Ya Nangoloh: Inandi kanitha oshipotha
CATHERINE SASMAN
Phil ya Nangoloh onkene ta kondjo opo a mone uukwatya waakondjelimanguluko na okwa ningi eindilo mOmpangu yoPombanda opo a kondjithe etokolo ndyoka lya ningwa kolutu lwoVeterans’ Appeal Board.
Omupanguli mOmpangu yoPombanda, Harald Geier okwa kutha mo oshipotha shoka momusholondondo gwiipotha mompangu ndjoka netopelo kutya osha thikama owala itashi pula komeho.
Meindilo lye ndokka a ningi ishewe momasiku 28 gomwedhi nguka, Ya Nangoloh okwa pula ompangu yi shangulule natango oshipotha she shoka, ko taku gandjwa esiku epe opo oshipotha shoka shi vule okupulakenwa mompangu.
Ya Nangoloh okwa popi kutya ina vula okuholoka mompangu momasiku 23 gaJanurai molwaashoka ina pewa paumwene etseyitho momasiku 17 gaJanuari kutya oshipotha she otashi ka pulakenwa momasiku 23.
Omanga a popi kutya ina pewa etseyitho okwa popi woo kutya etseyitho lyokuholoka mompangu olya gandjwa muule wethimbo efupi noonkondo na kasha li pauyuuki.
Okwa tsikile kutya ina tseyithilwa ngele oshipotha she osha pewa omupanguli, onkene okwa kala owala a tegelela andola a pewe elombwelo, ta popi kutya okwa tseya owala kombinga yesiku ndyoka, sho a dhengelwa ongodhi komutoolinkundana ngoka e mu pula kombinga yoshipotha shoka momasiku 23 gaJanuari.
Okwa popi kutya konima sho uuvu ngaaka kutya oshipotha she osha li shi na okupulakenwa potundi onti 08:00 mesiku ndyoka okwa endelele na okwa yi kombelewa yeshangitho lyiipotha lwopotundi onti 10:30, na okwa tulwa mekwatathano lyopangodhi namushanga gwomupanguli Geier ngoka e mu tseyithile kutya oshipotha shoka osha kuthwa mo momusholondondo.
Ya Nangoloh okwa pula ompangu opo yi mu pe epitiko ye a vule okupataneka etokolo ndyoka lya ningwa koVeterans’ Appeal Board, opo eindilo lye lyuukwatya waakondjelimanguluko ka li ziminwe
Olutu ndoka olwa popi kutya Ya Nangoloh okwa thigi po ekondjelomanguluko sho a thigi po Swapo momvula yo 1980.
Ya Nangoloh, okwa popi kutya Swapo ina pumbwa okutulwa koshiyelekitho shimwe nekondjelomanguluko ta popi kutya etokolo ndyoka olya hwahwameka kopolotika.
Phil ya Nangoloh onkene ta kondjo opo a mone uukwatya waakondjelimanguluko na okwa ningi eindilo mOmpangu yoPombanda opo a kondjithe etokolo ndyoka lya ningwa kolutu lwoVeterans’ Appeal Board.
Omupanguli mOmpangu yoPombanda, Harald Geier okwa kutha mo oshipotha shoka momusholondondo gwiipotha mompangu ndjoka netopelo kutya osha thikama owala itashi pula komeho.
Meindilo lye ndokka a ningi ishewe momasiku 28 gomwedhi nguka, Ya Nangoloh okwa pula ompangu yi shangulule natango oshipotha she shoka, ko taku gandjwa esiku epe opo oshipotha shoka shi vule okupulakenwa mompangu.
Ya Nangoloh okwa popi kutya ina vula okuholoka mompangu momasiku 23 gaJanurai molwaashoka ina pewa paumwene etseyitho momasiku 17 gaJanuari kutya oshipotha she otashi ka pulakenwa momasiku 23.
Omanga a popi kutya ina pewa etseyitho okwa popi woo kutya etseyitho lyokuholoka mompangu olya gandjwa muule wethimbo efupi noonkondo na kasha li pauyuuki.
Okwa tsikile kutya ina tseyithilwa ngele oshipotha she osha pewa omupanguli, onkene okwa kala owala a tegelela andola a pewe elombwelo, ta popi kutya okwa tseya owala kombinga yesiku ndyoka, sho a dhengelwa ongodhi komutoolinkundana ngoka e mu pula kombinga yoshipotha shoka momasiku 23 gaJanuari.
Okwa popi kutya konima sho uuvu ngaaka kutya oshipotha she osha li shi na okupulakenwa potundi onti 08:00 mesiku ndyoka okwa endelele na okwa yi kombelewa yeshangitho lyiipotha lwopotundi onti 10:30, na okwa tulwa mekwatathano lyopangodhi namushanga gwomupanguli Geier ngoka e mu tseyithile kutya oshipotha shoka osha kuthwa mo momusholondondo.
Ya Nangoloh okwa pula ompangu opo yi mu pe epitiko ye a vule okupataneka etokolo ndyoka lya ningwa koVeterans’ Appeal Board, opo eindilo lye lyuukwatya waakondjelimanguluko ka li ziminwe
Olutu ndoka olwa popi kutya Ya Nangoloh okwa thigi po ekondjelomanguluko sho a thigi po Swapo momvula yo 1980.
Ya Nangoloh, okwa popi kutya Swapo ina pumbwa okutulwa koshiyelekitho shimwe nekondjelomanguluko ta popi kutya etokolo ndyoka olya hwahwameka kopolotika.
Comments
Namibian Sun
No comments have been left on this article