Okwa li a kolwa: Omukiintu ta ti ina dhipaga omusamane gwe

Sherinda Cloete (49), ngoka ta tamanekelwa edhipago lyomusamane gwe Petrus Cloete (40), moRundu, okwa ti kutya haye e mu dhipaga, pethimbo lyepulakeno lyeindilo lyombooloha ye. Ota hokolola kutya okweehama kwaPetrus hoka kwe mu fala meso okwe etwa kokwiihata po kwe olundji molwa “uukolwe we”.Oshiningwanima shika osha ningwa momasiku 26 Desemba popepi nomagumbo gaapolisi moSarasungu moRundu. Petrus okwa falwa mbala koshipangelo shepangelo shaRundu ashike okwa hulitha lwanima esiku tuu ndyoka.Sherinda ota tamanekelwa okudhenga omusamane gwe noshiti shemopa nonongodhi yolusheno. A holoka komeho gOmupanguli Selma Shiiga mOmpangu yaMangestrata gwaRundu, okwa tindilwa ombooloha, noshipotha she oshu undulilwa komasiku 6 Maalitsa opo ku ningwe omakonakono gomuule.Paumbangihokololo we, Sherinda okwa hokolola kutya Petrus okwi ihata po lwaali megumbo lyawo polupanda lwa tuta noshikando shimwe pondje pehekevi nopomamanya. Okwa ti ina longitha oshiti shemopa nenge ongodhi yolusheno e mu ehameke nokwa ti okweehama hoka kwe mu fala meso okwo oshiponga.Omweeti gwiihokolola yepangelo Michael Munika okwa kondjitha eindilo lyombooloha, ta ti oshipotha shedhipago oshinene, notashi vulika a ka ye mekwatathano noombangi nokwiidhopa momakonakono gopolisi, omatompelo gaayeti yiihokolola yepangelo ge shi okuuvikiwaa ko ogo: uumbanda kutya omufekelwa ta fadhuka po, nohokwe oshigwana shi na moshipotha shoka ashihe shoka oshe etita a tindilwe ombooloha. Okwa dhenge omuthindo kutya okumangulula Sherinda kaku li muuwanawa woshigwana.Omukalelipo gwopaveta gwaSherinda Bernard Tjatjara okwa ti etokolo lyepangelo okuholola uusama muumbangihokolola wooihoontali. Okwa li ta popi kombinga yuumbangihokololo womukonakoni, ngoka a ti kutya oku uva omahokololo ngoka ga yooloka kombinga yoshiningwanima.Omukonakoni okwa koleke kutya olopota yopaunamiti yopetameko oya holola kutya Petrus okwa si sho uuluyi we wa kwatathana nombinzi konima yokudhengwa. Kakele, olopota yetando lyomudhimba kayi po. Omahokololo gooihoontali oga yooloka, gamwe otaga ti anuwa Sherinda okwa dhenge omusamane gwe, omanga omakwawo anuwa okwiihata. Ombangi yimwe oya lundulula ehokololo lyawo lyotango, nokuzimina kutya kaya li nawa pethimbo lyoshiningwanima.Kakele, epangelo, olya ti kutya omaengweno otaga ti okwiihata po koludhi ndoka ihaku eta okweehama okunene ku fale meso. Oya nyenyeta wo kutya ekwatathano lyopopepi lyaSherinda nayamwe yomoombangi, oyendji yomuyo aakwanezimo nenge aapopepi naye, otaku holola kutya okwiidhopa mo otaku kala okundji.Mangestrata Shiiga okwa tindi eindilo lyombooloha yaSherinda, ta ti oshipotha oshinene, ekwatathano noombangi, nonkalo yoshipotha inashi potokonoka. Ompangu oya dhenge omuthindo kutya ngoka gamwe gomomatompelo ga kalekitha Sherinda mokakuma manga omakonakono taga tsikile.Oshipotha otashi tsikile, naSherinda okwa tegelelwa a holoke natango mompangu mu6 Maalitsa. nikanor@erongo.com.na

Okwa li a kolwa: Omukiintu ta ti ina dhipaga omusamane gwe

Comments

Namibian Sun 2025-05-21

Please login to leave a comment

Okwa li a kolwa: Omukiintu ta ti ina dhipaga omusamane gwe

Comments

Namibian Sun 2025-05-21

Please login to leave a comment

Login