Ya Nangoloh natango a tegelela uukwashilyo we woSwapo
Omuleli gwehangano lyuuthemba womuntu moNamibia, ngoka omathimbo ga piti a holola a ningi eindilo opo a mone uukwashilyo wongundu tayi pangele moNamibia, natango onkene a tegelela eyamukulo lye okuza kongundu.
KENYA KAMBOWE
RUNDU
Amushanga gwongundu yoSwapo oshiwike sha piti kali a hala okuningilwa omapulo kombinga yeindilo lyuukwashilyo wongundu ndyoka lya ningwa komukomeho gwoNamrights, Phil Ya Nangoloh.
“Ombili kuume, kape na oonkundathana,” Shaningwa ngoka a holola e wete ta ningilwa nayi, a popi ngaaka.
Ya Nangoloh okwa li a lombwelwa kutya otaka pewa owala uukwashilyo mboka uuna a gandja ombili kongundu, omukokoli presidende Sam Nujoma oshowo aaleli yamwe yoSwapo.
Ya Nangoloh, ngoka lwanima a ka kala ta yambidhidha Hage Geingob okwa popi kutya okwa landula omilandu dhoka dha tulwa po kongundu mwakwatelwa okugandja ombili kuNujoma.
“Otandi dhilaadhila kutya popyeni na amushanga gwongundu. Onda gwanithapo iipumbiwa ayihe, ngashiingeyi olufo lwe,” Ya Nangoloh a popi.
Sho a pulwa ngele okwa ningila amushanga omapulo kombinga yeindilo lyuukwashilyo mboka, okwa popi kutya shoka ine shi ninga molwaashoka okwa fa ta lombwele amushanga nkene e na okulonga iilonga ye.
“Kandi wete pe na sha shilwe, otandi dhilaadhila kutya amushanga okwa kala iipyakidhila owala. Otandi dhilaadhila kutya otaka shaina okakalata kandje mbala, ihe ngele ye ineshi ninga ope na aakomeho yamwe mongundu mboka ye mu vule taya vulu oku ka shaina.
Okwa popi kutya oku na eyambidhidho enene opo a mone okakalata kuukwashilyo mboka.
Okwa tsikile kutya okwa li a lili sho a mono eyambidhidho ndyoka okuza kookomrade yakwawo.
Ya Nangoloh okwa popi kutya okukala e na uukwashilyo kashi shi elalakano lye ihe okwa hala okuhupitha ongundu ndjoka tayi tekapo meni. Okwa tsikile kutya ota kala ta hwahwameke uuwanawa wongundu nonando ke na okakalata ngaashi a kala teshi ningi pethimbo lyekondjelomanguluko.
Ya Nangoloh okwa popi kutya kombinga yomaiyuvo ge kiimbuluma yuuthemba waantu ya longwa kuSwapo oshowo kepangelo lyokatongotongo pethimbo lyekondjelomanguluko itaga lunduluka.
Okwa popi kutya iiningwanima ngaashi AaNamibia mboka ya monithwa iihuna na yamwe oya kana moLubango, iinima mbyoka ya pumbwa okukonaaakonwa, naashoka osho sha etitha Namrights a ye kOmpangu yOmiyonena yUuyuni.
[email protected]
RUNDU
Amushanga gwongundu yoSwapo oshiwike sha piti kali a hala okuningilwa omapulo kombinga yeindilo lyuukwashilyo wongundu ndyoka lya ningwa komukomeho gwoNamrights, Phil Ya Nangoloh.
“Ombili kuume, kape na oonkundathana,” Shaningwa ngoka a holola e wete ta ningilwa nayi, a popi ngaaka.
Ya Nangoloh okwa li a lombwelwa kutya otaka pewa owala uukwashilyo mboka uuna a gandja ombili kongundu, omukokoli presidende Sam Nujoma oshowo aaleli yamwe yoSwapo.
Ya Nangoloh, ngoka lwanima a ka kala ta yambidhidha Hage Geingob okwa popi kutya okwa landula omilandu dhoka dha tulwa po kongundu mwakwatelwa okugandja ombili kuNujoma.
“Otandi dhilaadhila kutya popyeni na amushanga gwongundu. Onda gwanithapo iipumbiwa ayihe, ngashiingeyi olufo lwe,” Ya Nangoloh a popi.
Sho a pulwa ngele okwa ningila amushanga omapulo kombinga yeindilo lyuukwashilyo mboka, okwa popi kutya shoka ine shi ninga molwaashoka okwa fa ta lombwele amushanga nkene e na okulonga iilonga ye.
“Kandi wete pe na sha shilwe, otandi dhilaadhila kutya amushanga okwa kala iipyakidhila owala. Otandi dhilaadhila kutya otaka shaina okakalata kandje mbala, ihe ngele ye ineshi ninga ope na aakomeho yamwe mongundu mboka ye mu vule taya vulu oku ka shaina.
Okwa popi kutya oku na eyambidhidho enene opo a mone okakalata kuukwashilyo mboka.
Okwa tsikile kutya okwa li a lili sho a mono eyambidhidho ndyoka okuza kookomrade yakwawo.
Ya Nangoloh okwa popi kutya okukala e na uukwashilyo kashi shi elalakano lye ihe okwa hala okuhupitha ongundu ndjoka tayi tekapo meni. Okwa tsikile kutya ota kala ta hwahwameke uuwanawa wongundu nonando ke na okakalata ngaashi a kala teshi ningi pethimbo lyekondjelomanguluko.
Ya Nangoloh okwa popi kutya kombinga yomaiyuvo ge kiimbuluma yuuthemba waantu ya longwa kuSwapo oshowo kepangelo lyokatongotongo pethimbo lyekondjelomanguluko itaga lunduluka.
Okwa popi kutya iiningwanima ngaashi AaNamibia mboka ya monithwa iihuna na yamwe oya kana moLubango, iinima mbyoka ya pumbwa okukonaaakonwa, naashoka osho sha etitha Namrights a ye kOmpangu yOmiyonena yUuyuni.
[email protected]
Comments
Namibian Sun
No comments have been left on this article