Grootfontein bereik \'n toppunt met JSB Gold Cup-triomf
Klubrugby
Die opgang van FNB Grootfontein in Namibiese klubrugby is eindelik voltooi met hul swaarverdiende verowering van die JSB Gold Cup premiertrofee in ‘n dramatiese en aanskoulike finaal teen FNB Wanderers.
Wikus Jacobs se manne het in die eerste helfte die oorhand begin kry en hoewel Wanderers met vyf strafdoele deur Danco Burger voortdurend nader gekruip het, het hulle seker gemaak dat hierdie titel hulle nie ontglip nie. Grootfontein het uiteindelik vier drieë teen drie gedruk vir ‘n welverdiende oorwinning met 37-32.
Danksy JSB Betting se borgskap het die noordespan die wenprys van N$50 000 ingepalm, terwyl Wanderers N$30 000 verdien het.
Grootfontein – wat tot 2019 in die NRU eersteliga meegeding het – het die afgelope twee seisoene tot die halfeindronde van die NRU premierliga deurgedring, waar hulle verlede jaar deur FNB Unam en vanjaar deur die uiteindelike wenner FNB Kudus uitgeskakel is
In die tweede helfte van die seisoen het die noordespan sy aanslag op die topses-kompetisie van die JSB Gold Cup met ‘n wegnederlaag teen FNB Unam afgeskop (35-40), maar het sedertdien onoorwonne gebly met seges teen FNB Rehoboth (weg, 34-27), Wanderers (tuis, 44-36) en Kudus (weg, 53-33), voordat Trustco United vir die laaste rondte onttrek het.
Wikus Jacobs, haker en kaptein van Grootfontein, was ná die finaal beskeie oor sy span se sonderlinge prestasie.
“Dit was ‘n tawwe finaal; krediet aan Wanderers wat ons tot die einde gedruk het. Dit was baie, baie lekker om teen hulle te speel. Maar ek haal my hoed vir nie net die nommer 1 tot 23 nie, maar 25 wat alles ingesit het vir hierdie finaal. Ons het hard gewerk en ons kan bly wees ons was aan die wenkant.
“Alles was baie goed georganiseerd en dit was lekker toe die skare in die Hage Geingob-stadion agter ons begin staan het.”
Binnesenter Franklin Busch was een van Grootfontein se sleutelspelers met sy skoon stelskoprekord vir die dag (drie strafdoele; vier doelskoppe).
Regtervleuel Keno Shetukana het die prys as speler van die wedstryd ontvang en het uitstaande presteer. Vir die drie wat hy ná 42 minute afgerond het, was hy bloot die man oor, maar sy rol in die vroeër langafstanddrie ná 27 minute deur sy vleuelmaat Lazarus Joseph was sprekend van sy vermoëns om ‘n aanvallende situasie op te som.
Slot Oliver Mouton het Grootfontein se eerste drie ná 20 minute gedruk en danksy Lazarus se drie en Busch se eerste vier skoptreffers was die noordespan rustyd met 20-10 voor.
Wanderers se antwoord in daardie stadium was ‘n vroeë strafdoel deur Danco Burger en ‘n drie met die laaste beweging van die helfte deur vleuel Nandivatu Karuuombe wat goeie opbou-lopies deur André Augustyn en Obert Nortje afgerond het.
Toe Shetukana sy eie drie ná rustyd gedruk het, het Wanderers se slot Rainer Augustyn vergeefs geduik om hom oor die doodlyn te probeer druk. In die kontak het Augustyn vermoedelik harsingskudding opgedoen en is op ‘n draagbaar van die veld afgedra, maar het boonop ‘n rooi kaart van skeidsregter Danie Koen ontvang.
Grootfontein se momentum is effens gestuit terwyl die voorspelers Pieter-Daan Kok (38ste minuut) en Johan Luttig (46ste minuut) met geelkaarte afgestuur is.
Met drie strafdoele deur Burger en ‘n onverdoelde drie deur heelagter Tolley Tjipute het Wanderers hul agterstand vanaf 10-27 (43 minute) tot 24-27 (55 minute) laat krimp. Tjipute se drie is deur ‘n goed geplaaste dwarsskop van Danco Burger na die regterkantlyn moontlik gemaak.
Grootfontein se reaksie was egter opnuut een van hul tipiese vasberade maaldryfdrieë, met enkele agterspelers wat ook aangesluit het om Wikus Jacobs oor die doellyn te druk. Met die doelskop was die verskil 34-24 (68 minute), voordat Busch en Burger weer elk ‘n strafdoel bygevoeg het.
Ná 79 minute het Wanderers vanaf ‘n skrum op hul eie doellyn vir Johan Deysel as stampkar gebruik en van daar die bal vinnig links na Tolley Tjipute gestuur, wat sowat 80 meter vir ‘n onverdoelde wegholdrie genael het.
Uitslae van die ander eindstryde
JSB Gold Cup reserwefinaal: FNB Wanderers II klop FNB Kudus II met 44-34 (rustyd 19-5). Speler van die wedstryd: Wiks Tromp (Wanderers losskakel).
NRU Vrouebekerfinaal: Wanderers Bokkies klop Unam Steenbokkies met 19-12 (rustyd 5-5). Speler van die wedstryd: Astrid van Lill (Wanderers).
JSB Silver Cup premierfinaal: FNB Reho Falcon klop FNB Dolphin I met 29-28 (rustyd 17-13). Speler van die wedstryd: Saari Uugwanga (Reho Falcon agtsteman).
JSB Silver Cup reserwefinaal: FNB Reho Falcon II klop FNB Dolphin II met 25-21 (rustyd 9-7). Speler van die wedstryd: Wayrich Hansen (Reho Falcon vleuel).
Wikus Jacobs se manne het in die eerste helfte die oorhand begin kry en hoewel Wanderers met vyf strafdoele deur Danco Burger voortdurend nader gekruip het, het hulle seker gemaak dat hierdie titel hulle nie ontglip nie. Grootfontein het uiteindelik vier drieë teen drie gedruk vir ‘n welverdiende oorwinning met 37-32.
Danksy JSB Betting se borgskap het die noordespan die wenprys van N$50 000 ingepalm, terwyl Wanderers N$30 000 verdien het.
Grootfontein – wat tot 2019 in die NRU eersteliga meegeding het – het die afgelope twee seisoene tot die halfeindronde van die NRU premierliga deurgedring, waar hulle verlede jaar deur FNB Unam en vanjaar deur die uiteindelike wenner FNB Kudus uitgeskakel is
In die tweede helfte van die seisoen het die noordespan sy aanslag op die topses-kompetisie van die JSB Gold Cup met ‘n wegnederlaag teen FNB Unam afgeskop (35-40), maar het sedertdien onoorwonne gebly met seges teen FNB Rehoboth (weg, 34-27), Wanderers (tuis, 44-36) en Kudus (weg, 53-33), voordat Trustco United vir die laaste rondte onttrek het.
Wikus Jacobs, haker en kaptein van Grootfontein, was ná die finaal beskeie oor sy span se sonderlinge prestasie.
“Dit was ‘n tawwe finaal; krediet aan Wanderers wat ons tot die einde gedruk het. Dit was baie, baie lekker om teen hulle te speel. Maar ek haal my hoed vir nie net die nommer 1 tot 23 nie, maar 25 wat alles ingesit het vir hierdie finaal. Ons het hard gewerk en ons kan bly wees ons was aan die wenkant.
“Alles was baie goed georganiseerd en dit was lekker toe die skare in die Hage Geingob-stadion agter ons begin staan het.”
Binnesenter Franklin Busch was een van Grootfontein se sleutelspelers met sy skoon stelskoprekord vir die dag (drie strafdoele; vier doelskoppe).
Regtervleuel Keno Shetukana het die prys as speler van die wedstryd ontvang en het uitstaande presteer. Vir die drie wat hy ná 42 minute afgerond het, was hy bloot die man oor, maar sy rol in die vroeër langafstanddrie ná 27 minute deur sy vleuelmaat Lazarus Joseph was sprekend van sy vermoëns om ‘n aanvallende situasie op te som.
Slot Oliver Mouton het Grootfontein se eerste drie ná 20 minute gedruk en danksy Lazarus se drie en Busch se eerste vier skoptreffers was die noordespan rustyd met 20-10 voor.
Wanderers se antwoord in daardie stadium was ‘n vroeë strafdoel deur Danco Burger en ‘n drie met die laaste beweging van die helfte deur vleuel Nandivatu Karuuombe wat goeie opbou-lopies deur André Augustyn en Obert Nortje afgerond het.
Toe Shetukana sy eie drie ná rustyd gedruk het, het Wanderers se slot Rainer Augustyn vergeefs geduik om hom oor die doodlyn te probeer druk. In die kontak het Augustyn vermoedelik harsingskudding opgedoen en is op ‘n draagbaar van die veld afgedra, maar het boonop ‘n rooi kaart van skeidsregter Danie Koen ontvang.
Grootfontein se momentum is effens gestuit terwyl die voorspelers Pieter-Daan Kok (38ste minuut) en Johan Luttig (46ste minuut) met geelkaarte afgestuur is.
Met drie strafdoele deur Burger en ‘n onverdoelde drie deur heelagter Tolley Tjipute het Wanderers hul agterstand vanaf 10-27 (43 minute) tot 24-27 (55 minute) laat krimp. Tjipute se drie is deur ‘n goed geplaaste dwarsskop van Danco Burger na die regterkantlyn moontlik gemaak.
Grootfontein se reaksie was egter opnuut een van hul tipiese vasberade maaldryfdrieë, met enkele agterspelers wat ook aangesluit het om Wikus Jacobs oor die doellyn te druk. Met die doelskop was die verskil 34-24 (68 minute), voordat Busch en Burger weer elk ‘n strafdoel bygevoeg het.
Ná 79 minute het Wanderers vanaf ‘n skrum op hul eie doellyn vir Johan Deysel as stampkar gebruik en van daar die bal vinnig links na Tolley Tjipute gestuur, wat sowat 80 meter vir ‘n onverdoelde wegholdrie genael het.
Uitslae van die ander eindstryde
JSB Gold Cup reserwefinaal: FNB Wanderers II klop FNB Kudus II met 44-34 (rustyd 19-5). Speler van die wedstryd: Wiks Tromp (Wanderers losskakel).
NRU Vrouebekerfinaal: Wanderers Bokkies klop Unam Steenbokkies met 19-12 (rustyd 5-5). Speler van die wedstryd: Astrid van Lill (Wanderers).
JSB Silver Cup premierfinaal: FNB Reho Falcon klop FNB Dolphin I met 29-28 (rustyd 17-13). Speler van die wedstryd: Saari Uugwanga (Reho Falcon agtsteman).
JSB Silver Cup reserwefinaal: FNB Reho Falcon II klop FNB Dolphin II met 25-21 (rustyd 9-7). Speler van die wedstryd: Wayrich Hansen (Reho Falcon vleuel).
Comments
Namibian Sun
No comments have been left on this article