• Home
  • PEOPLE
  • Aakiintu ya pewa oompito metanga lyegameno
EPONDOLO: Oshikondo shoNamibian Defence Force osha tyapula ekalepo lyoomvula 32.

ETHANO: TWE LI TUMINWA
EPONDOLO: Oshikondo shoNamibian Defence Force osha tyapula ekalepo lyoomvula 32. ETHANO: TWE LI TUMINWA

Aakiintu ya pewa oompito metanga lyegameno

ELLANIE SMIT
Oshikondo shEgameno moNamibia, ano oNamibian Defence Force (NDF) osha popi kutya osha katuka onkatu onene ngele tashi ya ketulo lyuuthikepamwe miilonga moompito dhiilonga muuministeli mboka, sho shi na oopresenda 23 dhaakiintu. Ngoka aniwa ogwo omwaalu omunene gwaakiintu taya adhika metanga lyegameno moSADC.

“Nonando ongaaka opwa pumbwa natango okuningwa oshindji opo ku yambulwepo onkalo yuuthikepamwe moompito dhiilonga,” omukomeho gwoNDF, Air Marshal Martin Kambulu Pinehas, a popi pethimbo kwa dhimbulukiwa ekalepo lyoNDF lyoomvula 32, ndyoka lya ningilwa moGrootfontein.

Pinehas okwa popi kutya etanga ndyoka olya koka okuza miitayi iyali owala okuya kiitayi yomayakulo gopatatu ngaashi aakwiita yomilitali, mboka yetanga lyomombanda oshowo etanga lyomomeya oshowo iikondo yimwe yiithikamena.

Okwa popi kutya oshikondo shoka otashi kutha ombinga mekalekepo lyomakwatathano niikondo yilwe yegameno miilongo ya yooloka.

Okwa tsikile kutya NDF oha kwathele woo miinyangadhalwa yimwe ngaashi a kutha ombinga mooprograma dhokutopola oondya dhoshikukuta, ekondjitho lyoCivid-19 oshowo oopombela dha ningwa omolwa oshipahu miitopolwa ya li ya gumwa.

Iiputudhilo yomadheulo ya yoloka oya totwapo niilyo ohayi ningilwa omadheulo goondondo dha yooloka.

Pinehas okwa kunkilile woo iilyo yetanga kutya oshikondo shoka oshiithikamena okuza kopolotika, onkene naya ikaleke kokule nonkalo yokwiidhopa miikwapolotika, nokupopya kutya aakuthimbinga otaya ka ungaungiwa nayo kwiikwatelelwa koveta yegameno.

Comments

Namibian Sun 2022-12-04

No comments have been left on this article

Please login to leave a comment