Aakwati yopenzela yeli po 14 000 ya thigwa momilema

Aakokele yeli po 14 098 boka yaha kwata openzela otaya pumbwa ya kale yiishangithulula omwedhi nguka opo ya vule okumona openzela yawo yomwedhi Juli.Momwedhi Aguste aakokele mboka yiishangithulula otaya mono openzela yawo ya Juli naAguste omanga mboka yiishangithulila konima yomasiku o 15 gaJuli taya ka mona owala openzela yawo yaJuli naAguste muSepetemba.Uuyelele mbuka owa kolekwa komunambelewa omukuluntuwiliki muuministeli wuuthikepamwe, ekondjitho lyoluhepo nonkalonawa, Esther Lusepani.Momukanda ngoka gwa pitithwa kuuministeli, onkalo ndjoka otayi pelwa ombedhi omalundululo gomilandu moka omiyali nomauyelele ga kuthw a komulanduano osyatema tayi ithanwa Social Assistance System – ngoka gwa pingenepo koIntegrated Social Assistance System – itagu vulu okukoleka omauyelele ngoka nomulandu gwoNational Population Registry System.Shoka osha kwatela mo eshango lyomadhina omapuko, omasiku gomavalo itaga tsukumwe naashoka osha etitha omulandu ngoka gu tinde oonakumona omayakulo ngoka yeli po 18 503 mwakwatelwa oonakusa 4 156 oshowo mboka itaya pewa we omakwatho ngoka omolwa omaulema yeli po 249.“Otwa konenene kutya monkalo yimwe, uumbudhi womaukwatya gopashigwana oshowo omapuko gamwe. Ngele omuntu iniishangithulula momasiku 15 gaJuli nena otashi ulike kutya okwali ha mono omauwanawa ngoka kaashili mondjila. Otu na onkalo moka omuntu ha mono omauwanawa ngoka iikando iyali nenge itatu. Omulandu ngoka tatu longitha ngashiingeyi ogu shi okwiinekelwa ihe onkalo ndjoka ya holoka po otayi uvitha nayi.”Omunambelewa okwa popi kutya omulandu ngoka otagu etitha epangelo li hupe okuza kuulingilingi.“Omuntu ngoka a hulitha, osystema otayi mu kuthako yoyene.”Aakokele omathele oshowo aantu taya lumbu nomaulema oshowo omaunkundi ga yooloka oya gongala poombele wa dhonkalonawa moKhomasdal moshilandopangelo ongula Omaandahaga piti, opo a niwa ya vule okupewa omauamukulo kutya omolwashike nonando oya pewa eyamukulo ndyoka.NgungumaneniMinista, Doreen Sioka okwa kolele kutya uuministeli owu na ontseyo kombinga yaamoni yomayambidhidho goshimaliwa okuza kepangelo yeli po 14 000 mboka ya gumwa konkalo yomalundululo gomilandu dhoka hadhi longithwa na okwa pula mboka ya gumwa konkalo opo ya ngungumane.Okwa popi kutya otaya ka longa nuudhiginini opo ya kwashilipaleke kutya omashangululo oga ningwa pamukalo omupu nomeendelelo.

Aakwati yopenzela yeli po 14 000 ya thigwa momilema

Comments

Namibian Sun 2025-05-13

Please login to leave a comment

Aakwati yopenzela yeli po 14 000 ya thigwa momilema

Comments

Namibian Sun 2025-05-13

Please login to leave a comment

Login