Grootfontein in finaal, maar teen wie?

Trustco United het gister bevestig dat sy eerste en tweede rugbyspanne nie die reis sal aanpak om komende Saterdag ‘n wegwedstryd teen FNB Grootfontein in die laaste rondte van die JSB Gold Cup-reeks te speel nie. Beserings, werkverpligtinge en ander faktore het die Filistyne in ‘n posisie gelaat waar hy nie genoeg spelers beskikbaar sal hê nie, het afrigter Herman Lintvelt bevestig.Die gevolglike toekenning van die maksimum ses ligapunte aan Grootfontein beteken dat Wikus Jacobs se span as voorloper (tans 19 punte ná vier wedstryde) nie meer verbygesteek sal kan word nie en dus vir seker een van die twee finaliste op 20 September sal wees.Nóg ‘n nagevolg is dat die wedstryd by die Unam-stadion tussen FNB Unam en FNB Wanderers ‘n uitklopstryd vir die ander plek in die finaal sal wees. Wanderers (18 punte; tweede) en Unam (16; derde) het elkeen drie uit vier wedstryde in die Gold Cup gewen.As regstreekse uitsaaier het Network Television (NTV) ook die aanpassing gemaak om laasgenoemde wedstryd te beeldsend, ná die kansellering van die wedstryd op Grootfontein.Terwyl FNB Kudus (vierde met 13 punte) se wiskundige buitekans om dalk nog in die toptwee te kon eindig, ook deur United se onttrekking uitgevee is, sal die Walvisbaaiers wel hul laaste klubwedstryd van die seisoen op Rehoboth gaan speel.Kudus se direkteur van rugby, Roger Thompson, het bevestig dat die bloues met beide hul eerste en tweede spanne hul laaste geskeduleerde wedstryd van die Gold Cup sal nakom. Hy het Grootfontein gelukgewens wat sy deelname in die eindstryd reeds voor die laaste rondte beklink het.In die Gold Cup se reserweliga is Kudus se tweede span (18 punte) tweede ná Wanderers II (19), maar die Walvisbaaiers moet hul plek in die finaal beveilig omdat Unam II (14 punte) nog binne trefafstand is.Afskoptye by Unam-stadion:Unam Steenbokkies tn Wanderers Bokkies – 12:30FNB Unam II tn FNB Wanderers II – 14:00FNB Unam I tn FNB Wanderers I – 15:45Afskoptye op Rehoboth:FNB Rehoboth II tn FNB Kudus II – 14:00FNB Rehoboth I tn FNB Kudus I – 15:45

Grootfontein in finaal, maar teen wie?

Comments

Namibian Sun 2026-02-03

Please login to leave a comment

Grootfontein in finaal, maar teen wie?

Comments

Namibian Sun 2026-02-03

Please login to leave a comment

Subscription Required to Access Content ×

Login

Subscription Required to Access Content