NNN ta ti omifofodholo kombinga yuunkundi we odho ‘esithahoni’

Omuhogololwa -presidente Netumbo Nandi-Ndaitwah okwa ti omahokololo kutya ke na uukolele wa gwana okulela oshilongo ogo “esithahoni”. Okwa gwedha ko komahokololo gaa na uushili, kutya oonkambadhala odhindji dhoku mu dhipaga odha ningwa.Okwa popi ndhoka manga a li ta popitha aayambidhidhi yoSwapo omayovi pethimbo lyetyapulo lyesindano lyongundu mOvenduka mehuliloshiwike. “Ondu uva omahokololo ogendji giifundja kombinga yandje – ‘Netumbo oku li moshipangelo mOnandjokwe,’ ‘Netumbo oku li moshipangelo shaPuwo,’ nosho tuu. Inandi ya moshipangelo okuza piikonga yomahogololo, nande ando otandi ehama omutse,” okwa dhenge omuthindo.Nandi-Ndaitwah okwa kumwa kutya “ Omunamibia omukwawo ota vulu okupopya ngaaka nokusa uunye oonkondo dhe ongomuhogololwa-presidente”.Oshiwike sha zi ko, Ehangano lyaNamibia lyokutuma omawi mombepo (NBC) olya kutha miilonga pakathimbo omunambelewa nomudhindi Anna Nicodemus konima yoonkundathana dhe noshikundaneki shokoSouth Africa shoNewzroom Afrika, sho a hokolola anuwa kutya Nandi-Ndaitwah okwiihata po lwaali pethimbo lyiikonga yomahogololo gopaupresitende.Omuhogololwa- presidente okwa ekelehi omahokololo ngaka kutya ogo uuyelele wiifundja tau taandelekwa “kaanapolitika ya lulilwa” ya hala okulikola iitsa yopapolitika okupitila muye.Omahokololo gaNicodemus oga limbililike Aanamibia yamwe ngele tuu Nandi-Ndaitwah oku na uukolele wa gwana okulela nawa oshilongo nenge okumana ko oshikako she ashihe.Oonkambadhala dhedhipagoNandi-Ndaitwah okwa hokolola wo mOlyomakaya kutya oonkambadhala odhindji odha ningwa dhoku mu dhipaga.“Kakele kokukambadhala okudhipaga ndje, omwa taandeleke wo uuyelele wiifundja kombinga yuukolele wandje,” okwa ti.Mo2018, Nandi-Ndaitwah, pethimbo ndyoka omupevi prima minista, okwa hupu moshiponga shoshihauto shi nyanyaleka mondjila onene yaShivelo naShomeya.Namibian Sun okwa kundanekele kutya, shi ikolela kopolisi yaShikoto, ohauto ye oyi ipumu mumwe omutse nomutse nekangwa, moka mwa sile aantu yatatu.Okwa taambelwa moombete moshipangelo shaShomeya e li monkalo yi li hwepo nokwa li ta falwa nondhila koshipangelo oshikwawo, omupolisi omukuluntu mOshikoto e shi koleke pethimbo ndiyaka.Aayambidhidhi ya pandulwa Nandi-Ndaitwah okwa pandula kehe gumwe ngoka e mu yambidhidha pethimbo lyiikonga ye yomahogololo, mOlyomakaya.“Onda hala okupandula unene aagundjuka sho ya hogolola momwaalu omunene naasho ya hogolola ongundu yoSwapo. Tangi sho mwa landula aakuluntu yeni mokuyambidhidha oSwapo.”Okwa hokolola iikonga yomahogololo ongolugodhi olunene, opwa li oonkambadhala dhokuumba ko Swapo koshipundi, ashike okwa dhenge omuthindo kutya: “Otwa kondjo”.Okwa dhenge mo ookandidate dhopaupresitende dhilwe 14 pethimbo lyomahogololo gopaupresitende gomwedhi gwa zi ko, noye omukiintu gwotango e shi ningi.Poshigongi shiikundaneki oshiwike sha zi ko okwa zimine kutya okuhogololwa kwe ongomupresitende gwoshilongo okwa tokola omalyenge gaakiintu Aanamibia, nonande ongawo okwa dhenge omuthindo: “Inandi hogololwa molwashoka ngame omukiintu .“Mokudhimbulula kutya otandi pala ondjila opo aakiintu ya landule mo, nashi yele kutya onda hogololwa molwa uukwatya noowino tandi vulu okulela oshilongo. Ongomukiintu omunandjungu, inatu hala okuundulwa – natu longe nomukumo tseyene, nondi inekelwa otwe shi ninga; onkene aakiintu momawiliko ngashingeyi oyendji momukomoko gwoomvula ndho,” okwa ti.

NNN ta ti omifofodholo kombinga yuunkundi we odho ‘esithahoni’

Comments

Namibian Sun 2025-06-19

Please login to leave a comment

NNN ta ti omifofodholo kombinga yuunkundi we odho ‘esithahoni’

Comments

Namibian Sun 2025-06-19

Please login to leave a comment

Login