Okongresa yoSPYL ya hulu mOngwediva

Nekongo, ngoka kwiinekelwa kutya oye gumwe gwomaayambidhidhi aanene Netumbo Nandi-Ndaitwah sho kwa tegelelwa okongresa yoSwapo, okwa shuna koshipundi ina kondjithwa oshowo omupevi gwe, Christine Haindaka.Iizemo mbyoka oya kalekepo omukumo gwa zi piizemo yomutumba gwopashitopolwa shaShana, moka aayambidhidhi yaNandi-Ndaitwah ya sindana paayambidhidhi yomuprima Saara Kuugongelwa-Amadhila.Aayambidhidhi yaKuugongelwa-Amadhila inaya imbililwa kiizemo yokongresa yoSPYL nenge kwaambyoka yomutumba gwongundu moshitopolwa shaShana, taya popi kutya omuprima okuli komeho.Okongresa yoSwapo ndjoka kwa tegelelwa yi ningwe muNovemba nuumvo, otayi ka hogolola ngoka ta pingenepo omupresidende Hage Geingob uuna oshikako she sha thiki pehulilo momvula yo 2025.Swapo otaka tula omuhogololwa ngoka methogathano yuulei woshilongo momahogololo gopashigwana ngoka taya ningwa momvula yo 2024.“Otwa kanitha mOshana noHardap kaantu mboka ya hogolola pamahogololo gopaitopolwa, unene aakwatakanithi yiitopolwa ihe ngele owa tala kiitopolwa yilwe inamu kwatelwa Erongo ndyoka opo tali ka ninga omutumba gwawo, aasindani aayambidhi yaSaara," gumwe gwomaayambidhidhi yaKuugongelwa-Amadhila lombwele oNamibian Sun.Nekongo monakuziwa ina yeleka eyambidhidho lye lyaNandi-Ndaitwah, ta popi kutya ookandindatte momahogololo gokongresa inadhi ulikwa natango.Nandi-Ndaitwah, okuli omuprima gwoshilongp gwotango oshowo ominista yomakwatathano gopaigwana, na okwa holola moshigwana ohokwe ye yokuninga omuleli.Sho a gandja oshipopiwa she mOngwediva, Nekongo okwa pula aakomeho yongundu opo ya ethe aanyasha na inaye ya tula momalugodhi gopolotika.Ehogolululo lye olya dhipaga ondjodhi yaWillem Amutenya, ngoka a li a hala okuya methigathano lyompito yuuamushanga ihe okwa lombwelwa kutya ita vulu.Metitano, Amutenya okwa longitha omayakulo gahahende Kadhila Amoomo opo a kondjithe ompito ndjoka ihe inashi pondoka, okwa shanga woo enyenyeto lye elyuukitha koSwapo central committee oshowo politburo, ihe natango ina pondola sha.Amutenya otaku popiwa e li omuyambidhidhi gwaKuugongelwa-Amadhila.Nekongo okwa popi kutya: “Tu etheni. Ngele otamu ka thigathana moompito dhuupresidende nenge uupevi presidende nenge amushanga-ndjai shi ningeni ihe tweetheni. Otamu etitha etopoko mongundu. Ongundu otayi hanagulwapo kune aaleli.”Nekongo okwa ponokele woo iikundaneki kutya otayi taandekitha oonkundana dhiifundja.Ehogololo lyiilyo iipe yelelo lyopombanda mEwawa lyAanyasha moSwapo olya tameke uusiku potundi onti 12 mOlyomakaya na olya hulu koongulasha dhOsoondaha.Mpaka otapu landula omusholondondo gwiilyo iipe mbyoka ya hogololwa:AalumentuAalumentu1. Moses Sikerete2. Norman Nanuseb3. Benhard Wakudumo4. Kleopas Nekundi5. Christoph Sikosi6. Marius Sheya7. lifo Jekonia8. Marungu Andreas9. Elwin Gariseb10. Willem Amutenya11. Tomas Aipanda12. Jeremia Nghiwanwa13. Ndjizera Ndjizera14. Petrus Hatupopi15. Toivo NanghongaAakiintu1. Iyaloo Shivute2. Emilia Uupindi3. Rauna Nuuyoma4. Getrude Ndara5. Lisette So-oabes6 Shake Ivaloo Tangi Shivute7. Secilia Haufiku8. lleni Shilongo9. Loide Hakaala10. Lydia Jason11. Agnes Mukuve12. Lucia Nghilalulwa13. Kristofina Nakanduungile14. Sharonice Busch15. Martha Martin

Okongresa yoSPYL ya hulu mOngwediva

Comments

Namibian Sun 2025-06-19

Please login to leave a comment

Okongresa yoSPYL ya hulu mOngwediva

Comments

Namibian Sun 2025-06-19

Please login to leave a comment

Login