Miller verleen aansien aan XC3

Die gedugte Namibiese kampioen en tweemalige Olimpiese ryer Alex Miller was Saterdag by Farm Bergquell naby Okahandja in aksie terwyl hy in sy tuisland vir ‘n intense oefenperiode voordat hy vir sy volgende groot resies na Spanje terugkeer.By die derde byeenkoms in die Nedbank Windhoek Pedal Power veldresiesreeks (XC3) het Miller die elite mansresies oor ses baanrondtes gewen (een uur ses minute ses sekondes) nadat hy ‘n gerieflike voorsprong teen Martin Freyer (tweede in 1:08:23) en die res opgebou het. Derde was Theuns van der Westhuizen (1:10:16) voor Kevin Lowe (1:10:44), Hugo Hahn en Xavier Papo.In die elite/o.23 vroueresies was Monique du Plessis die enigste inskrywing, maar sy het ná net een baanrondte onttrek. Du Plessis was een van verskeie ryers vir die dag wat geval het, waartydens sy haar gewrig verstuit het.Freyer het ook in ‘n stadium geval, maar het nietemin tweede klaargemaak.Junior mans (o.18): Sean Lowe, ná sy puik bronsmedalje verlede week by die Afrika-kampioenskap ná sy landgenoot Roger Surén (silwer), was aan die wenkant in sy resies oor vyf baanrondtes (57 minute 31 sekondes). Matti Lukaschik (1:01:42) was die enigste ander ryer wat kon klaarmaak, met Christiaan van der Westhuizen (geval tydens sy tweede rondte) en Marco Thiel (vierde rondte) wat ook teëspoed gekry het.Junior vroue (o.18): Delsia Janse van Vuuren (Afrika-kampioen in 2024 en Afrika-brons verlede week in Pietermaritzburg) moes oor vier baanrondtes ‘n stywe pas handhaaf om voor haar vasberade uitdager Rosemarie Thiel te bly (55:47 teen 56:10).Wenners in sommige van die ander kategorieë:Seuns o.10 (twee rondtes): Dennis Bassingthwaighte.Seuns o.12 (drie rondtes): Sion Liebenberg.Seuns o.14 (drie rondtes): Micah Chase.Seuns o.16 (vier rondtes): Julius Braun.Meisies o.10 (een rondte): Amy Lowings.Meisies o.12 (twee rondtes): Linn Lambert.Meisies o.14 (twee rondtes): Qara Volschenk.Meisies o.16 (drie rondtes): Nicole Surén.Subveteraan mans (vier rondtes): Nelius Burger.Veteraan vroue (drie rondtes): Marion Schonecke.Veteraan mans (vier rondtes): Marc Bassingthwaighte.Meesters mans (drie rondtes): Hans du Toit.Grootmeesters mans (vier rondtes): Stefan Bohlke.In vergelyking met die gebruiklike IJG Trials-baan in Kleine Kuppe beskryf die nasionale fietsry-afrigter Hans du Toit die roete by Bergquell soos volg: “Dis meer ‘n natuurlike baan, maar dit verg baie konsentrasie. Daar is nie soveel groot hindernisse nie, maar indien jy vinnig ry, kan dit ook baie tegnies wees.”

Miller verleen aansien aan XC3

Comments

Namibian Sun 2026-01-29

Please login to leave a comment

Miller verleen aansien aan XC3

Comments

Namibian Sun 2026-01-29

Please login to leave a comment

Subscription Required to Access Content ×

Login

Subscription Required to Access Content