Hahende gwepangelo i ipatana endulukepo lyeuvathanotsokumwe lyaChicco

Hahende omupe gwepangelo Ndateelela Nelao Shilongo–Alexander, okwa li ikala kutya oye a ningi oshifegagulwa sheufavathano lyothitha pokati kepangelo nomunangeshefa Erastus 'Chicco' Shapumba.Euvathano ndyoka lya li lyashainwa muDecember 2023, metonatelo lya Sisa Namandje &amp; Co, olya li pokati kuuministeli welongo opo wu hiile etungo li li mOvenduka lyongeshefa yaShapumba yedhina City Place and Property Management (Pty) Ltd. Ota ku hokololwa euvathano ndika tali ka hulila mo31 Maalitsa 2027.Pethimbo euvathanotsokumwe ta li shainwa, Shilongo-Alexander okwa li omukuluntu kehangano Sisa Namandje &amp; Co omanga inaa ulikwa a ninge hahende a gwedha po gwepangelo momasiku 01 A piilili 2026. Uuministeli ohau futu oshimalilwa omiliona N$ 1.1 omwedhi kehe, nongaashingeyi owa futa ko oomiliona N$13, metonatelo lya Sisa Namandje &amp; Co,Shilongo-Alexander okwa lombwele Namibian Sun kutya, ye okwa li ashike ta kwatele komeho oshikondo shooveta dhaaniilonga kehangano Sisa Namandje &amp; Co, ihe ka li nande e na mo olunyala miipambelo yopaliko.Okwa ti omauvathanotsokumwe gomuthika goludhi ngaaka ohaga longekidhwa kuNamandje, meyambidhidho lyomukuluntu goshikonfo osho woo aanaveta kohi yoshikondo shooveta dhiipambele yomaliko.Okwa ti: “ Kandali oshilyo shoshikondo shoka onkene inandi longekidha ngame inandi mona omauvathanotsokumwe gopaliko gapamba okuthithitha ngoka ga ningwa pokati kepangelo osho noCity Place and Property Management (Pty) Ltd.”Nonando uuministeli wa shaina euvathanotsokumwe osho wo okufuta iifuta yokomwedhi yohiila, ota ku lopotwa kutya uuministeli welongo ina wu panda etungo oshoka ita li opalele okulongithwa onga ombelewa ihe olya tholomapo momutungilo gwohotela.Uuminsteli otau ti okulundulula etungo ku li tula pamuthinga gwombelewa otashi kosha oshimaliwa tashi tengenekelwa poomiliona N$33.Oolopota dhimwe ota ku hokololwa kutya etungo ka li omikandapitikilo dhoka tadhi utha kutya etungo oli li pamuthika gokulongithwa.Ngele euvathanotsokumwe ndika olya tsikile sigo Maalitsa 2027, pwaana ekandulepo lyomukundu nguka, okwa tegelelwa epangelo li kale lya longitha oshimaliwa shoomiliona N$24 metungo inaa li longithwa sha kepangelo nenge kuuministeli.Okudhengela ondhi pehoUuministeli welongo owa holola omaipulo taga tala euliko lyaShilongo-Alexander onga pwa dhengelwa ondhi peho, mombaapila yawo ya li ya nyolwa osheendelela momasiku 30 Apiilili 2026, noya tumwa kombelewa yaHahendendjayi, tayi pula eidhopemo lyopaveta opo ku hulithwepo euvathanotsokumwe lyokuhiila omatungo.Shilongo-Alexander ngoka i ikaleke kokule noshinima shika okwa ti, epeko li na sha nehulithepo lyokuthitha omatungo oshinakugwanithwa shoshikondo shokugandja omayele miipambele yopaveto- oshikondo shoka sha yooloka kushoka ha longele shi na sha noontamanana dhopaveta dhopambili.Okwa ti: “ Ando okwa li ehulithepo lyeuvathano lyopaipindi lyokuhiila inaa li manithwa koshikondo shokugandja omayele gopaveta noshakatsikila sigo okompangu, ando opo owala oshinima shika tashi tuminwa koshikondo shoontamanana dhopaveta dhopambili.”Kombinga yomapulo ga nkene iikumungu yokudhengela ondhi peho hayi ungaungwa nayo, okwa ti “ Monkalo moka kwa ndhindhilikwa kwa longithwa uulingilingi wokudhengela ondhi peho, oshinima ohashi tuma kombelewa yaHahendendjayi, nehangano lyoohahende limwe li ili oha li ithanwa opo li ye li kalelepo epangelo.”Shilongo-Alexander okwa fatulula wo tati ehangano lyo Law Society of Namibia olya tula po omauthompango ga nkene aanaveta ye na okwiihumbata paveta dha tulwa po osho wo ngaashi tashi uthwa montontwaveta yi na sha naanaveta Legal Practitioners Act 15 of 1995.“Oshinima dhokudhengela ondhi peho itashi holoka ashike mombelewa yaHahendendjayi, ndele ohashi vulu wo okuholoka mombelewa kehe mepangelo lyaNamibia.”“Uuna shika sha holoka, omuniilonga oha ungaungwa naye kohi yeutho eti-11 moompangu dha tulilwa po aaniilonga yepangelo. Osho wo Law Society of Namibia oya tula mo omaihumbato ngoka omunaveta kehe a tegelelwa i ihumbate nawa ngaashi oompango tadhi ti,” ta ti ngaaka.Omayele taga zi palweNonando ongaaka oonzo dhimwe onkene tadhi ti euliko lye otashi vulika li imbe epangelo okumona omayele giithikamena gopaveta.Otaati nonande Shilongo-Alexander mongaashingeyi ita ungaunga noshinima shika, shoka sha kuutumba koshikondo shomayele gopaveta, uuna epangelo lya kambadhala okuya komeho nokuhulitha po euvathanotsokumwe, ye Shapumba te shi fala kompangu, nena omapeko oge na okuya koshikondo hoka Shilongo-Alexander e li.Onzo yimwe ota yi ti: “ Omuntu gumwe e mu vule miilonga oye na longe noshinima shika. Mupyamunene, moshinima muka, omugandjimayele gwiipambele yopaveta e li pondondo yi vule ye mepangelo ohahendendjayi ashike-ka kun awe gulwe. Oye omutiyali maagandjimayele yopaveta mepangelo, noshikondo she otashi vulika shi ka kwatelekomeho oshnima shika uuna sha yi kompangu.”Onzo wo oya gandja ekunkililo kutya oshinima shika osha nika wo oshiponga kuShapumba ye mwene.“Shika oshinima oshidhigu unene nokuShapumba shaashi pethimbo ehangano lyopaveta okwa li ta li ndulukapo euvathanotsokumwe, Shikongo-Alexander otashi vulika a pewa omauyelele gopaumwene kombinga yomalalakano gaShapumba, uunyengwi we nonkalo ye yokuya moonkundathana shoka tashi vulika shi ke mu tanaukile po,” onzo tayi ti ngaaka.Oompango tadhi wilike omauhumbato gaanaveta moshilongo odha indika aanaveta yaakale aayakuli yaaniilonga yawo aakulu miipambele ya faathana nenge mbyoka ya pamba kiilonga ya li ye yi longo pethimbo taa longele ngoka ngaashingeyi ta kala omuyalulwa.Namandje okwa ti ina yay a natango moonkundathana naShapumba dhi na sha nokufala oshinima shika kompangu nenge okupatakanitha epangelo.“Kandi na omalombwelo na inandi ya mekwatathano naChicco shi na sha nokalamauka haka pokati ke nepangelo, nonando pu na shili omananathano, “ ta ti ngaaka.Chris Nghaamwa, ngoka e li omuwiliki goshikondo shokugandja omayele gopaveta, ina monika a tye ko sha ku shika.Omapulo ga tuminwa Gerald Vries, omunambelewa omukuluntu kuuministeli e na sha niipambele yaagundjuka nomaudhano ina ga yamukulwa.

Hahende gwepangelo i ipatana endulukepo lyeuvathanotsokumwe lyaChicco

Comments

Namibian Sun 2026-07-09

Please login to leave a comment

Hahende gwepangelo i ipatana endulukepo lyeuvathanotsokumwe lyaChicco

Comments

Namibian Sun 2026-07-09

Please login to leave a comment

Subscription Required to Access Content ×

Login

Subscription Required to Access Content