koeiklokmedalje keer ook terug en behou sy status as een van die mees gesogte simbole in Namibiese uithousport. Bewaring is sentraalOnmiddellik ná die wedren sal BBU opnuut sy stil veiling aanbied ter ondersteuning van drie bewaringsorganisasies – die Save the Rhino Trust Namibia (SRT), Ocean Conservation Namibia (OCN) en Pangolin Conservation &amp; Research Foundation (PCRF).Verteenwoordigers van al drie organisasies sal die geleentheid bywoon om met atlete en ondersteuners te gesels. Oor die jare het hierdie veilings meer as N$1 miljoen ingesamel vir verdienstelike Namibiese wildbewaringsorganisasies, danksy die ongelooflike vrygewigheid en ondersteuning van beide plaaslike en internasionale skenkers en ondersteuners.BBU gaan ook voort met sy verbintenis tot verantwoordelike omgewingsbestuur deur sy REWILD: Race Green-beleid, wat ‘n verbod op die enkelgebruikplastiek en polistireenbekers toepas.Deelnemers word aangemoedig om herbruikbare bottels en bekers saam te bring om die ongerepte omgewing van Damaraland te help beskerm. VennoteDie organiseerders betuig opregte dank aan RMB Namibia, titelborg van Brandberg Backyard Ultra, sowel as alle vennote, vrywilligers en ondersteuners wat een van Namibië se mees kenmerkende sportervarings groter laat groei.Organiseerders sê: “BBU het veel meer as 'n wedloop geword. Dit is nou 'n byeenkoms van gemeenskap, uithouvermoë en landskap, en groei elke jaar voort.”• Meer besonderhede, en om in te skryf, https://q.my.na/2TVK

RMB Brandberg Backyard Ultra plaas Uis in kollig

Comments

Namibian Sun 2026-07-20

Please login to leave a comment

RMB Brandberg Backyard Ultra plaas Uis in kollig

Comments

Namibian Sun 2026-07-20

Please login to leave a comment

Subscription Required to Access Content ×

Login

Subscription Required to Access Content