Ya hala ondando dhotaxi dhi gwedhelwe

Omukomeho gwehangano ndyoka, Werner January okwa popi kutya ehangano lyawo olya hala oondando dhootaxi noombesa dhiinano iile dhi gwedhwelwe noopreseda 10, omolwa omahooli ngoka ga londo pombanda.Konima owala yoomwedhi mbali sho ondando yotaxi ya londo pombanda noopresenda 20, ehangano lyoNamibia Transport and Taxi Union (NTTU) natango otali pula omagwedhelo noopresenda 10 okuya momasiku gatatu gaDesemba.Okutameka omwedhi Aguste ondando yomahooli oya kala nokulonda pombanda kehe omwedhi. Momwedhi Aguste, omahooli gopetrol naangoka godiesel oga londo pombanda noocenda 25, nomwedhi gwa landula oga londo noocenda 40. MuKotomba omahooli noocenda 50.Oshiwike sha piti omahooli gopetrol oga londo pombanda noocenda 50 omanga odiesel ya londo pombanda noocenda 70.January okwa popi kutya omagwedhelo goondando otaga ka kwathela okuthitika omwaka mokati kaahingi yootaxi, omolwa oondando dhiipumbiwa ya kehe esiku ndhoka tadhi londo woo pombanda. Konima sho ya kala nokukondjitha opo ondando yomahooli yi gwedhelwe noopresenda dhi li po 50 kuyele nuumvo, ehangano ndyoka olya dhengwa pomutima sho muAguste kwa ningwa omagwedhelo goopresenda 20. Economic Association of Namibia (EAN) oya popi momwedhi Novemba kutya iinima ya yooloka otayi dhana onkandangala megwedhelo lyomahooli. Ehangano ndyoka olya popi kutya ondando yomaholi mOvenduka oyi li pombanda shoo petrol ya li ya kala pombanda noopresenda 19.6, odiesel oyi li pombanda noopresenda 23.5 kuyele nuumvo omanga okuya momwedhi Novemba gwo 2017, oondando dha yi pombanda sigo opoopresenda 24.7%oshowo 28.9.Oondando otadhi tsikile nokuya pombanda okutameka muMei gwonuumvo noondando dhomahooli dhi li pombanda oshowo iimaliwa yaNamibia mbyoka ongushu tayi shongola oyo yimwe yomiinima tayi tulitha pombanda oondando.Oondando dhiilandomwa mwa kwatelwa omahooli odha londo pombanda noopresenda 7.4 muJanuari nomomwedhi Sepetemba nuumvo odha londa sigo oopoopresneda 13.3.Okuyeleka nomwedhi Sepetemba gwomvula yo 2017 oondando odha li dha londo sigo oopresenda 5.0.JANA-MARI SMITH

Ya hala ondando dhotaxi dhi gwedhelwe

Comments

Namibian Sun 2025-07-01

Please login to leave a comment

Ya hala ondando dhotaxi dhi gwedhelwe

Comments

Namibian Sun 2025-07-01

Please login to leave a comment

Login