Ya Toivo ota pewa efumbiko lyopapangelo
Omukondjelimanguluko Herman Andimba Toivo Ya Toivo ota fumbiwa papangelo mOmawendo gOmapendafule.
Shoka osha steyithwa kOmupresidende Hage Geingob ongulohi yOsoondaha.
Pethimbo a popitha aalilisa moshigumbo shaYa Toivo mo Klein Windhoek, Geingob okwa popi kutya omalongekidho ga gwedhwapo otaga ka tseyithwa uuna kwa ningwa oonkundathana nofamili.
Ya Toivo okwa hulitha mepupi lyoomvula 92 omutenya gwEtitano lya piti.
Nakusa okwa li ependufule lyaNamibia nomunapolotika omunene ngoka a kutha ombinga miikumungu yekondjelomanguluko lyoshilongo oshowo miikwapolotika konima sho oshilongo sha manguluka na okwa li woo onkwatwa yiita.
Ya Toivo okuli gumwe gwomaatotipo yOngundu yoSouth West African People's Organisation (Swapo) mo- 1960, ndjoka ya pingenepo ongundu yOvamboland People's Organisation (OPO) ndjoka ya totwa mo- 1959.
Aaleli nale yoshilongo, Sam Nujoma, Hifikepunye Pohamba pamwe nomukulukadhi gwe Penehupifo Pohamba, Omuprima Saara Kugongelwa-Amadhila oshowo omunyekadhi gwaNamibia Monica Geingos oya li mengathithi lyaalilisa mboka ya gongala pegumbo lyaYa Toivo okugandja esimaneko lyawo.
Ya Toivo okwa thigako omuselekadhi gwe, Vicki, oshowo oyana yaali aakadhona aakwanambwiyu Mutaleni naNashikoto.
Omupopiliko gwofamili Helmut Angula okwa popi kutya yamwe po yomaakwanezimo yaYa Toivo oya hala omudhimba gwe gu falwe kOndangwa moshitopolwa shaShana opo aantu yalwe mboka yeli monooli yoshilongo ya vule okugandja esimaneko lyawo lya hugunina.
“Nakusa Ya Toivo okwa li omuleli ngoka ahokiwa koyendji mOndangwa, mongundu yoSwapo nomongeshefa,” Angula ta ti.
NAMPA
Shoka osha steyithwa kOmupresidende Hage Geingob ongulohi yOsoondaha.
Pethimbo a popitha aalilisa moshigumbo shaYa Toivo mo Klein Windhoek, Geingob okwa popi kutya omalongekidho ga gwedhwapo otaga ka tseyithwa uuna kwa ningwa oonkundathana nofamili.
Ya Toivo okwa hulitha mepupi lyoomvula 92 omutenya gwEtitano lya piti.
Nakusa okwa li ependufule lyaNamibia nomunapolotika omunene ngoka a kutha ombinga miikumungu yekondjelomanguluko lyoshilongo oshowo miikwapolotika konima sho oshilongo sha manguluka na okwa li woo onkwatwa yiita.
Ya Toivo okuli gumwe gwomaatotipo yOngundu yoSouth West African People's Organisation (Swapo) mo- 1960, ndjoka ya pingenepo ongundu yOvamboland People's Organisation (OPO) ndjoka ya totwa mo- 1959.
Aaleli nale yoshilongo, Sam Nujoma, Hifikepunye Pohamba pamwe nomukulukadhi gwe Penehupifo Pohamba, Omuprima Saara Kugongelwa-Amadhila oshowo omunyekadhi gwaNamibia Monica Geingos oya li mengathithi lyaalilisa mboka ya gongala pegumbo lyaYa Toivo okugandja esimaneko lyawo.
Ya Toivo okwa thigako omuselekadhi gwe, Vicki, oshowo oyana yaali aakadhona aakwanambwiyu Mutaleni naNashikoto.
Omupopiliko gwofamili Helmut Angula okwa popi kutya yamwe po yomaakwanezimo yaYa Toivo oya hala omudhimba gwe gu falwe kOndangwa moshitopolwa shaShana opo aantu yalwe mboka yeli monooli yoshilongo ya vule okugandja esimaneko lyawo lya hugunina.
“Nakusa Ya Toivo okwa li omuleli ngoka ahokiwa koyendji mOndangwa, mongundu yoSwapo nomongeshefa,” Angula ta ti.
NAMPA
Comments
Namibian Sun
No comments have been left on this article