‘Ombili ku ayihe mbyoka nda ninga’

Konyanla konima yomumvo netata gwomaipulo gaana omayamukulo, Karinambande Muundjua (18) okwa holoka mompangu yaMangestalata mOkahandja mEtitatu, ta tamanekelwa edhipago lya-Ingrid Maasdorp (5) na-Roswinds Fabianu (7). “Ombili ku ayihe mbyoka nda ninga,” Muundjua ta ku lopotwa osho a lombwele ompangu manga inaa tindilwa ombooloha.Oshipotha shika oshuundulilwa komasiku 2 Maalitsa 2027 omolwomakonakono ga gwedhwa po.Etsokumwe lyo-DNA mokati kuumbangi wa monika konima yehetekelo lyekwatonkonga momasiku 11 Oktooba nuumbangi wa zi kehala mpoka Fabianu a dhipagelwa olyeeta Muundjua a kwatakanithwe nomadhipago ngaka ga li inaaga kandulwa po, osho opolisi ya popi oshiwike sha piti.Muundjua okwa kwatwa po momasiku 10 ga Kotomba konima sho aatonateli yomaliko taku popiwa ye mu kwata ta hetekele ekwatonkonga nokuthiminka okakadhona koomvula hetatu nombele moNau-Aib, mOkahandja. Okwa holoka mompangu mOmaandaha moka a patululilwa oshipotha shika.Muundjua okwa taalela iipotha oyindji, mwa kwatelwa edhipago, ehetekelo lyekwatonkonga, ekwatopo lyokoonkondo neyo lyuuthemba wompangu moshipala. Epangelo olya tindi ombooloha oshiwike sha zi ko, tali ti ota vulu okweendulula iilonga mbika iiwinayi neetho lye ka li li muuwanawa woshigwana.Opolisi mEtitatu oya holola kutya uumbangi wopaunongononi owu ukitha Muundjua komasita ngoka ga monika pehala mpoka Fabianu a dhipagellwa momasiku 24 Apilili 2025, konyala iiwike itano konima sho Ingrid Maasdorp gwoomvula ntano a adhika a dhipagwa momasiku 21 Maalitsa 2025. Eholokopo ndika olyo etitha etonato lya simana momakonakono ngoka ga eta ongeyo moshilongo ashihe, ga eta omahololomadhiladhilo noga etela aakwanezimo taya pula ya pewe omayamukulo kepangelo.Omupevikuluntundjayi gwopolisi Anne-Marie Nainda okwa popi kutya Muundjua ota pangulwa ongo omukuluntu molwaashoka okwa li e na oomvula 18 pethimbo a kwatwa po, nonando okwa li a pewa uuyelele kutya okwa li e na oomvula 16 pethimbo iipotha yotango ya longwa.Opolisi mEtitatu oya koleke wo kutya kapu na ehumokomeho enene moshipotha sha-Beyoncé !Kharuxas gwoomvula 15, ngoka a monika wo a dhipagwelwa mOkahandja pethimbo limwe na-Maasdorp osho wo Fabianu.Opolisi oya ti omakonakono medhipago lye otaga tsikile ihe oya tindi okuholola uuyelele nboka tawu vulu okupiyaganeka omakonakono nenge okweetitha ekandulopo lyuumbangi mompangu.“Kapu na ehumokomeho enene moshipotha sha-Beyoncé !Kharuxas,” Nainda a popi.OsakaPokati mpoka, oshipotha shoomiliona N$2.2 shoka sha tulwa mo komukwanezimo gwaMaasdorp otashi popi kutya Ingrid okwa kwatwa onkonga koskola ya-K.W. von Maree naakuluntu yelongo oya ndopa oku mu gamena. Oondokumende dha tulwa mOmpangu yoPombanda otadhi holola kutya ongula ndjoka Ingrid a kana oya tameke nongulunongelo yosikola ya pata, omulongi ka li mo nuunona uyali owa li wa tegelela pondje yoskola yo-K.W. von Maree.Hekulugona gwomimvo 13, Natangwe Maasdorp, okwa ti okwa li a thindikile Ingrid kosikola konyala konima yotundi ontiheyali yongula momasiku 20 Maalitsa 2025 nokwa thigi ingrid nuunona mboka uyali manga ina shuna koshihauto shawo.Hekulu okwa hingi yo na-Natangwe nomukwanezimo kOsikola yoPevi yo-Aurora momudhingoloko gwopopepi gwaNau-Aib.Pethimbo ezimo ya shuna ko po-12:00 opo ya ka tale Ingrid, omweelo gwosikola ogwa li gwa pata nokapwa li omuntu a li po, aakwanezimo ta ya ti.Aakwanezimo oya kongo mosikola nomomatungo gomomuhandjo, moka ya ulukile aaniilonga ethano lye noya pula ngele opwa li omuntu e mu mona.Yinakulu, Dolly Maasdorp, okwa ti okwa dhenge iikando oyindji komulongi gwa-Ingrid ihe ina mona eyamukulo, opo nee a zi a ye kopolisi ya lopote ekano lyokanona.“Aapolisi oya li ya tindi okutaamba elopoto lyetu, taya ti opu na okupita oowili dhontumba manga inaa ya vula okuninga elopoto lyomuntu a kana,” osho a popi moondokumende dhomompangu.Ekonakono lyolukongo olya hulu komatango ga landula ko, mo 21 Maalitsa 2025, pethimbo olutu lwa-Ingrid lwa monika mondjila kohi yontopa popepi nondjila yo-A1 moshitopolwa shaVeddersdal mOkahandja.‘Ingrid okwa ilwa po komumeme’Manga olutu lwa-Ingrid inaalu monika, omulongi okwa dhengele Dolly konyala potundi yo-20:00 kongulohi yesiku ndyoka a kana, e na uuyelele wa zi kokamati ka li mondondo yo-Grade 0 pamwe na-Ingrid.Pauyelele womegano (affidavit) lya-Dolly, okamati haka oka lombwele omulongi kutya Ingrid okwa li nako mosikola, ihe “Ingrid okwa ilwa po komumeme”.Okwa hokolola omukiintu ngoka a li omule nomuyelele koshipa.Esiku lya landula ko, okamati oka shuna kosikola naavali yako noka endulula ehokololo lyako ke li koshipala sha-Dolly, aapolisi naalongi."Oka popi wo kutya omukiintu ngoka a kutha mo Ingrid okwa li a zala okagala kokugamena omafufu gokomutse omanga ta ulike okagala ka zalwa kugulwe po a li moombelewa. Opwa li pu na aapolisi oyendji naalongi ya li po," Dolly a popi.Okamati oka ti oka pula Ingrid a dhane nako, ihe okwa tindi.Mo-affidavit ya-Dolly omwa popiwa wo uuyelele a ti okwe wu pewa komukonakoni gwopolisi kombinga yaakiintu yaali mboka taku popiwa ya mona omunona a zala ombindja yolwaala olu-pinki nohulukweya yosikola ta ende konima yomatungo gomuhandjo gwosikola ta uka kondjila yo-A1 pethimbo lyo-07:30.Omunona otaku hokololwa a li a thindikilwa komuntu e na olutu olushona a zala oshishiigitho komutse, ombindja nombulukweya yokotelenikita ontiliganehuli.Dolly okwa ti omahokololo guukwatya oga faathaana nuuyelele mboka wa zi komulongwa omukwawo , nonando inashi kolekewa ngele omunona ngoka a monika kaakiintu mboka okwa li Ingrid.Okwa ti okwa indile omikanda dhomahokololo guumbangi kopolisi ihe inaye dhi pewa.Etalo lyEpangeloEpangelo otali tindi kutya Ingrid okwa kwatwa onkonga kehala lyosikola nenge kutya aakuluntu yelongo oya li aahasha.Epangelo otali kaleke po kutya Ingrid ka li i ilopota koskola momasiku 20 Maalitsa 2025 noka li mesiloshimpwiyu lyalyo.Pamikalo dhalyo dhokwiipopila, aalongwa oya li motundi pokati ko-08:00 no-10:30 manga inaaya ethelwa komagumbo komeho gOshituthimanguluko lyOshilongo, ihe Ingrid okwa li ina monika mo ethimbo alihe ndyoka.Epangelo otali patana wo kutya oosekulitii mboka ya li posikola oya li ya kutwa kehangano lyopaumwene kali shi uuministeli welongo notali tindi kutya itali vulu okupewa ombedhi omolweihumbato lyalyo.

‘Ombili ku ayihe mbyoka nda ninga’

Comments

Namibian Sun 2026-10-19

Please login to leave a comment

‘Ombili ku ayihe mbyoka nda ninga’

Comments

Namibian Sun 2026-10-19

Please login to leave a comment

Subscription Required to Access Content ×

Login

Subscription Required to Access Content