Omulumentu ta tamanekelwa iilonga yuukulo a tindilwa obooloha

Omulumentu gwoomvula 32 omukalimo gwoGrootfontein ngoka ta tamanekelwa okulongela kumwe niikulo yoBoko Haram noyoISIS paku yi kwathela yi umbe ko koshipundi epangelo lyaNamibia "lya suwaka", okwa holoka mOmpangu yOpombanda yaVenduka mEtitatu koshipala shomupanguli Shafimana Ueitele. Okwa li a holola kutya ota ningi eindilo lyokupewa obooloha oshikwawo okwi indile eindilo ndika li undulilwe komeho manga opo a vule okukonga ahende a za kepangelo. Jona Hangula, ngoka ngashingeyi e na omukalelipo gwopaveta gwopaumwene Wihan Brand, okwa lombwele omupanguli kutya ota ka pumbwa ahende yepangelo. Omupanguli Uietele oku undulile komeho eindilo lyobooloha, nepulakeno ndika otali ka pulakenwa momasiku 16 Juli. Epangelo otali tamanekele Hangula okulongela kumwe niikulo yoBoko Haram, iikulo ya nika oshiponga yeitaalo lyAamoslema mbyoka tayi piyaganeke oshigwana koshitopolwa shokEtale lyaChad mUuningino waAfrica. Boko Haram okwa kala ta popilwa ekwato mbambyona lyaantu, omadhipago, okulongitha uunona uushona ongaategi yoomboma aaihupuli, noshowo okuponekela aakwashigwana noombelewa dhepangelo. Ngashingeyi Hangula ota tamanekelwa iipotha ngaashi okugandja iimaliwa kiikulo, okukuta aantu ya wayimine uukulo, okukala oshilyo shongundu yuukulo—iipotha ayihe mbika oya taaguluka Oveta yOkukeelela nOkukondjitha Uukulo niilonga yuukulo, Oveta 4 yomo2014. Oshikwawo, ota tamanekelwa okunwa po oshilongo ondjumbu niipotha 13 yokutaaguluka Oveta yokukondolola okuya mo kwaantu moshilongo sho taku hokololwa kutya okwa kutu aantu miilonga shaa li paveta moNamibia. Okuumba ko koshipundi omapangelo "ga suwaka" moAfrica Shi ikolela kombapila yomatamaneko ge, Hangula okwa yelitha nkene te eta ko uukulo woJihad kUumbugantu waAfrica—okutamekela moNamibia—pakutota po okamba yaakwiita koongamba dhaAngola, okukuta aakwiita nokuya dheula ya ponokela nokuninga iilangela momikunda nomikunda. Okwa ti kutya okwa holola ohokwe ye okukala e hole oongundu dhuukulo yoISIS noyoBoko Haram. Okwa li a yi moonkundathana dhankene taya ka umba ko omapangelo giilongo yaAfrica, ngoka e ga tala ko ga“ suwaka.” Hangula otaku hokololwa a pula ekwatho opo ya nduluke nokulongekidha oomboma dhaaihupuli, okwi ilongekidha okulanda ooondjembo dhooAK-47 noshowo oombistoli. Okwa li woo a holola kutya oku na ohokwe yokulonga aantu e ya dheule ya vule okuninga iitopitha, ndjoka he yi ithana “uumboma uuwanawa.” Ota tamanekelwa woo onkambadhala yokukuta omwiihupuli omukiintu nokukwatha aasindumbo nepangelo iikulo yojihadist, mwa kwatelwa omuntu gumwe ngoka a hokolola kutya okwa li a hala “okumboma po iilando iinene yomoIndia". Shi nasha nokukuta aantu shaa li paveta moNamibia, omatamaneko otaga ti okwe shi ningi pakwatho lyAanamibia omulongo, mboka a kutu okupitila komapandja goWhatsApp monkambadhala yokuheka oshigwana shi wayimine ongundu yoISIS and noyoAl-Shabaab. Otaku hokololwa a pewa oshimaliwa shoomiliona US$6.5 dha za komahangano ga yooloka noshowo oshimaliwa shoomiliona N$30 dha za kehangano limwe alike. Omadhina gomahangano ngaka itaga holoka momikanda dhopaveta. Hangula okwa tulilwe miipandeko momasiku Juni 21, 2023. rita@nmh-hub.com.na

Omulumentu ta tamanekelwa iilonga yuukulo a tindilwa obooloha

Comments

Namibian Sun 2025-09-30

Please login to leave a comment

Omulumentu ta tamanekelwa iilonga yuukulo a tindilwa obooloha

Comments

Namibian Sun 2025-09-30

Please login to leave a comment

Login