Iiyendo yaNgoloneya ya dhiki oproyeka yosikola yaUupindi

Shoka sha li sha thanekwa okumanithwa muMeyi ngashingeyi osha lelepekwa sigo omu Kotoba, ihe ekwatho otali monika po lyaalongwa ye li 303 posikola yopevi yaUupindi.mEtiyali, Ngoloneya gwOshitopolwa shaShikoto, Sacky Kathindi, okwa kwatela komeho osheendo sha za kOshikondo shElongo shaShikoto nOshikondo shEkaleko po lyomaliko opo ya talelele etungo lyoongulunongelo oompe posikola yopevi yaUupindi mOshikandjohogololo shOmuntele.Oproyeka ndjika oya etwa po keindilo lyomukuluntusikola, Lovisa Kandenge, ngoka a li a holokele ombelewa yaNgoloneya omumvo gwa ziko molwaashoka opwa li ompumbwe onene yoongulunongelo. Mokumuuva ko, Ombelewa yaNgoloneya oya gandja N$118 000 yokutunga notendela oya pewa oSweet-North Construction Company kehulilo lyaFebuluali.Ihe, nonando kwa li ku na oshikako shokutameka, ongulunongelo pethimbo ndika oyi li owala po-70% okumanithwa, nondando yo-N$70 000 montengenekwathaneko yi li natango inayi futwa. Osikola yopevi yaUupindi otayi andjaganeke omayakulo kaalongwa 303 okuza koshuikunino sigo omondondo onti-7, omanga pethimbo ndika yi na aalongi 13 nomuniilonga gumwe gwosikola.Omayimbo gonkalo yombepo nomeyaMokuyelitha uuyelele wedhikalo, Johannes Fillemon, mwene gwoSweet-North, okwa popi kutya omuloka omunene muFebuluali ogwa li gwa imbi iilonga yi tamekwe meendelelo konima yegandjo lyoproyeka, netungo olya ka tameka ashike muMaalitsa.Shika osha li owala shimwe shomomayimbo ogendji. Fillemon okwa popi kutya oproyeka oya mono omukundu gwonkalo yuupyakadhi womeya gwa lela uule woomwedhi ne."Otwa taalelewa kuupyakadhi uunene wompumbwe yomeya, shoka she tu manga koonyala mokutholoma oondhopi. Nonando otwa humbata omeya okuza kOnankali nololi, iifuta yomahooli, etuto niikwawo itayi ka vula okugwanithwa po," osho a fatulula.Shinasha niipeleki, ofulula nopainda kaa yi po natango, Fillemon okwa ningi eindilo kElelo lyaKamsela li kwathele mokufuta omukanda gwiifuta yiikwaniipangitho ya hupa ko, tawu uvaneke okumanitha oproyeka muule woomasiku gatano.Ngoloneya Tatsu Omuthindo pEkwashilipaleko lyOngushuOmbelewa yaNgoloneya oya popi kutya, pakatendo kOmalandulathano giilonga yEpangelo, iifuta itayi vulu okugandjwa kaaku na uumbangi wiilonga ya manithwa. Nonando ongaaka, Ngoloneya Kathindi okwa tsu omuthindo kutya esimano lyotango okukwashilipaleka ongulunongelo yi manithwe noyilongele uuwanawa waalongwa.Okwa uvaneke okutuma aawiliki yelongo opo ya pule oompito dhootendela dhiikwaniipangitho ya hupa ko nokukonga omukalo omuwanawa gokuya komeho, omanga taya ungaunga natango nuupyakadhi wegandjo lyomeya.Omanga a holola enyanyu kongushu yiilonga ya longwa sigo opethimbo ndika, Kathindi okwa kunkilile eendelelo lyiikako yahugunina."Onda hala iilonga yongushu. Ondi shi shi kutya omu na omaimbo, ihe okukambadhala okumanitha iinima ayihe muule womasiku gatano otashi vulu okutula iizemo moshiponga. Natu kaleni twa tala kiiniwe yetu, eta tu lalakanene iilongadhingi. Onda nyanyukilwa ongushu dhi li po sigo opethimbo ndika, nonando opwa li omadhikalo," Kathindi a popi.Fillemon okwa kwashilipaleke Ngoloneya kutya ehangano olyiitula mo okugandja oondondo dhomuthika gopombanda dhoka dha tegelelwa kulyo.Ondunge ndjika yOmbelewa yaNgoloneya oyi li oshitopolwa shoompangela dhiikako yokukondjitha ompumbwe yoongulunongelo nokugandja onkalo ombwanawa yuulongelo, shoka tashi humitha komeho ompito yokumona elongo lyongushu mOshitopolwa shaShikoto.Ya tolokwa ku: Gottrieb Nambahu (tienoxv@gmail.com)

Iiyendo yaNgoloneya ya dhiki oproyeka yosikola yaUupindi

Comments

Namibian Sun 2026-10-23

Please login to leave a comment

Iiyendo yaNgoloneya ya dhiki oproyeka yosikola yaUupindi

Comments

Namibian Sun 2026-10-23

Please login to leave a comment

Subscription Required to Access Content ×

Subscription Required to Access Content