Wu a pataneke omapopyo ngoka

Omunangeshefa Stina Wu okwa tindi nomuthindo kutya otaku longithwa omamanya oshowo omeya ga za momalambo gonyata mokutunga opoloyeka yoondjila momukunda tagu adhika moKaisosi moRundu.Wu okwa tindi konima sho a ningilwa omapulo koshifokundnaeki shoNamibian Sun, sha landula omanyenyeto ngoka ga ningwa kaakalimo yomoRundu.Opoloyeka ye tayi ithanwa Sunshine Village, otayi adhika pondje yaRundu.Omapopyo otaga ti ehangano ndyoka lya pewa iilonga yokutunga kehangano lyaWu lyoHelmsman Group otali longitha omamanya ngoka ga kuthwa melambo lyonyata. Aakwashigwana otaya nyenyeta wo ongushu yondjila ndjoka, taya popi kutya omamanya ngoka inaga ningilwa omakonaakono.Omolwa omukithi gwohepatitis E ngoka gwa tukuka moshilongo, aakwashigwana oye na uutile wokukwatwa komauvu uuna ya longitha oondjila ndhoka dha tungwa.Namibian Sun okwa talelepo ehala ndyoka moKaisosi mEtitano ihe ina a dha tapu longwa sha nonando opwa li embakumbaku lyokufula evi oshowo omunino omuluudhe gwomeya guli kombanda.Natango oya yi komukunda ngoka tagu tungwa oondjila. Molyomakaya oshifokundaneki natango osha talelepo ehala ndyoka lyonyata na osha adha taku longwa.Nonando ongaaka Wu okwa popi kutya okwa uvitha nayi komapopyo kutya omeya oshowo omamanya ngoka taga longithwa mokutunga oondjila ndhoka oga kuthwa momalambo gonyata.Sho a pulwa opo a tsakanene noNamibia Sun moRundu, Wu okwe ya pamwe nomunambelewa omukuluntu gwehangano lye, Chris Shivolo, omulandithi gwomagumbo mehangano lye, oshowo mwene gwoMalibu Concrete, Fillip Nambali.Ehangano lyaNambali olyo li na oshinakugwanthwa shokutunga oondjila moSunshine Village.Wu okwa yelitha kutya yo oya gandja owala iilonga kehangano ndyoka opo li tunge oondjila nombedhi nayi pewe ehangano ndyoka lya futwa opo li longe oondjila ndhoka dhongushu.Okwa popi natango kutya ke shi kutya omapopyo ngoka otaga zi peni sho iilonga yokutunga oondjila ndhoka ya kala ya thikama uule woomwedhi ndatu.“Aantu otaya ti ngiini ota longithwa omeya gaza moshilambo shonyata ngele iilonga mbyoka oya kala ya thikama uule womwedhi ndatu? Itandi shi itaala…Kandi shi kutya ehokololo ndyoka otali zi peni.” Wu a popi.Nambali naye okwa longitha ompito ndjoka okuyeleka kutya okwa li a pulwa kelelo lyondoolopa opo a longulule elambo lyomamanya ndyoka tali adhika popepi nelambo lyonyata, oshinima shoka a zimine okushi ninga koshali.Okwa popi kutya okwa tokola okulongitha omamanya ga za melambo ndyoka mopoloyeka ndjoka iipyakidhila nayo moSunshine Village.Okwa yelitha kutya omamanya ngoka oga tulwa kohi yoondjila ihe ha kombanda.Sho a pulwa ngele omamaya ngoka ga ningilw wa omakonaakono okwa yamukula kutya oga ningilwa omakonaakono oshiwike sha piti kehangano lyomatungo lyoBicon.Okwa popi natango kutya omamanya ngoka a longitha mokutunga oondjila ndhoka dha pwa nale oga za moshilambo shaUvhungu-Vhungu, ta popi kutya okwa gandja iifuta kelelo lyoSambyu Traditional Authority opo a vule okukutha omamanya pehala ndyoka.Kombinga yomapopyo kutya ota longitha omeya okuza melambo lyonyata, okwa popi kutya omeya ngoka okwe ga kutha mo owala okuga fala pehala limwe opo a vule okufula elambo ndyoka.Okwa popi kutya omeya ngoka a longitha mokutunga oondjila momukunda ngoka oga za kelambo tali adhika moUvhungu-Vhungu.Sho elelo lyondoolopa yaRundu lya ningilwa omapulo, olya yamukula kutya kali na ontseyo kombinga yevi oshowo omeya ngoka taga kuthwa moKaisosi. Olya popi kutya oli na ontseyo yomamanya ngoka taga kuthwa moshilambo oshikulu shoka shuudha onyata, naashoka osha ningwa opo ku yandwe oshilambo shoka shuudhe omeya.Aanambelela yelelo oya ningi omapekaapeko momasiku 28 gaSepetemba na oya adha ehangano lyopaumwene tali kutya omeya gomevi moshilambo shoka, taga ka longithwa mokutunga ondjila moKaisosi Extension 10. Aanambelewa oya lombwele ehangano ndyoka meendelelo opo li hulithepo omukalo ngoka.Elelo olya popi kutya konyala omwedhi gumwe gwa piti monena olya pula ekwatho okuza kehangano lyopaumwene opo li fule elambo lyomamanya, kuyandwe elambo ndyoka opo kali udhe omeya.Elelo olya popi kutya kashi shi oshinakugwanithwa shawo ya ningile omamanya ngoka omakonaakono.“Omutungi oye mwene e na oshinakugwanithwa shokufala omamanya ngoka kolabora gaka tutswe nokugandja iizemo kelelo li vule okuzimina. Elelo olya dhidhilike kutya omamanya ngoka ga longithwa komutungi mokutunga oondjila dhoshitopolwa oshitiyali moKaisosi Extension 10 inaga konaakonwa. Elelo olya kaleke iilonga mbyoka sigo omamanya ngoka ga konaakonwa niizemo ya gandjwa kelelo.”Elelo lyaRundu kali na omukonaakoni gwomatungo uule woomwedhi ne dha piti sha landula sho omukonaakoni gwomatungo mondoolopa ndjoka a zi miilonga. Olya popi kutya omagumbo ngoka ga tungwa moKaisosi Extension 10 moshitopolwa shotango noshitiyali ogaali ga konaaakonwa na omagumbo owala omashona inaga konaakonwa.

Wu a pataneke omapopyo ngoka

Comments

Namibian Sun 2025-08-01

Please login to leave a comment

Wu a pataneke omapopyo ngoka

Comments

Namibian Sun 2025-08-01

Please login to leave a comment

Login