Ya ningi aanelago koshimpungu shomagumbo
Aakiintu yatatu ya za momukunda Rupara moshitopolwa shaKavango West, mboka taya mono omagumbo okupitila mopoloyeka yoShack Dwellers Federation of Namibia (SDFN), oya popi kutya ineyi shi lala ondjodhi ngele otaya ka vula okumona omagumbo moka taya vulu okutekulila aanona yawo.
Hertha Kambinda, Fatima Isuamo oshowo Natalia Kandimba oye Ii oshitopolwa shiilyo o 32 yoSDFN, mbyoka monakuyiwa tayi ka mona omagumbo okupitila mopoloyeka ndjoka. Opoloyeka ndjoka oyi li kohi yoshiyetwapo shoStandard Bank Buy-a-Brick na otashi yambidhwa kehangano lyoMTC.
Sho ya ningwa nayo oonkundathana koNamibian Sun konima yetulo miilonga lyopoloyeka mEtitano lyoshiwike sha piti, mboka oya holola enyanyu lyawo molwaashoka oya kala yiidhidhimika uule wethimbo ele.
Kambinda ngoka e na okanona kamwe na ohazi moohe, okwa popi kutya okwa hala okukala nehala lye mwene oshowo egumbo lyemwene.Okwa hokolola kutya okwa wayimine ehangano ndyoka momvula yo 2010.
Okwa popi kutya okwa nyanyukwa sho iilonga yetungo lyomagumbo gawo ya tameke, ta hokolola kutya kasha li oshipu sho ya tameke okupungula iimaliwa yawo momvula yo 2010 na oya mwena po manga ihe oya kala nomukumo, sigo osho kwa ningwa etseyitho na oya tameke ishewe taya pungula.
Isuamo, ngoka e na aanona yaheyali okwa holola olupandu lwe, ta popi kutya ota pandula aluhe Shack Dwellers Federation.
Okwa popi kutya omathimbo gamwe aakwashigwana oye ya yolo kutya otaya manapo ethimbo lyawo sho taya pungula iimaliwa yawo noSDFN.
“Onda nyanyukwa noonkondo kutya otandi ka mona egumbo. Opwa li pe na mboka taya popi kutya otatu pungulile owala ihe nena otwe ya pa uumbangi kutya oya li ya puka. Ngashiingeyi otandi pula opo ya wayimine nokuninga iilyo,” Isuamo a popi.
Natalia, ngoka e na aanona yane oha zi pamwe nuunona we moshipeleki, na okwa popi kutya osha kala oshidhigu unene pethimbo kwa pupyala nuusiku.
Minista Peya Mushelenga, ngoka a kala poshituthi shoka okwa popi kutya opoloyeka ndjoka otayi etitha po uuntu waantu.
“Kaantu yamwe omagumbo ngoka kage shi sha ihe kaantu mboka ya kala kaye na omahala gokuza, omagumbo ngoka otaga ti oshindji kuyo.”
Omukomeho gwoshikondo shomalandito nomakwatathano mombaanga yoStandard Bank, Magreth Mengo momukanda ngoka gwa lesha pehala lye okwa popi kutya omagumbo ga thika po 200, oga manithwa okutungwa okupitila mopoloyeka ndjoka, nondjodhi yawo andola okutunga omagumbo geli po 1 000, okuya momvula yo 2021.
Omupopiliko gwehangano lyaMTC, John Ekongo okwa popi kutya ompumbwe yomagumbo golela, oshimwe tashi tsikile okukala uupyakadhi moNamibia, naashoka osho sha ya thiminike opo muJuni gwomvula yo 2018 ya kuthe ombinga mopoloyeka ndjoka nokugandja omagano goshimaliwa sha thika po N$800 000, sha landulwa koomiliyona 10 dhoka ya gandjwa muDecemba gwomvula ya piti.
KENYA KAMBOWE
Sho ya ningwa nayo oonkundathana koNamibian Sun konima yetulo miilonga lyopoloyeka mEtitano lyoshiwike sha piti, mboka oya holola enyanyu lyawo molwaashoka oya kala yiidhidhimika uule wethimbo ele.
Kambinda ngoka e na okanona kamwe na ohazi moohe, okwa popi kutya okwa hala okukala nehala lye mwene oshowo egumbo lyemwene.Okwa hokolola kutya okwa wayimine ehangano ndyoka momvula yo 2010.
Okwa popi kutya okwa nyanyukwa sho iilonga yetungo lyomagumbo gawo ya tameke, ta hokolola kutya kasha li oshipu sho ya tameke okupungula iimaliwa yawo momvula yo 2010 na oya mwena po manga ihe oya kala nomukumo, sigo osho kwa ningwa etseyitho na oya tameke ishewe taya pungula.
Isuamo, ngoka e na aanona yaheyali okwa holola olupandu lwe, ta popi kutya ota pandula aluhe Shack Dwellers Federation.
Okwa popi kutya omathimbo gamwe aakwashigwana oye ya yolo kutya otaya manapo ethimbo lyawo sho taya pungula iimaliwa yawo noSDFN.
“Onda nyanyukwa noonkondo kutya otandi ka mona egumbo. Opwa li pe na mboka taya popi kutya otatu pungulile owala ihe nena otwe ya pa uumbangi kutya oya li ya puka. Ngashiingeyi otandi pula opo ya wayimine nokuninga iilyo,” Isuamo a popi.
Natalia, ngoka e na aanona yane oha zi pamwe nuunona we moshipeleki, na okwa popi kutya osha kala oshidhigu unene pethimbo kwa pupyala nuusiku.
Minista Peya Mushelenga, ngoka a kala poshituthi shoka okwa popi kutya opoloyeka ndjoka otayi etitha po uuntu waantu.
“Kaantu yamwe omagumbo ngoka kage shi sha ihe kaantu mboka ya kala kaye na omahala gokuza, omagumbo ngoka otaga ti oshindji kuyo.”
Omukomeho gwoshikondo shomalandito nomakwatathano mombaanga yoStandard Bank, Magreth Mengo momukanda ngoka gwa lesha pehala lye okwa popi kutya omagumbo ga thika po 200, oga manithwa okutungwa okupitila mopoloyeka ndjoka, nondjodhi yawo andola okutunga omagumbo geli po 1 000, okuya momvula yo 2021.
Omupopiliko gwehangano lyaMTC, John Ekongo okwa popi kutya ompumbwe yomagumbo golela, oshimwe tashi tsikile okukala uupyakadhi moNamibia, naashoka osho sha ya thiminike opo muJuni gwomvula yo 2018 ya kuthe ombinga mopoloyeka ndjoka nokugandja omagano goshimaliwa sha thika po N$800 000, sha landulwa koomiliyona 10 dhoka ya gandjwa muDecemba gwomvula ya piti.
KENYA KAMBOWE
Comments
Namibian Sun
No comments have been left on this article