Bank Windhoek a gandja omapapa kaalandithi yomagumbo

Bank Windhoek ota longo nuudhiginini okuyambulapo omaliko giikwamatungo monooli yoshilongo, moka a longitha oshiindingili shokomumvo shegandjo lyomapapa hashi ithanwa Northern Estate Agents' mokukwashilipaleka ekoko megandjo lyoozo dhoshimaliwa miikwamatungo omanga ta kwashilipaleke kutya oondando otadhi vulika nonando pu na ompumbwe yi li pombanda.

Pethimbo a li ta popi pegandjo lyomapapa mEtine, ndyoka lya ningilwa mOshakit momasiku 16 Apiilili 2026, Leon Koch omunambelewa omukuluntu moBank Windheok koshikondo shoongeshefa tashi longo niikwamatungo okwa ti, onooli yoshilongo oyi na omangeshefelo omawanwa giikwamatungo pa lopota yopangeshefa yo 2025

Koch okwa londodha wo kutya, molwa ompumbwe yevi lya tulwa omaakulo gopetameko, otashi imbi opo omangeshefelo ga ende nawa, ta indile omalelo giilando ga kuthe oonkatu moshinimashika pamwe naahumithikomeho yomavi, oshigwana osho wo iiputudhilo yoshimaliwa ya longelekumwe moshinima shika opo ku kandulwe po omukundu gokuhiila osho wo ekoko lyomalukanda giinyakwi.

Koch okwa ti wo Bank Windhoek okwa tula omikalo ndhoka ookastoma dhawo taa vulu okulanda opo ya vule okumona omikulu dhiikwamatungo. Okwa ti wo omikalo ndhika odhi na ko nasho nokugwanitha po oondjodhi dhaa yakulwa yawo ya likole iikwamatungo shoka sha vulikithwa keitulemo lyaaniilonga yawo osho omifango tadhi opalele omaakulo ga pumbiwa kaayakulwa yawo noonkalo dhaa yakulwa yawo.

Koch okwa li a totha mo oondolopa dhoka tadhi koko monooli yoshilongo ngaashi Oshakati, Ongwediv, Ondangwa, noondoolopa oonkwawo ngaashi Rundu noKatima Mulilo, odha vulikitha omalandithilo ngaka ga ende nawa.

Veronika Haikali, ngoka e li omukuluntu kehangano lyoohahende lyedhina Dr Weder, Kruger & Haikali, nokuli omukwatakanithi gombaanga naalandi okwa tsu omuthindo kelongelokumwe pokati kiiputudhilo yoshimaliwa osho wo aakwashilipaleki yoveta yelanditho lyiikamatungo ta indile pu kale ekwatathano ewanawa pokati kiikondo mbika iyali opo wu a dhike omalalakano giipudhilo ayihe.

Egandjo lyomapapa okwa li ta li lalakanene okusimaneka iilongapondoli yaalandithi yiikwamatungo osho wo omahangano monooli yoshilongo molwa ya longa sha simana mekoko lyomangeshefelo gomalanditho giikwamaliko ihaayi inyengithwa osho wo okoko mokuliko omagumbo sha talikila komumvo goshimaliwa gwa piti noshili shimwe shomalalakano gombaaka okukwashilipaleka enkondopaleko lyelongelokumwe moshikondo shongeshefa yomaliko ihaaga inyenge.

Mbooka ya pewa omapapa miikondo ya yooloka mbyoka ya longa nelanditho lyiikwamatungo yongushu yomikuli dhi li pokati koomiliona N$3 sigo oomiliona N$5 oyo: Nancy Eiman (Matungo Realtors), Helena Amunyela (FE Real Estate), Phortune Ekandjo (Greyrock Properties), Johanna Leonard (Parrot Peak Properties), Regina Hainane (Fotimo Real Estate), Albertina Abraham (Nicky Real Estate), naMenethe Nikodemus (Nikodemus Real Estates).

Monkatu ontiyali yongushu yi li pokati koomiliona N$5 sigo oomiliona N$7, ya pewa omapapa oyo Roswitha Hilundwa (Haingura Real Estates), Succesia Mareka (Success Real Estates), naSabina Murapo (SR Smart Properties).

Mondondo yopombanda yongushu yoomiliona N$7 okuuka pombanda, Ester Likuwa (Estern Properties) osho wo Simeon Iita (Hippo Real Estate) oya li ya tumbalekwa omolwa iilongapondoli yawo.

Georgina Tjingaete a za kehangano Jolly T Real Estate okwa li a pewa epapa lyoshisuluveli monkatu yo: Northern Region: Estate Agents ndjoka hayi simaneke oongeshefa dhokugandja omikuli dhoomiliona N$20 nenge shi vule po.

Monkatu yo: Northern Region: Tjingaete okwa li a pewa epapa lyoshingoli, omanga Likuwa naIita ya pewa omapapa goshikushu.

Koch okwa pandula ayehe ya pewa omapapa nomahangano agehe osho wo aanawino ayehe mboka ya longo nuudhiginini opo aayakulwa yawo yam one omaakulo taa pumbwa nokumona iizemo iiwanawa momikuli dhokulanda omagumbo moshitopolwa shika shokonooli.