Gobabis Bulls neem vroeg voortou in Desert Ice T20

Die krieketspan van Gobabis Bulls het met twee uit twee oorwinnings op die eerste naweek sy voornemens gewys om opnuut een van die toonaangewende spanne in die Nedbank Desert Ice T20-liga te wees.Die eerste vier wedstryde van die nuwe seisoen is Saterdag en Sondag by die United-veld in Olympia afgehandel.In sy vierde seisoen van dié liga word die strewe nagejaag om vir die land se ontluikende krieketspelers meer speelkans vir ontwikkeling te bied, asook blootstelling aan van Namibië se meer kompeterende talent met kolf en bal. Wedstryd 1Gobabis Bulls (120/9) klop Central Sunrisers (108/5) met 12 lopies.Speler van die wedstryd: Drikus Swart (Gobabis) 28 van 26 balle (2x4 2x6) en 1/20 (4 boulbeurte).Gobabis se Willem Lottering het ‘n vroeë deurbraak gemaak deur die nasionale kolwer WP Myburgh vir 14 van 14 balle skoon te boul. Die Sunrisers se topkolwer was Shaun Fouché met 33 nie uit nie van 38 balle (1x4 1x6), terwyl Albert de Klerk op 22* van 18 balle was (2x4).Met twee paaltjies elk deur Shaun Fouché, Francois Dieterle, Janu Fourie en WP Myburgh was Gobabis eintlik in die moeilikheid op 50/7, 97/8 en 106/9, maar Drikus Swart het koelkop gebly om die uitslag in hul guns te help beklink.• NTV se uitsending, https://q.my.na/O1TR Wedstryd 2Green Mambas (158/4) klop Spur Warriors (128/4) met 30 lopies.Speler van die wedstryd: Henry Hayes (Green Mambas) 70 van 31 balle (7x4 6x6).As nommer drie het Hayes ‘n goeie vennootskap van 117 lopies met Nicol Loftie-Eaton (49 van 44 balle; 5x4 2x6) gesmee.Spur Warriors se Reynard van Zyl (31 van 32 balle; 2x4 2x6) en Sandro Tavares (29* van 33 balle; 2x4 1x6) het vergeefs probeer om hul span naby aan die wenteiken te kry. Johan Geldenhuys van Mambas het hul span egter met 2/21 in 4 bb help beperk.• NTV se uitsending, https://q.my.na/O36I Wedstryd 3Spur Warriors (137/7 in 19.5 boulbeurte) klop Etungo Kudus (136/5) met drie paaltjies, met een bal oor.Speler van die wedstryd: Herman van Zyl (Spur Warriors) 78 van 59 balle (10x4 2x6).Vir die noorde se Kudus het Hendrik van der Walt 35 van 32 balle (4x1 1x6) bygedra voordat Zander Lombaard later 30 nie uit nie van 17 balle (3x4 1x6) geslaan het.Vir Spur Warriors het Van Zyl as aanvangskolwer op 46/2 ‘n selfs meer aanvallende vennoot in Tiaan van der Westhuizen (42 van 24 balle; 2x4 4x6) gevind.Die twee was bymekaar vir ‘n vennootskap van 84 lopies en hoewel deurbrake deur Kudus se ervare Chris Freeman (2/21 in 2.5) en Erich Wittmann (2/12 in 4) sake benoud gemaak het vir die Warriors, het laasgenoemde se kolwers net-net vir die oorwinning deurgeskraap.• NTV se uitsending, https://q.my.na/FW23 Wedstryd 4Gobabis Bulls (111/3 in 11.5 boulbeurte) klop Unam Zebras (109/7) met sewe paaltjies.Speler van die wedstryd: Drikus Swart (Gobabis Bulls) 3/11 in 3 boulbeurte.Adriaan Coetzee (30 van 21 balle; 4x4) het as aanvangskolwer die meeste lopies vir Gobabis aangeteken, terwyl Unam Zebras se kolfbeurt rondom hul kaptein Shafiek Abduraghman se 32 van 31 balle (2x6) gebou was.• NTV se uitsending, https://q.my.na/ZJL7

Gobabis Bulls neem vroeg voortou in Desert Ice T20

Comments

Namibian Sun 2026-10-15

Please login to leave a comment

Gobabis Bulls neem vroeg voortou in Desert Ice T20

Comments

Namibian Sun 2026-10-15

Please login to leave a comment

Subscription Required to Access Content ×

Login

Subscription Required to Access Content