Oombumbo, uulingilingi tawu fofodholelwa omahogololo gaaleli yaSwapo
Yamwe taya pula eyalululo lyiizemo ayihe
Otaku fofodholwa kutya okwa ningwa omakengelelo pethimbo lyomahogololo gaaleli yongundu tayi pangele moNamibia, ngoka opo ga hulu na okwa pulwa eyalululo lyomawi gaahogololi momahogololo gokomitiye yelelo lyongundu.
Okwa holoka omaipulo noohapu sha landula omahogololo gokomitiye yelelo lyoSwapo ngoka ga ningwa mehuliloshiwike, ngoka ga etitha egwemo lyomadhina ogendji omanene nokweeta omusholondondo gwa kwatelwa komeho koyendji kaayashiwike.
Okwa kala taku pulwa eningululo lyomahogololo ihe omukwateli komeho gomahogololo Joshua Kaumbi pamwe nongundu ye oya tokola okuyalulula omawi shoka ngashiingeyi shi li oshipopiwa oshinene mongundu.
Kaumbi okwa ningi omunambelewa gwomahogololo a landula Sisa Namandje ngoka a kala niilonga mbyoka okuza momvula yo 2004.
Yamwe mboka ya gumo momusholondondo oya popi kutya omulandu gwokuyalula kagu li mondjila molwaashoka inagu tulwa miilonga kwiikwatelelwa komilandu dhongundu.
Yamwe oya popi woo kutya oshinakugwanithwa shaKaumbi onga omunambelewa gwomahogololo osha thiki pehulilo mOmaandaha moka mwa hulu omutumba ngoka gwokuhogolola aaleli yoSwapo.
“Olye a tokola eyalululo lyomawi molwaashoka okomitiye yelelo ndjoka yi li olutu olunene mokuninga oompango dhongundu inayi kuutumba nokukundathana oshinima shoka,” yamwe ya lombwele oNamibian Sun.
Mboka taya yambidhidha iilyo iipe yelelo oye wete kutya omanyenyeto ngoka oga nathangwa.
Onzo yimwe yoSwapo oya popi kutya: “Mboka taya nyenyeta aayambidhidhi yaNetumbo. Sho taya ningi owala omapulo kombinga yoshizemo shomahogololo gokomitoye yelelo ihe itaya ningile omapulo oshizemo shomahogololo gomupevi presidende, omupeha oshowo amushanga-ndjai otashi ulike okwaahena oshili. Ngele omawi gokomitiye yelelo lyongundu otaga yalululwa nena nomawi goompito dhiyaka ndatu naga yalululwe.”
Sho oyendji mboka taya nyenyeta iizemo yokomitiye ye li aalanduli gomupevi presidende Netumbo Nandi-Ndaitwah, okwa hololwa kutya oyendji mboka ye li momusholondondo gwokomitiye oomboka itaya yambidhidha Netumbo.
Omadhina omanene ngoka ga gumo mokomitiye ndjoka ongaashi Saara Kuugongelwa-Amadhila, Anna Nghipondoka, Anna Shiweda ,Kornelia Shilunga, Jenelly Matundu, Verna Sinimbo, Hilma Nikanor, James Uerikua, Laura Mcleod-Katjirua oshowo Marius Sheya.
Lucia Witbooi ngoka a li ta kutha ombinga methigathano lyompito yuupeha amusha-ndjai ihe okwa ikuthamo methigathano konima yoowili 11 naye inashi pondola okukala momusholondondo ngoka.
Oyendji ngashiingeyi otaya galikana opo Omupresidende Hage Geingob e ya kwatelemo momusholondondo gwe gaaulikwa yeli 10.
Okukala omuntu ineshi pondola okukala momusholondondo ngoka otashi ti itaka kutha ombinga momutumba gwomahogololo gwoSwapo gomo2024 moka iilyo tayi ka kala methigathano lyoompito onga iilyo yopaliamende kokatekete kongundu. Nandi-Ndaitwah omo taka kutha iilyo yokabineta ke ngele oye a sindana po omahogololo guupresidende momvula yo 20224.
Willem Amutenya ngoka e li oshilyo shokomitoye yelelo lyoSwapo Party Youth League (SPYL) okwa popi kutya mboka taya nyenyeta otaya holola uuthemba wawo ihe okwe ya pula ya ninge ngaaka taya landula omilandu dhongundu.
Asser Ntinda – omudhindoli nale gwoshikundaneki shoNamibia Today, okwa popi kutya oshizemo shomutumba ngoka osha dhenge unene Geingob sho kutya Nandi-Ndaitwah naShaningwa mboka a li ita yambidhidha oya shuna natango poompito dhawo.
Okwa tsikile kutya yamwe ngashiingeyi otaya ka gama ombinga kuNetumbo opo ya vule okuhupa ihe okwa gwedhapo kutya Geingob natango ota vulu okugalula aantu ye mboka ya kanitha esindano paku ya tula momusholondondo gwaantu 10 mboka tuulike.
caption
Okwa kala taku pulwa eningululo lyomahogololo ihe omukwateli komeho gomahogololo Joshua Kaumbi pamwe nongundu ye oya tokola okuyalulula omawi shoka ngashiingeyi shi li oshipopiwa oshinene mongundu.
Kaumbi okwa ningi omunambelewa gwomahogololo a landula Sisa Namandje ngoka a kala niilonga mbyoka okuza momvula yo 2004.
Yamwe mboka ya gumo momusholondondo oya popi kutya omulandu gwokuyalula kagu li mondjila molwaashoka inagu tulwa miilonga kwiikwatelelwa komilandu dhongundu.
Yamwe oya popi woo kutya oshinakugwanithwa shaKaumbi onga omunambelewa gwomahogololo osha thiki pehulilo mOmaandaha moka mwa hulu omutumba ngoka gwokuhogolola aaleli yoSwapo.
“Olye a tokola eyalululo lyomawi molwaashoka okomitiye yelelo ndjoka yi li olutu olunene mokuninga oompango dhongundu inayi kuutumba nokukundathana oshinima shoka,” yamwe ya lombwele oNamibian Sun.
Mboka taya yambidhidha iilyo iipe yelelo oye wete kutya omanyenyeto ngoka oga nathangwa.
Onzo yimwe yoSwapo oya popi kutya: “Mboka taya nyenyeta aayambidhidhi yaNetumbo. Sho taya ningi owala omapulo kombinga yoshizemo shomahogololo gokomitoye yelelo ihe itaya ningile omapulo oshizemo shomahogololo gomupevi presidende, omupeha oshowo amushanga-ndjai otashi ulike okwaahena oshili. Ngele omawi gokomitiye yelelo lyongundu otaga yalululwa nena nomawi goompito dhiyaka ndatu naga yalululwe.”
Sho oyendji mboka taya nyenyeta iizemo yokomitiye ye li aalanduli gomupevi presidende Netumbo Nandi-Ndaitwah, okwa hololwa kutya oyendji mboka ye li momusholondondo gwokomitiye oomboka itaya yambidhidha Netumbo.
Omadhina omanene ngoka ga gumo mokomitiye ndjoka ongaashi Saara Kuugongelwa-Amadhila, Anna Nghipondoka, Anna Shiweda ,Kornelia Shilunga, Jenelly Matundu, Verna Sinimbo, Hilma Nikanor, James Uerikua, Laura Mcleod-Katjirua oshowo Marius Sheya.
Lucia Witbooi ngoka a li ta kutha ombinga methigathano lyompito yuupeha amusha-ndjai ihe okwa ikuthamo methigathano konima yoowili 11 naye inashi pondola okukala momusholondondo ngoka.
Oyendji ngashiingeyi otaya galikana opo Omupresidende Hage Geingob e ya kwatelemo momusholondondo gwe gaaulikwa yeli 10.
Okukala omuntu ineshi pondola okukala momusholondondo ngoka otashi ti itaka kutha ombinga momutumba gwomahogololo gwoSwapo gomo2024 moka iilyo tayi ka kala methigathano lyoompito onga iilyo yopaliamende kokatekete kongundu. Nandi-Ndaitwah omo taka kutha iilyo yokabineta ke ngele oye a sindana po omahogololo guupresidende momvula yo 20224.
Willem Amutenya ngoka e li oshilyo shokomitoye yelelo lyoSwapo Party Youth League (SPYL) okwa popi kutya mboka taya nyenyeta otaya holola uuthemba wawo ihe okwe ya pula ya ninge ngaaka taya landula omilandu dhongundu.
Asser Ntinda – omudhindoli nale gwoshikundaneki shoNamibia Today, okwa popi kutya oshizemo shomutumba ngoka osha dhenge unene Geingob sho kutya Nandi-Ndaitwah naShaningwa mboka a li ita yambidhidha oya shuna natango poompito dhawo.
Okwa tsikile kutya yamwe ngashiingeyi otaya ka gama ombinga kuNetumbo opo ya vule okuhupa ihe okwa gwedhapo kutya Geingob natango ota vulu okugalula aantu ye mboka ya kanitha esindano paku ya tula momusholondondo gwaantu 10 mboka tuulike.
caption
Comments
Namibian Sun
No comments have been left on this article