Ya thika pe 100 taya ka tulululwa mOndangwa

Elelo lyondoolopa yaNdangwa otali pangele okutululula aakwashigwana ye li 100 okuza molukanda Uutala nokuya pa ooplota mOnatsi .Omunambelewa Omukuluntu gwelelo lyondoolopa ndjoka, Ismael Namgongo okwa popi kutya shoka otashi ningwa opo ku gandjwe ompito yeyambulepo lyUutala, mpoka ngashiingeyi hapu zi aakwashigwana mboka.Etulululo lyaakwashigwana mboka otali ningwa muule woomwedhi mbali twa taalela.Namgongo okwa popi kutya aakwashigwana mboka oye li poshitopolwa shimwe po shoExtension 7, shoka tashi adhika konima yoombelewa dhaNored.Okwa popi kutya ehala ndyoka olya kala lya nuninwa oongeshefa na olya tendwa ko nokuthanekwa nale oomvula dha piti. Ehala olya kala inali longwa sho elelo lya kala manga tali kongo iiyemo yokulongitha ehala ndyoka.Okwa tsikile kutya ehala hoka taku falwa aakwashigwana otali ka kala li na omeya nolusheno, naamboka yahala okutunga omatungo gawo taga kalelele otaya ka pitikwa okushininga, shampa owala taku landulwa omilandu dhamuni.Omunambelewa ngoka okwa popi kutya mboka ya yi pehala mpoka oya ningwa nayo oonkundathana nokutseyithilwa kutya ehala ndyoka olya nuninwa oongeshefa na oya pumbwa okuza po.Konima yomakonaaakono ngoka ya ningi oya koneke kutya oyendji mboka yeli pehala ndyoka aakwashiwana mboka haya mono iiyemo yi li pevi. Pethimbo lyoonkundathaa ndhoka ya ningwa nandho, aakwashigwana oya indile elelo lyondoolopa opo kali ya tidhepo pehala ndyoka ihe ye ya tululule pehala limwe.Namgongo okwa popi kutya otaku ka ningwa omutumba momasiku 16 Februali mUutala, naakwashigwana mboka otaya ka tseyithilwa shoka tashi longekidhwa okuningwa ngashiingeyi.“Elalakano lyomutumba ngoka opo elelo lyondoolopa li gandje oombaapila dhomatulululo kaakwashigwana nokuya lombwela opo ya longele kumwe pethimbo lyomatulululo. Otatu ka yelitha woo oompango nomalandulathano ngoka ge na okulandulwa uuna aakwashigwana mboka ya pewa omeya nolusheno.”Namgongo okwa popi kutya elelo lyondoolopa olya mono oshitopolwa shevi oshiwanawa mOnatsi, konima yoGwashamba Mall, na otashi wapalele okutululula aakwashigwana mboka ye li mUutala.ILENI NANDJATO

Ya thika pe 100 taya ka tulululwa mOndangwa

Comments

Namibian Sun 2026-02-12

Please login to leave a comment

Ya thika pe 100 taya ka tulululwa mOndangwa

Comments

Namibian Sun 2026-02-12

Please login to leave a comment

Subscription Required to Access Content ×

Login

Subscription Required to Access Content