Ya holoka mompangu omolwa edhengo nomamanya lyomunamimvo 43
Aalumentu yatatu oya holola mompangu omolwa eso lyomunamimvo 43 ngoka a dhengwa nomamanya mOtjiwarongo oshiwike sha piti.
Tobias Fillemon Nghikongelwa okwa ponokelwa kaalumentu yatano molukanda lwaDRC lwopotundi 01:00 mEtiyali lyoshiwike sha piti.
Oonakuholoka mompangu oya tumbulwa kutya omunamimvo 26, Munengenga Johannes Kamati ngoka a holoka mompangulilo yaMangestrata gwaTjiwarongo mEtitano omanga Abiatar Fillemon Hango, 25, nomunamimvo 26 Simon Shitilifa mOmaandaha.
Oshipotha shoka osha kwatelwa komeho kuMangestrata, Ivette Fredricks.
Fredricks okwa yelithile mboka uuthemba wawo wokukonga aakalelipo yopaveta yopaumwene nenge ya ninge eindilo lyaakalelipo yopaveta okuza koshikondo shOmayakulo gIikwaveta mUuministeli wUuyuki.
Ayehe yatatu oya tokola okuninga eindilo lyaakalelipo okuza kuuministeli.
Oshipotha shoka osha undulilwa komasiku ga 7 gaSepetemba opo mboka ya vule okuninga omaindilo gaakalelipo yawo.
Coleen Yisa otaka lelepo epangelo moshipotha shoka. Komufala Heinrich Tjiveze ngoka e li komanda yOpolisi ya Otjozondjupa okwa popi kutya aakwanezimo yaNghikongelwa oya tseyithilwa eso lye.
Tjiveze okwa popi kutya omudhimba gwaNghikongelwa ogwa adhika gwa zinda na ogu na iilalo sho gwa adhika gwaana oonguwo na osha etitha omafekelo gedhengo.
Aantu mboka haya zi popepi naampoka pwa ningilwa oshiningwanima shoka oya popi kutya oya mono aalumentu taya ponokela Nghikongelwa nomamanya niiti, oshowo omakende goombiila sigo a lala a mwena ita inyenge.
Omakonaakono gopolisi otaga tsikile.
NAMPA
Tobias Fillemon Nghikongelwa okwa ponokelwa kaalumentu yatano molukanda lwaDRC lwopotundi 01:00 mEtiyali lyoshiwike sha piti.
Oonakuholoka mompangu oya tumbulwa kutya omunamimvo 26, Munengenga Johannes Kamati ngoka a holoka mompangulilo yaMangestrata gwaTjiwarongo mEtitano omanga Abiatar Fillemon Hango, 25, nomunamimvo 26 Simon Shitilifa mOmaandaha.
Oshipotha shoka osha kwatelwa komeho kuMangestrata, Ivette Fredricks.
Fredricks okwa yelithile mboka uuthemba wawo wokukonga aakalelipo yopaveta yopaumwene nenge ya ninge eindilo lyaakalelipo yopaveta okuza koshikondo shOmayakulo gIikwaveta mUuministeli wUuyuki.
Ayehe yatatu oya tokola okuninga eindilo lyaakalelipo okuza kuuministeli.
Oshipotha shoka osha undulilwa komasiku ga 7 gaSepetemba opo mboka ya vule okuninga omaindilo gaakalelipo yawo.
Coleen Yisa otaka lelepo epangelo moshipotha shoka. Komufala Heinrich Tjiveze ngoka e li komanda yOpolisi ya Otjozondjupa okwa popi kutya aakwanezimo yaNghikongelwa oya tseyithilwa eso lye.
Tjiveze okwa popi kutya omudhimba gwaNghikongelwa ogwa adhika gwa zinda na ogu na iilalo sho gwa adhika gwaana oonguwo na osha etitha omafekelo gedhengo.
Aantu mboka haya zi popepi naampoka pwa ningilwa oshiningwanima shoka oya popi kutya oya mono aalumentu taya ponokela Nghikongelwa nomamanya niiti, oshowo omakende goombiila sigo a lala a mwena ita inyenge.
Omakonaakono gopolisi otaga tsikile.
NAMPA
Comments
Namibian Sun
No comments have been left on this article