Juniors leer spoed en presisie by Zwartkops

Drie Namibiese rensteljaers het die afgelope naweek in Suid-Afrika aan die Formule K Rotax-kampioenskap deelgeneem en kompeterende uitslae by die Zwartkops-renbaan in Benoni behaal.Russell Josephat het sesde in die Bambino-klas (ouderdomme vyf tot agt jaar) geëindig, terwyl Nand Kaiyamo en Mandume Kaiyamo onderskeidelik negende en 14de in die Mini Max-klas klaargemaak het.Met die uitdagende tegniese uitleg van bane in Suid-Afrika, gekombineer met strawwe kompetisie van die jaers daar, is die Namibiërs se prestasie beslis iets om oor opgewonde te wees.Die kennis wat die toekomstige kampioene opgedoen het, sal hulle in die Namibiese renstelkampioenskap handig te pas kom. Russell se pa JP vertel: “Ons het albei sy enjins Woensdag en Donderdag verloor en was op die punt om te onttrek, maar ons enjinbouer het met ‘n mededinger gepraat om vir ons 'n enjin te leen. Van toe af kon ons ons vorige ervaring gebruik en dinge laat werk. Uit oefenren 3 tot 5 word jou beste tyd gekies en so kwalifiseer Russell toe uiteindelik derde-beste (ons beste kwalifisering nog in die SA kampioenskapsreeks).“Op resiesdag Saterdagoggend het Russell dus derde weggespring, maar ongelukkig het hy nie goed begin nie en het drie ryers laat verbygaan en was dus sewende om die eerste draai.“Hy het wel geslaag om een posisie terug te wen, maar dit was te laat en hy eindig sesde met 'n beste tyd van 41.92, om eerste te begin in uitdun 2. “Uitdun 2 was die hoogtepunt van die naweek toe hy die eerste draai in die tweede posisie bereik het, maar hy het hard geveg om weer voor te wees en vir nege baanrondtes was hy die voorloper, totdat hy van die baan gestamp is en dus negende klaargemaak het. “In uitdun 3 het hy vyfde begin. Kort na die wegspring het hy heelwat posisies verloor toe hy gestamp is, maar hy het met presisie gery om sesde te eindig.“Sy algehele sesde eindposisie is dieselfde as wat ons by die eerste twee SA kampioenskapsbyeenkomste behaal het.”Ter opsomming van die naweek het Rotax Suid-Afrika gesê: “Dit was 'n opwindende derde ronde van die RMC Suid-Afrikaanse renstelkampioenskap. Met meer as 100 jaers in aksie, was die mededinging uit die boonste rakke.“Baie geluk aan die topses jaers in elke klas en baie dankie en welgedaan aan al die Rotax-jaers wat hul alles by die byeenkoms gegee het. Jul toewyding en passie het vir 'n skouspelagtige vertoning gesorg en ons kan nie wag om julle almal weer vir die nasionale finaal op Zwartkops einde Augustus te sien nie!” – tielman@nmh-hub.com.na

Juniors leer spoed en presisie by Zwartkops

Comments

Namibian Sun 2025-07-15

Please login to leave a comment

Juniors leer spoed en presisie by Zwartkops

Comments

Namibian Sun 2025-07-15

Please login to leave a comment

Login