Emirate druk vroeg stempel af in T20's

Namibië se Richelieu Eagles het Sondag met 40 lopies teen die Verenigde Arabiese Emirate (VAE) by Wanderersveld in die hoofstad verloor.Dit was die Emirate se tweede sege uit drie wedstryde in dié formaat teen die Eagles. Die Verenigde State van Amerika (VSA) het nog nie ‘n T20I teen Namibië gespeel nie, maar sal hul onlangse oorheersing teen die Eagles wil voortsit wanneer die twee lande vandag (14:00) en komende Saterdag by Wanderers op die veld stap. Die VAE en Namibië sal komende Vrydag vir hul tweede T20I-botsing by dieselfde venue ontmoet (14:00).SondagEmirate (245/2 in 20) klop Namibië (205/8 in 20) met 40 lopies.Gerhard Erasmus het die loot gewen en verkies om eerste te boul. Die Eagles-boulers het gesukkel en kon slegs die paaltjies van Alishan Sharafu (73 van 33 balle, 8x4, 4x6) en nommer drie Asif Khan (39 van 22 b, 5x4, 2x6) bewerkstellig. Aanvangskolwer Muhammad Waseem (89* van 50 b, 6x4, 6x6) en Basil Hameed op vier (37* van 15 b, 2x4, 3x6) het onoorwonne die Namibiese boulaanval teen ‘n ongewenste hoë tempo van 12.25 per boulbeurt gestraf.Altesame 174 van die Emirate se lopies het van grenshoue gekom (21x4, 15x6). Erasmus (2/26 in 3) was sy span se topbouler. JP Kotzé (55 van 32 b, 8x4, 2x6) het puik gevaar teen die nuwe bal, op pad na sy tweede vyftigtal in 37 T20I-kolfbeurte. Die res van die Eagles-paaltjies het so in kolfvolgorde geval: Jan Frylinck (20 van 15 b, 2x4, 1x6), Nicol Loftie-Eaton (25 van 18 b, 3x4, 1x6), Erasmus (37 van 19 b, 3x4, 2x6), JJ Smit (38 van 19 b, 1x4, 4x6), Jan-Izak de Villiers (0 van 1 b), Malan Kruger (13 van 13 b, 1x4), Dylan Leicher (3 van 4 b) en Bernard Scholtz (2* van2 b). Slegs 132 van Namibië se lopies het van grenshoue gekom (18x4, 10x6) wat die groot verskil (42 lopies) gemaak het.Muhammad Jawadullah, Ali Naseer en Basil Hameed het elk drie paaltjies vir 6/119 laat val.Namibië se T20I-rekord (per opponent)Die Eagles het 43 (63.23 persent) van hul 68 wedstryde gewen vandat hulle in 2019 internasionale T20-status verwerf het. Hiervan was 22 behaal teen minderwaardige teenstanders wat Namibië ook twee keer geklop het.Bermuda: Wen 1.Botswana: Wen 5.Ghana: Wen 1. Kenia: Wen 2. Nigerië: Wen 1, verloor 1.Rwanda: Wen 1.Singapoer: Wen 1. Tanzanië: Wen 2. Uganda: Wen 8, verloor 1.Teen Wêreldbeker Liga Twee-lande (wen 12, verloor 10)Nepal: Wen 1, verloor 1. Nederland: Wen 1, verloor 3. Oman: Wen 5, verloor 2. PNG: Wen 1, verloor 2.Skotland: Wen 3, verloor 1.VAE: Wen 1, verloor 2.Teen toetsspelende nasies (wen 9, verloor 12)Afghanistan: Verloor 1. Australië: Verloor 1.Engeland: Verloor 1.Ierland: Wen 1, verloor 1.Indië: Verloor 1.Nieu-Seeland: Verloor 1.Pakistan: Verloor 1. Sri Lanka: Wen 1, verloor 1.Zimbabwe: Wen 7, verloor 4.T20i’s (wen 43 uit 68)2019 (wen 12 uit 16)2021 (wen 9 uit 14). Sewe van die 14 wedstryde is by die T20-Wêreldbeker in die VAE gespeel.2022 (wen 6 uit 11). Drie wedstryde is die T20-Wêreldbeker in Australië gespeel.2023 (wen 9 uit 11), met oorwinnings in Windhoek teen Zimbabwe (vier keer), Uganda, Rwanda, Kenia, Tanzanië en Nigerië. Verloor twee keer teen Zimbabwe.2024 (wen 7 uit 17). Vier wedstryde is in Junie by die T20-wêreldbeker in die Wes-Indiese eilande gespeel . Oorwinnings teen Nepal, Tanzanië, Uganda, Nigerië (3 paaltjies). Teen Oman (wen reeks in Al Amerat 3-2). Verloor teen Nederland en Nepal; een wedstryd teen Nederland sonder uitslag weens reën. By die T20-Wêreldbeker klop die Eagles vir Oman met ‘n superboulbeurt nadat die wedstryd gelykop eindig. Verloor teen Skotland (5 paaltjies), Australië (9 paaltjies) en Engeland (41 lopies). September in Windhoek: verloor teen die Emirate.VINNIGE FEITEJP Kotzé se vyftigtal Sondag teen die Emirate is van 27 balle behaal.Die drie vinnigste internasionale T20-vyftigtalle vir die Eagles:1 Nicol Loftie-Eaton (18 balle) teen Nepal in Kirtipur (27 Feb 2024).2 JJ Smit (20 balle) teen Oman in Dubai (29 Okt 2019).3 Michael van Lingen (22 balle) teen Zimbabwe in Windhoek (25 Okt 2023).– tielman@nsh.com.na

Emirate druk vroeg stempel af in T20's

Comments

Namibian Sun 2025-07-01

Please login to leave a comment

Emirate druk vroeg stempel af in T20's

Comments

Namibian Sun 2025-07-01

Please login to leave a comment

Login