Oombanga nadhi kale noosytema dhopaungomba itadhi pitwa kusha- opolisi

Komanda gopolisi moshitopolwa shaShana Komufala Naftal Lungameni Sakaria okwi indile oombanga dhi kale noosytema dha kola itadhi pitwa kusha, opo ku keelelwe omakengelelathano nokugamena aayakulwa yawo koombudhi. Ohela, Sakaria okwa holola elimbililo lye molwa iiningwanima yomakengelelo gaayakulwa moombaanga tayi londo pombanda, shika okwe shi popi moshigongi naanambelewa moshikondo shiikwambaanga, mwa kwatelwa yomOmbaanga yOtango yoPashigwana (FNB). Sakaria okwa dhenge omuthindo kuupyakadhi tau hweenene waayakulwa yombaanga ndjika taya kengelelwa olundji.“Itatu popi kombinga owala yiiningwanima. Pamwe inaya haluthwa komiyalu ndhika noitaye shi endelele po, ashike otatu indile ombaanga dhi shi tale ko sha simana nosheendelela noonkondo opo ombanga yi kale noosystema dhawo dhegameno lyaayakulwa yawo dha kola. Ngele kaye wete kutya oosystema ndhoka dhi li po itadhi longo, naye dhi nkondopaleke natango,” okwa lombwele Namibian Sun ohela.Sakaria okwa ti kutya ombaanga yoFNB nayi kumwithwe koolopota odhindji tadhi hokolola okukengelelwa kwaayakulwa yawo.Egameno lyaayakulwa Komanda gwopoliisi okwa ti mOshana amuke, omwa lopotwa iipotha yokukengelelwa 11 okuza 2023 sigo okeluwa ndino. Miipotha mbyoka 11, omulongo oyaayakulwa yomombaanga yoFNB nomuyakulwa gumwe ogwokombaanga yoStandard Bank, okwa ti. Okwa gwedha po kutya iipotha oyindji yomakengelelathano ngaaka oya ningwa mo2024.Ombaanga yoFNB moNamibia otaku hokololwa ya konakona iipotha 103 yokukengelelwa kaayakulwa yawo muNovemba nomuDesemba mumvogu, naashika oshe etitha ekanitho lyoshimaliwa shoomiliona dha konda N$4.MuJanuali nuumvo, opolisi yaMusati oya lopota kutya pokati komasiku 15 no17 Januali, omukulupe gwomukulukadhi gwoomvula 60 gwokUukwamatsi mOkahao okwa tulwa mokatoo nokukuthwa oshimaliwa shomiliona N$1.1 komayalulilo ge gombaanga yoFNB.“Petameko FNB kali a hala okwiitaala oshipotha shika oshinene, ta ti anuwa omolwaashoka oku na aayakulwa oyendji e vule oombaanga oonkwawo, nena oku na okukala nomakengelelo ge li pombanda,” Sakaria a ti.Sakaria okwa ti okwiipopila, ngaaka kaku li mondjila, oshoka aantu oya tsikila natango nokukanitha iimaliwa yawo, noyindji yomiimaliwa mbika inayi monika natango. Sakaria okwa dhenge omuthindo kutya komuntu ke na owino miikwambaanga niikwautenika, “okudhengelwa ongodhi akuke” komuntu te mu pula onomola yokamutse ke nenge oonomola e dhi li kokaboba ke, ando itashi monika sha fa osho ashike sha simana, opo oombudhi dhi ya tule mokatoo nawa.“Ngele owa yaka po okaboba kandje nokutapa ko oonomola dhi li ko, ando inashi kala oshipu wu yake ko iimaliwa yandje,” okwa dhenge omuthindo.Omalongopukululo oga pumbiwa Sakaria okwa ti opolisi oya longa nuudhiginini mokulonga nokupukulula oshigwana, opo shi iyageke okupopya nantu kaye ya shi noshowo shi yande okugandja omauyelele gasho gopaumwene.“Ohaya longitha omikalo odhindji ya tule oshigwana mokatoo noshigwana oshi li muudehigu,” okwa ti.Mo2023, ombaanga yoFNB natango oya li momakana gaantu sho aayakulwa yawo oyendji taku hokololwa ya yakelwa iimaliwa yawo kooe-wallet dhawo. Pethimbo ndyoka, FNB okwa ti ke na mo sha moshikumungu shiimaliwa tayi kana ko-ewalleta.Omunambelewa gwomakwatathano moFNB Kirsty Watermeyer okwa londodha oshigwana kutya iimbuluma yopaungomba otayi londo mombaanga adhihe. Iinima mbika otayi ningwa miikondo ayihe nomuuyuni auhe, okwa ti. Watermeyer okwa dhenge shiikwambanga osha limbililwa shili nosha tula po uukomitiye wu konakone e ete po lyomikalo omikalo dhi kwathe opo aayakulwa ya tseye omikalo dhuukengeleleidhi nankeen tadhi ungaungiwa nadho.“Aluhe ohatu tala tango kegameno komalungula notu na oosystema dha kola hadhi ungaunga nuukengeleledhi. Poompito odhindji, ohatu yi moshipala iilonga mbika yuukengeleledhi,” okwa ti. Watermeyer okwa ti ombaanga ohayi longele kumwe nopolisi nombaanga otayi lalakanene okukwatha opolisi meudhililo mokutsikila niikonga yomayelithilo goshigwana kombinga yomikalo dhokukeelela uukengeleledhi, tayi longitha omikalo dha yoolokathana.“Masiku otatu ka ya komagumbo goPashingolo taga tekula aakulupe, opo tu ya pe uuyelele wokukeelela uukengeleledhi, aakulupe mbaka olundji oyo iihakanwa yiimbuluma yopaungomba. Okukondjitha uukengeleledhi, osho oshinakugwanithwa shetu shotango notatu indile oshigwana shi kale sha lungundja noshi kale hashi dhengele tango kombaanga uuna sha dhengelwa koongodhi tadhi limbilike, nenge sha tuminwa omatumwalaka kongodhi nenge ko-emaila ashike inaye ga yela nawa,” okwa ti.tuyeimo@nmh-hub.com.na

Oombanga nadhi kale noosytema dhopaungomba itadhi pitwa kusha- opolisi

Comments

Namibian Sun 2025-05-02

Please login to leave a comment

Oombanga nadhi kale noosytema dhopaungomba itadhi pitwa kusha- opolisi

Comments

Namibian Sun 2025-05-02

Please login to leave a comment

Login