Uutaksi nau nyolwe oonomola ku keelelwe iimbuluma - Opolisi yaShana
Opolisi yaShana otayi ka ya moonkundathana nomalelo gondoolopa opo ga tule po oveta ndjoka tayi tompele uutaksi wu kale wu na oonomola, opo wu dhimbululwe nuupu, ongonkambadhala yokukondjitha iimbuluma.
Nonande oondoolopa ngaashi Ovenduka, Otjiwarongo noRundu odha tula po nale oveta ndjoka, ondoolopa dhokOnooli yoshilongo natango odhe etha uutaksi inau shangwa tawu felefula. Opolisi otayi ti shika ohashi tula aafalelwa moshiponga, oshoka oombudhi otadhi vulu okwiiholekela muutaksi mboka kau na oonomola.
Mu Juli 2024, oshigongiilonga shuule woshiwike shimwe shaanataksi naanuumbesa osha ningilwa mOngwediva, opolisi naakuthimbinga yalwe moshikondo shondalaspota oya li ya kundathana kombinga yoshikumungu shootaksi dhaa na oonomola, opamwe niikundathanawa oyindji.
Moonkundathana noshikundaneki shoNamibian Sun, Komanda gwopolisi moshitopolwa shaShana Komufala Naftal Lungameni Sakaria okwa ti ootaksi odha pumbwa okunyolwa oonomola meendelelo, oonomola dha yela nawa dhi wetike ku kehe gumwe.
Sakaria okwa ti oonkambadhala dha ningilwe monale okuungaunga noshikumungu shika, odha li dha ponyo oshoka kape na oveta ya tulwa po koondoolopa dhokOnooli yoshilongo, oveta ndjoka tayi utha kutya otaksi kehe opo yi felefule nayi kala yi na oonomola.
“Uupyakadhi otau ya kutya otaye ki iyutha kelombwelo ndjoka ngiini. Opwa pumbwa oveta. Otwa dhimbulula kutya oondoolopa odho dhi na okutula po oveta. Shoka twa tokola ngashingeyi okuya moonkundathana noondoolopa kooyimwe nooyimwe,” Sakaria okwa ti.
Uupyakadhi wa pumbwa okukandulwa po meendelelo
Oshikundaneki shoNamibian Sun osha kundanekele kombinga yoshikumungu shika natango mumvogu, opolisi oya li ya koleke kutya omakonakono oge eta puuyelele kutya oohauto dhimwe ndhoka hadhi longithwa okulonga iimbuluma ohadhi felefula dha fa uutaksi.
Iilonga mbika ohayi ningwa omausiku, sho oondingosho tadhi pata nenge sho aantu taya yi komagumbo nohaya yugwa koombudhi ndhoka tadhi felefula.
Molwashoka oohauto ndhika kadhi na oonomola, opolisi otayi ti oshidhigu okukonga nokumona oonakulonga omiyonena ndhoka.
Sakaria okwa ti oshinyangadhalwa shika otashi ka tamekela mOshakati shampa opoloyeka yokutula mo uufano mondoolopa ya pu.
[email protected]
Nonande oondoolopa ngaashi Ovenduka, Otjiwarongo noRundu odha tula po nale oveta ndjoka, ondoolopa dhokOnooli yoshilongo natango odhe etha uutaksi inau shangwa tawu felefula. Opolisi otayi ti shika ohashi tula aafalelwa moshiponga, oshoka oombudhi otadhi vulu okwiiholekela muutaksi mboka kau na oonomola.
Mu Juli 2024, oshigongiilonga shuule woshiwike shimwe shaanataksi naanuumbesa osha ningilwa mOngwediva, opolisi naakuthimbinga yalwe moshikondo shondalaspota oya li ya kundathana kombinga yoshikumungu shootaksi dhaa na oonomola, opamwe niikundathanawa oyindji.
Moonkundathana noshikundaneki shoNamibian Sun, Komanda gwopolisi moshitopolwa shaShana Komufala Naftal Lungameni Sakaria okwa ti ootaksi odha pumbwa okunyolwa oonomola meendelelo, oonomola dha yela nawa dhi wetike ku kehe gumwe.
Sakaria okwa ti oonkambadhala dha ningilwe monale okuungaunga noshikumungu shika, odha li dha ponyo oshoka kape na oveta ya tulwa po koondoolopa dhokOnooli yoshilongo, oveta ndjoka tayi utha kutya otaksi kehe opo yi felefule nayi kala yi na oonomola.
“Uupyakadhi otau ya kutya otaye ki iyutha kelombwelo ndjoka ngiini. Opwa pumbwa oveta. Otwa dhimbulula kutya oondoolopa odho dhi na okutula po oveta. Shoka twa tokola ngashingeyi okuya moonkundathana noondoolopa kooyimwe nooyimwe,” Sakaria okwa ti.
Uupyakadhi wa pumbwa okukandulwa po meendelelo
Oshikundaneki shoNamibian Sun osha kundanekele kombinga yoshikumungu shika natango mumvogu, opolisi oya li ya koleke kutya omakonakono oge eta puuyelele kutya oohauto dhimwe ndhoka hadhi longithwa okulonga iimbuluma ohadhi felefula dha fa uutaksi.
Iilonga mbika ohayi ningwa omausiku, sho oondingosho tadhi pata nenge sho aantu taya yi komagumbo nohaya yugwa koombudhi ndhoka tadhi felefula.
Molwashoka oohauto ndhika kadhi na oonomola, opolisi otayi ti oshidhigu okukonga nokumona oonakulonga omiyonena ndhoka.
Sakaria okwa ti oshinyangadhalwa shika otashi ka tamekela mOshakati shampa opoloyeka yokutula mo uufano mondoolopa ya pu.
[email protected]
Comments
Namibian Sun
No comments have been left on this article