Opolisi: oopelesenda 82% dhiihakanwa yomaikuthomwenyo mo2023 odha li aalumentu

Nedhimbuluko lyEsiku lyeagandjaneko lyomauyelele ga pamba Eikuthomwenyo, uuyelele wa pitithwa kOpolisi yaNamibia otau ulike kutya oopelesenda 82% dhoonakusa 542 mboka ya si miiponga yomaidhipago momumvo gwoshimaliwa 2023-24 oya li aalumentu.Mokati kiiponga yomaidhipago ya lopotwa 542 momukokomoko ngoka, aalumentu 449, aakiintu 80 nuunona 13 owu li meni lyoomvula 18. Pokati mpoka, iiningwanima yoonkambadhala dhomaidhipago moNamibia oya londo okuza 1 655 mo2018 okuya po2 332 mo2023, omanga iiponga yomomaidhipago oya londo okuza poonakusa 452 mo2018, oonakusa 564 mo2020 noonakusa 627 mo2022. Oshikwawo, uuyelele owu ulike omaidhipago ga londo noopelesenda 19% mo 2023/24 okuyelekanitha nomo (2022/23) noonkambadhala dhomaidhipago odha londo noopelesenda 53% pokati ko 2019 no2024.Mo2023/24, Oshitopolwa shaShana osha li nondjele yomaidhipago yi li pombanda moNamibia, nomaikuthomwenyo 29.9 maantu 100 000, okwa landula Oshitopolwa shaMusati (25.5 maantu 100 000), Ohangwena (18.3 maantu 100 000), nIitopolwa Khomas nErongo (ayihe omaikuthomwenyo 17.9 maantu 100 000), omanga Oshitopolwa shaMaheke sha lopota omaikuthomwenyo 17.4 maantu 100 000.Shika oshe eta ondjele yomaidhipago moshilongo 17.9 maantu 100 000. Oshikwawo, okuya pehulilo lyaMaarsa nuumvo, aalumentu 449 naakiintu 80 otaku hokololwa yi idhipaga.Hogolola OmwenyoWimpie Vernooy, omutoti gwoSuicide Prevention and Awareness Namibia, okwa ti ehangano lyaa shi lyontanitho oli na oshikonga shegandjo lyomauyelele momwedhi nguka okuza momasiku 6 sigo 13 Septemba, kohi yoshipalanyolo ‘Oshiwike shOkukeelela Omaidhipago.’ Moshiwike shoka, iilyo yehangano otayi ka talela po ooskola noongeshefa ya andjaganeke omauyelele kombinga yuundjolowele wopamadhiladhilo.“Ihaku kala kuyele nande okukonga ekwatho, ihe otashi vulika ku kale kwa toka( kwa lata),” Vernooy a ti.Oshikwawo, otaya kala miinyangadhalwa yokugongela iimaliwa moka aalandi taya landa uumbapila wokunateka( uustika) koN$10 kehe kamwe, noshimaliwa tashi ka gongelwa otashi ka kwatha opoloyeka.“Shimwe shomiinyangadhalwa yetu ohatu yambidhidha lela uundjolowele wopamadhiladhilo niikumungu yokupikwa mEtine kehe mosenda yoCFC training centre. Oyo ehala moka aantu haya vulu okugongala nokukundathana iipambele yimwe nokuhokolola omahokololo gawo," Vernooy a gwedha po.Okwa ti wo omathaneko gokupatulula osenda yenzulonkalo hayi ithanwa ‘Second Chance Recovery Centre,’ oge li metifa, notayi ka patuluka petameko lyomumvo twa taalela.Noshipalanyolo ‘Hogolola Omwenyo,’ endiki lyezulonkalo otali lalakanene okuhumitha komeho omadhiladhilo omawanawa kombinga yuundjolowele wopamadhiladhilo nokugandja etumwalaka lyetegameno (lyonakuyiwa).Nonande osenda otayi ka tala unene kokupikwa nankene taku sindwa, otaya lalakanene okulongitha omukalo gwa mbwalangandja, gu ukilila iiyetithi yi li yuundjolowele wopamadhiladhilo mbyoka hayi eta omuntu a pikwe nomaupyakadhi ga pamba okupikwa. Vernooy okwa ti otaya ka longa nuudhiginini okugandja omakwatho taga kalele okupitila mokulongitha omikalo dhi ili nodhi li dhehungomwenyo.Osenda otayi ka kala niigongiilonga yokwiilonga iilonga yokomake, ngaashi okuhonga iipilangi nokufikila, yi longekidhile aadheulwa okushuna moshigwana konima yezulonkalo. “Onkambadhala tatu eta po otatu kambadhala okweeta elunduluko moshigwana,” okwa ti.Ehangano Suicide Prevention and Awareness Namibia otali vulu okudhengelwa konomola 081 880 0088 nehangano lyoLifeline/Childine otali dhengelwa ko061 226 889.Eandjaganeko lyuuyelele paigwanaEsiku lyOpaigwana lyOkukeelela Eikuthomwenyo, ohali dhimbulukiwa omvula kehe momasiku 10 Septemba, nelalakano okwaandjaganeka omauyelele muuyuni auhe kutya eikuthomwenyo otali vulu okukeelelwa.Otema yuule womimvo ndatu yEsiku lyOpaigwana lyOkukeelela Eikuthomwenyo 2024-2026 oyo &#039;Okulundulula Ehokololo kombinga yEikuthomwenyo&#039; neigidho &#039;Tameka Oonkundathana&#039;.“Eikuthomwenyo olyo limwe lyomiiyetithi iinene yeso. Kali na okatongo, ohali gumu aantu yomapipi agehe, yuukashikekookantu auhe noyomithika adhihe,” Ehangano lyUundjolowele mUuyuni lya ti oshiwike shika.“Okulundulula ehokololo kombinga yeikuthomwenyo oli li kombinga yokulundulula omadhiladhilo getu nkene hatu dhiladhila oshinima shika oshinene noshowo okuza monkalo yokumwena( yokwaapopya) nokuthindila kongudhi okuya monkalo yemanguluko, yeuvoko noyokuyambidhidhathana.”

Opolisi: oopelesenda 82% dhiihakanwa yomaikuthomwenyo mo2023 odha li aalumentu

Comments

Namibian Sun 2025-05-02

Please login to leave a comment

Opolisi: oopelesenda 82% dhiihakanwa yomaikuthomwenyo mo2023 odha li aalumentu

Comments

Namibian Sun 2025-05-02

Please login to leave a comment

Login