Omilalo ka dha li dha manithwa, Omunyenyeti iniiyoga nawa - Noa

Omundohotola gwopaunamiti gwomoshipangelo shoshikandjo shaNandjokwe Dennis Noa, gwoomvula 31, okwa lombwele Ompangu yaMangestalata yaNdangwa kutya okwa li momilalo nomunyenyeti, ihe ka dha li dha manithwa molwaashoka omunyenyeti ka li iiyoga nawa.Noa shika okweshi zimine mEtitatu pethimbo a li ta ya gandja uumbangi pethimbo lyeindilo lye lyombooloha lyopambelewa komeho gaMangestalata Shantell-Antoinette Wanga-Harris.Ota tamanekelwa oshipotha shimwe shehetekelo lyomilalo, shoka tashi popiwa kutya okweshi longela megumbo lye lyiilonga moshipangelo shaNandjokwe momasiku 17 Juli.Mokugandja uumbangi kohi yegano, Noa okwa lombwele ompangu kutya konima yoshiningwanima shika oya li ya patulula ekende opo ya uve ombepo. Okwa ti lwanima oya li ya kundathana euvathano lyi na sha nohauto, ta ya nu iikolitha, e taya li uulalelo.Omifofodholo dhiingangamithiPethimbo lyomapulo gomomuthika, Omutamaneki gwEpangelo Bernadine Bertolini okwe shi tula po kuNoa kutya okwa nwitha omunyenyeti iingangamithi. Noa okwa tindi omatamaneko ngaka.Okwa gandja uumbangi kutya omunyenyeti oye mwene a pula omiti nokweendathana kwawo kwopamilalo okwa li kwa ningwa manga inaku pulwa omiti.Noa okwa koleke kompangu kutya oku na uuvu womaipulo nogombinzi ya londa noha pewa Ashwagandha noDiazepam. Sho a pulwa kombinga yiilanduliko yomiti dhika, okwa ti omuti nguka ohagu vulu okweeta ekanitho lyoonkondo dhopamadhiladhilo nekanitho lyomadhiladhilo gogene, onkene ogu na okugandjwa kundohotola gwopaunamiti.“Onga omunawino gwopaunamiti wu shi iilanduliko yomiti dhika, omolwashike wa tsikile noku dhi gandja?” Bertolini a pula.Bertolini okwa tula wo po kuNoa kutya okwa li e shi omunyenyeti nawa nokutya omunyenyeti okwa li e mwiineekela.Noa okwa ti hasho andola te shi hokolola momukalo gwatya ngaaka, ihe okwa ti omunyenyeti oku li ongo kuume ke gwopamilalo.“Tse nomunyenyeti otwa li twa dhengelathana oongodhi iikando 122 nokwa li ndi mu shi uule woomwedhi mbali nomasiku 10. Onde mu simaneka ongo omuntu, okwa li e na esimaneko nokwa li ndi mu hole ongo omuntu pauhandimwe,” Noa a gandja uumbangi.Omutamaneki okwe shi tula wo kuye kutya momasiku 17-18 Juli, esiku lyoshiningwanima shoka tashi popiwa, okwa li a dhengele omunyenyeti lwaali.Noa shika okweshi ipatana. Okwa ti omunyenyeti oye a li e mu dhengele ongodhi opo ya tyapule ondjambi ye yotango e taya tsu kumwe meuvathano lyokutsakanena momasiku 17 Juli.“Onde mu dhengele ishewe lwaali pethimbo lya yooloka opo ndi kwashilipaleke ngele ote ya tuu natango nokwa koleke kutya osho, nonando ka li e na iimaliwa yolefa onde mu futile otekisa opo e ye pehala lyandje,” a ti ngaaka.Okwa lombwele ompangu kutya okwa landele omunyenyeti oombiila dho-draught hamano, o-vodka ye mwene niikulya yetyapulo ndoka.Noa okwa yamukula kutya megumbo oku wete e li omuntu gwopaumwene ka shi ndohotola. Epangelo, nduno, okwe shi tula po kuye kutya noomegumbo oku na uunongo wye wopaunamiti noa li e shi nawa iilanduliko yiingangamithi dhika.Iilonga yopaunamitiKombinga yondjokonona ye yiilonga yopaunamiti, Noa okwa gandja uumbangi kutya okwa mana onzapo ye yo-Degree muunamiti mo-2019 e ta ningi eindilo lyiilonga yokudheulwa kuunamiti moshipangelo shEpangelo shaKatutura mo-2020. Okwa ti okwa longo uule woomwedhi hetatu manga iilonga ye yokudheulwa inaayi hulithwa po mo-2021.Sho a pulwa komutamaneki etempolo lyehulitho po lyiilonga mbyoka, Noa okwa ti okwa li ta ungaunga niipambele ye yopaumwene kaayi na sha niilonga ye.Okwa ti okwa kala ke na iilonga uule woomvula ne manga inaa ninga ishewe eindilo lyiilonga yokudheulwa moshipangelo shoPokati shaShakati noshaNandjokwe, mpoka a ka tulwa lwanima.Sho a pulwa ngele sigo nena omudheulwa gwopaunamiti nenge okondalaka ye oya hulithwa po, Noa okwa ti okwa ninga eindilo lyefudho li ikalekelwa.Oshikumungu oshuundulilwa mOmaandaha opo ku tulwe omasiku gomapulo gomomuthika.

Omilalo ka dha li dha manithwa, Omunyenyeti iniiyoga nawa - Noa

Comments

Namibian Sun 2026-10-16

Please login to leave a comment

Omilalo ka dha li dha manithwa, Omunyenyeti iniiyoga nawa - Noa

Comments

Namibian Sun 2026-10-16

Please login to leave a comment

Subscription Required to Access Content ×

Login

Subscription Required to Access Content