ECN rejects NEFF’s N$27 million damages claim over deregistration

Okomisi yomahoogololo moNamibia (ECN) oya tindi okufuta iifuta yoomiliona N$27 momapopyo gongundu yoNamibia Economic Freedom Fighters (NEFF), tayi ti ongundu kayina omatompelo golela gopaveta ga gwana okufita okomisi yomahoogololo omolwaashoka ya li inaa ya shangitha ongundu oyo tuu ndjoka pethimbo kwa li kwa taalelwa omahoogololo momumvo-2024.ECN okwa li a yamukula pambelewa momasiku 25 Maalitsa 2026, okupitila momukalelipo gwawo gopaveta Shikongo Law Chambers, kutya otaka tindi omapopyo goNEFF uuna ya tokola okufala ECN kompangu.“Mpaka otatu shi yeleke kutya ekanitho ndyoka NEFF ta popi ka li mo mooveta dhetu onkene otatu ka ipopila uuna mwa tokola okukuthila omuyakulwa gwetu onkatu,” dha nyolwa mombaapila.Petameko lyomwedhi nguka, NEFF naye wo okwa yamukula kombapila ndjoka nombapila ya nyolwa kaakalelipo ye yopaveta , Kadhila Amoomo Legal Practitioners, moka ongundu tayi pula ofuto yoshimaliwa shakonda poomiliona N$26.8 molwa ya li ya kanitha oshindji konima sho ECN okandopa okushangitha ongundu, taa ti shika osha eta ongundu yi kanithe iipundi megumbo lyopashigwana shoka sha gumu unene omahwahwameko gawo gomahoogololo.ECN ta patakaneke uumbangiECN okwa ekelehi omapopyo goNEFF ngoka ongundu ya ulike momukandahokololo gwawo gu na sha nekanitho lyawo.“omakonakono ngoka wa ningi itaga vulu okuulika uumbangi wopaveta kutya omuyakulwa goye okwa li ta ka mona iipundi iyali ya gwedhwa po. Onkene uumbangi mbuka omafekela gowala na ina shi pitikwa,” Oohahende dhoECN dha nyola ngaaka.Okomisi oya ti wo NEFF okwa li nale a tula mo oshipotha mompangu yopomanda shoka sha li she mu endela nawa sho sha li sha popile kutya endopo lyawo okukala inaa ya shangulithululwa ka lya li pamulandu.Ombapila oya ti: “ Oshili ngeyi kutya okwa li kwa ningwa omatalululo omoshinima shika kombinga yomuyakulwa goye noga li ge li muuwanawa womuyakulwa goye. “Kapuna shoka tashi ulike ekanithoECN okwa ti nonando etokolo lyokukala inaa ya shangitha NEFF lya li lya shunithwa monima, itashi ti ongundu oya etelwa uupyakadhi.“It must be accepted that an incorrect administrative decision is not per se wrongful.”Aakalelipo yopaveta otaa ti: “ Nashi taambiwe ko kutya etokolo lya ningwa miilonga lyaa li mondjila ita li talwa ko ando inaa li puka”.Taa gwedha po taa ti omananathano ngaka ohaga pukululwa kwa landulwa ooveta dhoshigwana ndele ha ku futithathana.Omananathano gopaveta oga valwa sho ECN a tokola a kuthe NEFF uuthemba onga ongundu ya shangithwa molwaashoka NEFF a li inaa iyutha komautho gontotwabeta yi na sha nomahoogololo, moka mwa kwatelwa okugandja nokunduluka omikanda dhopashimaliwa dha konakonwa komuyaluli gwiiniwe.Ashike lwa nima ompangu yopaveta oya li ya ningi etokolo lyambilipaleka NEFF, sho ya mono kutya okomisi yomahoogololo nayo oya ndopa okulandula omautho ge li po sho inaa yi pa omipto ongundu yi yamukula manga inaa yi tendwa momusholondondo goongundhu dhopapolitika.Judge Thomas Masuku ngoka a li omutokolihapu okwa li a utha kutya ECN ina iyutha komifango dha tulwa po, tati ongundu oya li yina okukala wo ya tseyithilwa nokupewa ompito yi ipopile yaa kondwe mo membo lyaECN.Nonando NEFF a li a sindana po oshipotha mompangu, otayi ti shoka ya kanitha momahwahwameko gawo itaa vulu okushi mona we. Momukanda gwawo onfundu otayi ti oya ka ipyakidhila niinyangadhalwa yomahoogololo kwa toka unene onkene kaya li nethimbo lya gwana okuninga omahwahwameko nawa nokweeta ethano lyawo pamuthika gu li nawa moshigwana.Omukalelipo gopaveta okwa okwanyola ta ti: “ Ethimbo olya li lya pwa ko, onkene otwa yonenwa oshindji.”Ongundu oya li ya mono omawi 3 978 momahoogololo go 2024 moka ya mono owala oshipundi shimwe megumbo lyomutumba gopashigwana.NEFF ota ti okukondwa kwawo momambo gokomisi yomahoogolo oshe ya etela “omauyuvo omawinayi moshigwana’ onkene oshe ya kanithitha iilyo, iimaliwa neinekelo maahoogololi.“Etumwalaka lyeni li na sha nokukonda mo membo omuyakulwa gwetu olya li ya yela: omuyakulwa gwetu ita inekelwa… onkene ita omuyakulwa gwetu ina hogololwa,” ombapila tayi ti ngaaka.Ashike okomisi oya ti oyi ilongekidha okupatakanitha oshinima shika.

ECN rejects NEFF’s N$27 million damages claim over deregistration

Comments

Namibian Sun 2026-05-21

Please login to leave a comment

ECN rejects NEFF’s N$27 million damages claim over deregistration

Comments

Namibian Sun 2026-05-21

Please login to leave a comment

Subscription Required to Access Content ×

Login

Subscription Required to Access Content