Gallina gereed vir kampioenskap

Die Gallina MX-park, wat effens noord van Windhoek geleë is, gaan môre weer ’n miernes van bedrywighede wees wanneer die land se topjaers vir die vyfde ronde van die Namibiese nasionale veldfietsrenkampioenskap (MX) daar saamtrek.

Die 2026 MX-seisoen bereik met dié byeenkoms sy halfpadmerk, en môre se wedrenne sal, soos in die verlede, vuurwarm en adrenalien-aangevuurde aksie oplewer. Ongeveer 50 jaers sal aan die onderskeie nege klasse deelneem. Die opwindende, maar strawwe King of the Dirt-kompetisie, wat die laaste resies van die dag is, sal beslis nie die jaers se ondersteuners en toeskouers teleurstel nie.

Zoë Waldschmidt en Mark Sternagel is die enigste twee jaers wat vanjaar elke resies tydens die afgelope vier byeenkomste gewen het.

Die voorlopers in elke klas is tans Louw Schoeman (50 cc), Oliver Mathews (65 cc), Leander Metzger (85 cc en 125 cc junior), Morné Jacobs (klubmans), Zoë Waldschmidt (vroue), Heiko Stranghöner (veterane), Gero Friederich (MX 2) en Mark Sternagel (MX 1 en King of the Dirt).

Afrika-kampioenskap

Die land se topjaers is besig om vir die Motocross of Africa Nations Championship (MXoAN) voor te berei, wat aanstaande maand by Gallina oor twee dae aangebied gaan word. Dié kampioenskap val onder die vaandel van FIM Afrika (Fédération Internationale de Motocyclisme) en vind op 29 en 30 Augustus plaas, wanneer die room van die Afrika-kontinent in aksie gesien kan word.

Namibië se verteenwoordigers by die MXoAN is Tommy Gous (spankaptein), Elzaan du Plessis (byeenkomssekretaresse), Zoë Waldschmidt (assistentsekretaresse), Lisa Waldschmidt (gasvryheidsbestuurder), Ingo Waldschmidt (baan) en Sigi Pack (infrastruktuur en onderhoud).

Borgskap

Paradigm Information Technology het onlangs die Windhoek MX-klub met ’n splinternuwe skootrekenaar geborg. Die klub het gesê: “Ons is absoluut verheug en bedank Paradigm Information Technology wat ons klub met die nuwe skootrekenaar geborg het!

“Die borgskap is nie net’n rekenaar vir ons nie; dit gaan byeenkomste, uitslae, beplanning en heel moontlik daardie laaste-minuut-chaos gladder laat verloop. Dit gaan beslis sake vergemaklik en vinniger agter die skerms laat plaasvind.

“Ondersteuning soos dié laat die wiele draai en die wegspringhekke val. Ons waardeer julle ondersteuning opreg, en julle is deel van ons motocrossreis in Namibië. Baie dankie!”

Die Namibiese kampioenskapspuntestand ná vier byeenkomste

50 cc (5)

1. Louw Schoeman (238 punte), 2. Sabastian Pack (219), 3. Jannie Louw (202), 4. Wynand Viviers (128), 5. Steven Kleynhans (110).

65 cc (11)

1. Oliver Mathews (297), 2. Mason Meyer (243), 3. Markus Pack (238), 4. Paul Mans (238), 5. Delmar du Plessis (217), 6. Maximillian Skutsch (192), 7. Keanu Strauss (169), 8. Nicky Strauss (158), 9. Carter Bouwer (156), 10. Sebastian Skutsch (136), 11. Duhan Hefer (99).

85 cc (8)

1. Leander Metzger (297), 2. Connor Bouwer (217), 3. Stiaan Hefer (206), 4. De Wet du Plessis (174), 5. Duhan van Wyk (172), 6. Riaan van der Hoven (166), 7. Felix Wittreich (150), 8. Oliver Mathews (109).

125 cc junior (6)

1. Leander Metzger (297), 2. Killian Hamm (250), 3. Vincent Griebel (231), 4. Marco Lindemeier (215), 5. Valentino de Villiers (107), 6. JC Lochner (55).

Klubmans (1)

1. Morné Jacobs (75).

Vroue (3)

1. Zoë Waldschmidt (300), 2. Maike Bochert (242), 3. Melanize Oberholzer (242).

Veterane (8)

1. Heiko Stranghöner (292), 2. Sigi Pack (261), 3. Olaf Pack (250), 4. Tertuis Joubert (205), 5. Jörg Stranghöner (169), 6. Tony Viljoen (165), 7. Ronald Geiger (107), 8. JF van Eeden (31).

MX 2 (3)

1. Gero Friederich (260), 2. Nils Elmering (232), 3. Sanene Wittreich (60).

MX 1 (8)

1. Mark Sternagel (300), 2. Jarno Metzger (240), 3. Juan de Vos (239), 4. Tommy Gous (225), 5. Markus Muller (208), 6. Björn Bierbrauer (172), 7. Josias Maritz (66), 8. Sanene Wittreich (32).

King of the Dirt

1. Mark Sternagel (100), 2. Juan de Vos (82), 3. Jarno Metzger (74), 4. Tommy Gous (71), 5. Gero Friederich (70), 6. Leander Metzger (67), 7. Heiko Stranghöner (64), 8. Olaf Pack (56), 9. Sigi Pack (56), 10. Killian Hamm (55), 11. Björn Bierbrauer (42), 12. Markus Muller (41), 13. Vincent Griebel (36), 14. Marco Lindemeier (36), 15. Jörg Stranghöner (25), 16. Tony Viljoen (24), 17. Nils Elmering (24), 18. Tertuis Joubert (23), 19. Ronald Geiger (14), 20. Zoë Waldschmidt (8), 21. JC Lochner (4), 22. Melanize Oberholzer (4).

Die laaste drie nasionale byeenkomste vir 2026 vind plaas op 26 September (Swakopmund), 17 Oktober (Omaruru) en 28 November (Gallina). – [email protected]