Aanamagumbo yomOkongo onkene ta ya futile omagumbo kaa ye li mo

Konima yomumvo noomwedhi dhontumba sho aakalimo yomoshitopolwa shomagumbo gonomola 103 mondoolopa yaKongo ya nyenyeta kombinga yokufutila iihohela yomagumbo kaa ye na mo olukalwa, ooyene yomagumbo ogo tuu ngoka oya ti oye li ta ya futile wo omalukalwa gopokathimbo moka ye li ta ya hiile. Shino osha etithwa komagumbo ngoka kaa ge na iikwa niipangitho yi ihwa po. Oonakufutila omagumbo oya ti, oya tsikile okufuta molwaashi oya uvanekwa ethimbo nethimbo kutya omagumbo oge li po ku pwa. Omukundu nguka ogwa ningi oshinyanga shoompata dha kwatela mo ombaanga yotango yaNamibia (FNB), Elelo lyomukunda gwaKongo, osho wo ehangano lyokutunga lyedhina OLC Properties CC.Aakalimo oya zile noku ulika ominwe kwaamboka ye li moshikondo shomatokolo sho ya pitike omagumbo ga futilwe noku pewa ooyene manga omeya nolusheno osho wo iikwatelwa yomeya gonyata inaa yi ya mo. Moshiwike osho tuu shika, gumwe gwomwaamboka ya gumwa koshinima shika Nicolas Richard okwa ti oonyene oonakufuta ka ye uvite we ombili, shaashi onkene ya tegelele omagumbo gawo ga thike pondondo yokukaliwa. “Anuwa iilonga ina yi pwa natango. Ota ya ti oyi ipwakidhila nago, ashike omagumbo onkene natango kaa ge na aakalimo. Ka tu shi kutya osigo uunake. Aantu oota ya futile oohiila, yo ishewe ota ya nanwa oshimaliwa shomagumbo kaa ye na mo olukalwa. Richard okwa gwedha ko kutya yamwe mboka ye li kohi yomauwanawa unene tuu aalongisikola oya kanitha iimaliwa yokulongela komikunda, shoka tashi thiminike onkalamwenyo yi kale ya dhigupala unene nonando natango kaye na okukala mo momagumbo ngoka. “Oshili katu na we oohapu dhilwe dho ku popya,” osho a popi. Eidhidhimiko eshona ota li pumbiwa. Ihe, elelo lyomukunda nosho wo ombaanga yotango yaNamibia (FNB) oya tseyitha kutya o pena ehumokomeho, noshikumungu shika sha kwata olule ota shi ya pehulilo. Omukuluntuwiliki gwElelo lyOmukunda gwaKongo, Jackson Muma, okwa popi kutya elelo olya kwatathana naakalimo mboka ya gumwa koshikumungu shika e taye tula po omilandu nombaanga, omanga iilonga mbyoka ya hupa ko tayi manithwa. Otwa popya naakalimo, nayo oya holola kutya ombaanga oya tula po wo omilandu dhimwe omanga opoloyeka tayi manithwa,” osho Muma a popi. Okwa ti etulomo lyiikwa niipangitho ngaashi olusheno, omeya niikwatelwa yomeya gonyata oya tegelelwa yi pwe kehulilo lyomwedhi ngu tuli. Ye li popepiOmukuluntu gwomakwatathano gombanga yotango yaNamibia (FNB), Kirsty Watermeyer, okwa tsu kumwe netegameno lyelelo lyomukunda, tati kutya olopota ompe ya zi kehala lyiilonga yomatungo otayi ulike pu na ehumokomeho enene lela. “Okuza mOmaandaha otwa lopotelwa kutya ehumokomeho lyoshitopolwa olyi li nawa lela na ota li hokitha, niilongomwa yomayakulo oyindjii ngashingeyi oya tulwa mo,” Watermeyer osho a lombwele oNamibian Sun. Okwa ti konyala oopelesenda omi-95 dhiitungithi yomeya gonyata odha pwa, omishandja dhomeya odha tulwa mo, nomalusheno oge li poku manithwa. Paauyelele wa pewa aanambelewa yelelo lyomukunda kombaanga, iilonga oya dhikwa unene koofuto dha laata okuya komutungi okuza kuuministeli mboka ya kwatela mo, shoka sha imbi emanitho lyomayakulo goomunisefala. Watermeyer okwa yelitha wo kutya ombaanga oya tega iilonga mbyoka ya hupako yi manithwe, opo yi wape yi gandje oshitopolwa shehumokomeho kelelo lyomukunda, tashi ningwa pambelewa. “Oto dhimbulukwa kutya uupakadhi mbuka owa etithwa sho twa li twa pewa ombapila yezimino lyemanitho lyiilonga ndjoka ya popi kutya omayakulo oga pwa omanga inaaga pwa shili,” osho a gwedha po.

Aanamagumbo yomOkongo onkene ta ya futile omagumbo kaa ye li mo

Comments

Namibian Sun 2026-11-03

Please login to leave a comment

Aanamagumbo yomOkongo onkene ta ya futile omagumbo kaa ye li mo

Comments

Namibian Sun 2026-11-03

Please login to leave a comment

Subscription Required to Access Content ×

Login

Subscription Required to Access Content