Ye li ompinge noosekuriti tadhi humbatwa miihauto yokuhumbata iimaliwa

Ehangano lyoNational Security Guards Protection Union olya popi kutya omukalo gwomahangeno goosekuliti taga enditha aaniilonga muuloli wokuhumbata iimaliwa, otashi yi odje pmpango yomalweendo, ihe shoka osha tindwa komunambelewa omukuluntu mopolisi.

Pahapu dhamushanga gwehangano ndyoka, Mekupi Kandorozu, oya shangithwa onga ehangano ekalellipo lyaaniionga yoosekuriti, yiishangitha nuuministeli waaniilonga, ihe omahangan goosekuriti otage ya idhimbike. Kandorozu okwlombwele oNamibian Sun kutya omahangano goosekuritiotaga tula moshiponga oomwenyo dhaaniilonga uuna kwa holoka iiponga nenge omiyeka kwa homtia. “Aaniilongayaaliohaya humbata kekangwa lyoohauto dhokuhumbata iimaliwaa. Kape na omakende, na open a owala uumbululu uushona oshowo iiketha ya tungilwa mo mbyoka ya nuninwa egameno lyiimaliwa. Ipula nee onkalo moka hamu kala aaniilonga mboka gele otaya ende oshinano oshile,” Kandorozu a popi.

Okwa pppi kutya onkalo ndjoka kayi lipauntu na itayi simaneke uuntu womuntu. Kandorozu okwa lopota oshinima shoka kukomanda gwopolisi yaShana, Rauha Amwele. Mombaapila ndjoka ya shangwa momasiku 31 gaMei, Amwele okwa tseyithile Kandorozu kutya okwa ningila omakonaakono iiyenditho yomahangano gamwe po ngoka ga tothwamo na ina mona sha ngaashi ngoka tashi nyenyetwa kehangano lyawo. “Ompango yomoondjila yoRoad Traffic and Transport Act 22/1999, Regulation 266 (a) (b) ngaahi ya talululwa oya pitika aantu ya humbatwe miihauto yokuhumbata iinima mbyoka inayi humbata iinima ya pitilila pookilograma 3 500 shampa owala aantu mboka kaye vulithe paafaalelwa yahamano,” Amwele a popi. Kandorozu okwa ppi kutya ina nyanyudhwa keyamukulolyaAmwele na ita hulile mpoka. “Oomwenyo dhaantu odhi li moshiponga. Onda hala omahangano ngoka ga hulithe po omukalo ngoka. Ehngano lyetu olya shangela omahangano ogendji goosekuriti oombapila, ihe inali mona omayamukulo.”

ILENI NANDJATO