Ya hala okushunwa miilonga
Aaniilonga yomomeya ya thika o-300 oya ningi ehololomadhilaadhilo lyopambili mOmbaye pehulilo lyoshiwike sha piti taya pula opo ya shunwe miilonga yawo moka ya li ya tidhwa.
Aaniilonga mboka oya tidhwa miilonga sha landula ekanka ndyoka ya li ya ningi kali li paveta na oya ningi omunyanyo sigo opoombelewa dhUuministeli wAaniilonga nokugandja omukandanyenyeto gwawo taya pula omayamukulo okuza kOminista Erkki Nghimtina.
Gertrude Usiku, omunambelewa muuministeli mboka okwa taambako omukanda ngoka nokugutumina kombelewa yaminista. Momukandanyenyeto ngoka aaniilongam boka otaya pula opo ya shunwe iilonga yo ya futwe iifuta yawo yomalutayima yiihwapo ngoka ya longo okuza mo-2008.
“Otwa pandula omolwa omalundululo ngoka ga ningwa montopolwa 17 no 10 mOmpango yAaniilonga muKotomba gwo-2016. Omalunduluko ngoka oga holola kutya aaniilonga inaya pitikwa okulonga oowili dhi vulithe pomugoyi mesiku oshowo oowili dhi vulithe puntan onga olutayima mesiku. Aaniilonga otaya pumbiwa ya futwe iifuta ya gwedhwa po uuna ya longo pokati kowili yoo-20:00 sigo 07:00. Otwa hala okuuva kutya omalunduluko ngoka oga tulwa miilonga uunake,” Mathew Lungameni, oshilyo shokomitiye ya totwa po opo yi kalele po aaniilonga a popi.
Usiku okwa popi kutya ombelewa ye oya ninga kehe shoka tayi vulu opo yi gandje omakwatho kaaniilonga mboka na kayi na we shoka tayi vulu okuninga.
Okwa ulike okopi yombaapila yetidho miilonga lyaaniilonga mboka moshikumungu shoka shi li pokati kehangano lyoMetal, Mining, Maritime and Construction Union (MMMC) noNamcrab Fishing ndjoka ya shangwa momasiku 19 Juli mo-2016, sha landula ekanka ndyoka lya ningwa momwedhi Kotomba mo-2015.
Okwa popi kutya oshipotha shoka sha tulwa mo kaaniilonga mboka yomomeya, osha li sha kuthwa mo molwaashoka ehangano ndyoka li ya lilepo olya gandja omikanda itadhi tsu kumwe nompango onti-5 yontopolwa 129 mOmpango yAaniilonga.
“Nakutulamo oshipotha (ehangano lyaaniilonga) okwa zimine kutya okwa ndopa okugwanitha po iipumbiwa mbyoka ngaashi tayi uthwa kopango 14 mOmpango ndjoka yAaniilonga. Shoka osha etitha opo oshipotha shoka shi kuthwemo.”
Okwa popi kutya aaniilonga mboka oya li ya pewa ompito ontiyali opo ya fale oshipotha shawo komupeha omukomeho gwoshikondo shoka, Phillip Mwandingi mo- 2016 ihe naye okwa tindi oshipotha shoka omolwa omatompelo ga faathana.
OTIS FINCK
Gertrude Usiku, omunambelewa muuministeli mboka okwa taambako omukanda ngoka nokugutumina kombelewa yaminista. Momukandanyenyeto ngoka aaniilongam boka otaya pula opo ya shunwe iilonga yo ya futwe iifuta yawo yomalutayima yiihwapo ngoka ya longo okuza mo-2008.
“Otwa pandula omolwa omalundululo ngoka ga ningwa montopolwa 17 no 10 mOmpango yAaniilonga muKotomba gwo-2016. Omalunduluko ngoka oga holola kutya aaniilonga inaya pitikwa okulonga oowili dhi vulithe pomugoyi mesiku oshowo oowili dhi vulithe puntan onga olutayima mesiku. Aaniilonga otaya pumbiwa ya futwe iifuta ya gwedhwa po uuna ya longo pokati kowili yoo-20:00 sigo 07:00. Otwa hala okuuva kutya omalunduluko ngoka oga tulwa miilonga uunake,” Mathew Lungameni, oshilyo shokomitiye ya totwa po opo yi kalele po aaniilonga a popi.
Usiku okwa popi kutya ombelewa ye oya ninga kehe shoka tayi vulu opo yi gandje omakwatho kaaniilonga mboka na kayi na we shoka tayi vulu okuninga.
Okwa ulike okopi yombaapila yetidho miilonga lyaaniilonga mboka moshikumungu shoka shi li pokati kehangano lyoMetal, Mining, Maritime and Construction Union (MMMC) noNamcrab Fishing ndjoka ya shangwa momasiku 19 Juli mo-2016, sha landula ekanka ndyoka lya ningwa momwedhi Kotomba mo-2015.
Okwa popi kutya oshipotha shoka sha tulwa mo kaaniilonga mboka yomomeya, osha li sha kuthwa mo molwaashoka ehangano ndyoka li ya lilepo olya gandja omikanda itadhi tsu kumwe nompango onti-5 yontopolwa 129 mOmpango yAaniilonga.
“Nakutulamo oshipotha (ehangano lyaaniilonga) okwa zimine kutya okwa ndopa okugwanitha po iipumbiwa mbyoka ngaashi tayi uthwa kopango 14 mOmpango ndjoka yAaniilonga. Shoka osha etitha opo oshipotha shoka shi kuthwemo.”
Okwa popi kutya aaniilonga mboka oya li ya pewa ompito ontiyali opo ya fale oshipotha shawo komupeha omukomeho gwoshikondo shoka, Phillip Mwandingi mo- 2016 ihe naye okwa tindi oshipotha shoka omolwa omatompelo ga faathana.
OTIS FINCK
Comments
Namibian Sun
No comments have been left on this article