Gim Robins seil na o.19-ligatriomf

Windhoek Gimnasium se eerste krieketspan, die Robins, is die kampioen van Krieket Namibië se onder 19-liga (40-boulbeurtkrieket), ná hul sege met ses paaltjies in die eindstryd teen Windhoek Afrikaanse Privaatskool laas naweek. Gimnasium se kaptein Francois du Plessis het by die HP-Ovaal die loot gewen en vir Affies ingestuur om eerste te kolf. Affies het hul kolfbeurt op 220/8 afgesluit, grootliks te danke aan hul nommer vier Abri Oberholzer (67 van 88 balle; 4x4 1x6), Malan Esterhuyzen (28 van 49 balle), Jandre Jager (33 van 31 balle; 2x4 1x6) en Liam Derks (22 nie uit nie van 19 balle). Vir Gimnasium het Douglas Truter se 4/25 die paaltjie van Oberholzer asook Affies se kaptein en aanvangskolwer Erik Lintvelt (2) ingesluit. Die Robins het hul aanvangskolwer Tiaan van der Merwe (6) vroeg verloor, maar vyftigtalle deur Michael Müller (86 van 88 balle; 7x4 2x6) en Francois du Plessis (74 nie uit nie van 99 balle; 5x4) het hulle stewig op die wenpad geplaas. Du Plessis, wat ook 1/32 in 7 boulbeurte geneem het, is as speler van die wedstryd aangewys.Gimnasium se wenspan was Tiaan van der Merwe, Michael Müller, Francois du Plessis (kaptein), Waldo Smith, Aiden Feely, Gerhard Genis, Brink Walters, Johan Pieters, Ruben Loubser, Douglas Truter en Louis Burger.

Gim Robins seil na o.19-ligatriomf

Comments

Namibian Sun 2025-10-14

Please login to leave a comment

Gim Robins seil na o.19-ligatriomf

Comments

Namibian Sun 2025-10-14

Please login to leave a comment

Login