Omulandithi gwokapana ta tekula oshigwana shaMbaye

Shoka sha tamekele onga onkambadhala yokupalutha uunona 25 molukanda lwaSeapoint mOmbaye osha ningi oshinyangadhalwa sha simana shomehuliloshiwike kehe.

Monena, uunona wa konda po60 - owundji hau zi momapaandaanda 11th no12th Avenue - ohawu monika wa thikama momikweyo pegumbo lyaMeme Meriam Uushona mOlyomakaya nomOsoondaha aluhe, opo wu lye osopa ompyu nawa.

Kuunona mbuka, osopa ndjika kayi shi owala iipalutha yokolutu. Oyo ehala mpoka uunona hau kala wa manguluka, wa silwa oshimpwiyu nowa taambiwa ko - ehala mpoka ondjala kayi shiwike we molwaashoka oye shi shi kutya ope na ngoka te ya dhiladhila.

Ontalanteni

Uushona okwa ti edhiladhilo ndika olya valwa kwaashoka ha mono esiku nesiku . “Aavali yuunona mbuka oyendji ihaya longo, nuunona wumwe ohau li ashike lumwe mesiku,” okwa fatulula. “Elalakano lyandje okukwathela uunona mboka tau si ondjala. Omathimbo gamwe uunona mbuka kau na aavali yokuya telekela oshuumbululwa, omwiha nuulalelo, onkene ohau lala nondjala molwonkalo moka tau iyadha.” Oshe mu guma. Ota dhimbulukwa nawa oluhepo lwe lwokuunona. Mokuputuka kwandje, onda lya osopa ndjika. Onda li nda hepa nonda li he kala momapandaanda. Nopo ihe esiku limwe onda yi megumbo lyegongalo lyetu nonda adha ya teleka osopa. Omuteleki okwa lombwela ndje konale kutya nandi kale handi mu kwathele mokuteleka. Osho ngaaka nda longele mokombitha.” Owino ndjoka oyo ya kunu ombuto ombwanawa yontalanteni ndjoka e na nena miilonga ye mbika, okuningila yalwe shoka a ningilwe kuunona we.

Eiyambo

Okuteleka osopa yaanona kaku shi okupu, ashike Uushona okwe shi ilonga nkene te shi ende. Oha landa iikulya noshimaliwa tashi zi mondjato ye mwene, oshimaliwa hashi zi mokulanditha okapana nomoondunda dhe hadhi hiilwa. “Onda tameke okombitha ndjika noshimaliwa shandje mwene,” okwa ti l. “Ohandi kutha okamaliwa kamwe mongeshefa yandje yokapana. Ondi na woo oondunda hadhi hiilwa mohatsa yandje. Molwashoka onda li nda hala okukwathela oshigwana, onda tameke okutelekela uunona oshali.” Iikulya ye oyakwalukehe—osopa yi na iikwamboga nonyama, tayi lithwa omboloto. Ashike kuunona, owu uvite wa manguluka, wa silwa oshimpwiyu, nowa taambiwa ko.

Iipalutha mehuliloshiwike

Omolwiikwaniipangitho tayi nyangwanyangwa, uunona ohau telekelwa owala momahuliloshiwike. “Ohandi teleke momahuliloshiwike, mOlyomakaya nOsoondaha, opo uunona auhe mboka hau yi koskola wu ye wu lye osopa. Itandi vulu okuteleka mokati koshiwike,” Uushona a fatulula. Nonande ongawo, elalakano lye olya yela noli iwetikile. Uunona owu na ontseyo kutya lwaali moshiwike ohau li nawa. Okamatyona Jordan Cloete oke shi fatulula paufupi: “Onda pandula Mee Meriam, ohatu shuna komagumbo twa kuta ela lya tsa kuuti tse tatu imemeha.” Okanona okakwawo, Ria Naris,oka gwedha po nokwiimemeha elo: “Ohandi ya ndi lye osopa yaMee Meriam oshoka osopa ontoye oto tokokele mo elaka. Ondi hole osopa ndjika tagu pu mo oshoka ohayi telekwa nawa nonomwenyo aguhe.”

Iilonga yi iwetikile

Aashiinda she oya ndhindhilika noya koneka iilonga ye. “Otwa pandula shili sho Meriam ta telekele nokupalula uunona mbuka,” Jacqueline Laurence a ti. “Ohashi tu nyanyudha lela okumona kutya oku na omutima omuwanawa. Kashi shi oshipu okukutha oshimaliwa shoye mondjato opo wu kwathe okanona kamukweni, ashike Meriam oha sile oshimpwiyu uunona wetu shi thike pamwe. Eitulomo lye olye tu tsa omukumo tu mu wayimine noku mu kwatha aluhe shampa a pumbwa ekwatho.” Nonande ongawo, okukala nokombitha ya thikama yu ukilila kashi shi oshipu omashongo ogendji. Sho uunona tau ningi owundji niimaliwa tayi monika nuudhigu, Uushona ota pula omakwatho—ashike okwa yelitha nawa shoka a pumbwa. “Onda hala oshigwana shi tu pe iikulya. Inatu hala oshimaliwa, ihe oomboloto, oosopa, oomboga dhuushimba—kehe shimwe kakele kiimaliwa. Shi landa e to shi etele ndje ndi teleke,” okwi indile. “Uukopi, uuyaha, uusindo, oto vulu okugandja shaashoka. Shi landela ndje e to shi etele ndje,” okwi indile. Omatumbulo ge ogo ondhimbulutho kutya okugandja—okugandja iikulya, okugandja iiyakulitho, okukwathela—ohaku vulu okulundulula oonkalamwenyo dhaantu. MOmbaye, moka mu na yamwe taya si ondjala, ashike oonkambadhala dhomukiintu gumwe e na okombitha hayi teleke osopa. Ndjoka ya pa oyendji etegameno nomukumo.