Uuvu wopamadhilaadhilo wa londo pombanda moNamibia
Onkalo yuupyakadhi wopamadhilaadhilo moshilongo unene mOnooli yoshilongo otayi londo pombanda. Dhoka oohapu dhamushanga mUuministeli wUundjolowele, Andreas Mwoombola.
Mwoombola okwa popi ngaaka poshigongiilonga kombinga yuupyakadhi wopamadhilaadhilo shoka shili oshitopolwa shedhimbuluko lyOshiwike shUundjolowele woPamadhilaadhilo.
Nuumvo oshiwike shoka otashi dhimbulukiwa kohi yoshipalanyolo ‘Policy on Mental Health in the Workplace’.
“Mo-2015, Uuministeli wUundjolowele owa lopota kutya okwa dhidhilikwa iipotha yuupyakadhi wopamadhilaadhilo ya thika po-9 000 moshilongo ashihe, Mwoombola ta ti.
Okwa popi kutya onkalo ndjoka otayi nayipalekwa konkalo kutya aakwashigwana otaya gandja aluhe ombedhi kuupyakadhi mboka kutya otawu etithwa kuulodhi. Okwa pula aanambelewa yoonzo dhopauntu opo ya kale taya tala konkalo ndjoka miilonga.
Okwa gandja woo ekunkililo kombinga yegandjo lyomageelo kaaniilonga pwaahena epulakeno neuveko lyoonkalamwenyo dhawo dhopaumwene. “Otashi vulika pe na omatompelo taga vulu okuuvikako kutya omolwashike aaniilonga yontumba haye ya kiilonga ya lata. Itandi ti aanambelewa yoonzo dhopauntu naya gamene aaniilonga ihe oya pumbwa okuya muule woshinima nokugandja omayele omawanawa koomenindjela mokukandula po omaupyakadhi gomiilonga.”
Mo-2001 olopota tayi ithanwa, Health Information System Report ndjoka ya pitithwa kuuministeli oya holola kutya aantu ya thika- 42 124 oya mono epango omolwa omaupyakadhi ngoka.
Aanona yeli pokati ko 3 600 no 7 200 yoomvula dhili kohi yo-15 oya pangwa omolwa omaupyakadhi ngoka, pauyelele mboka wa gandjwa. Olopota inayi tula miilonga omaupyakadhi gopamadhilaadhilo ngoka taga kwatakanithwa nomukithi gwoAids, ihe okwa ndhindhilikwa kutya omaupyakadhi gopamadhilaadhilo oga londa mokati kaantu taya lumbu nombuto yoHIV.
Mwoombola okwa popi ngaaka poshigongiilonga kombinga yuupyakadhi wopamadhilaadhilo shoka shili oshitopolwa shedhimbuluko lyOshiwike shUundjolowele woPamadhilaadhilo.
Nuumvo oshiwike shoka otashi dhimbulukiwa kohi yoshipalanyolo ‘Policy on Mental Health in the Workplace’.
“Mo-2015, Uuministeli wUundjolowele owa lopota kutya okwa dhidhilikwa iipotha yuupyakadhi wopamadhilaadhilo ya thika po-9 000 moshilongo ashihe, Mwoombola ta ti.
Okwa popi kutya onkalo ndjoka otayi nayipalekwa konkalo kutya aakwashigwana otaya gandja aluhe ombedhi kuupyakadhi mboka kutya otawu etithwa kuulodhi. Okwa pula aanambelewa yoonzo dhopauntu opo ya kale taya tala konkalo ndjoka miilonga.
Okwa gandja woo ekunkililo kombinga yegandjo lyomageelo kaaniilonga pwaahena epulakeno neuveko lyoonkalamwenyo dhawo dhopaumwene. “Otashi vulika pe na omatompelo taga vulu okuuvikako kutya omolwashike aaniilonga yontumba haye ya kiilonga ya lata. Itandi ti aanambelewa yoonzo dhopauntu naya gamene aaniilonga ihe oya pumbwa okuya muule woshinima nokugandja omayele omawanawa koomenindjela mokukandula po omaupyakadhi gomiilonga.”
Mo-2001 olopota tayi ithanwa, Health Information System Report ndjoka ya pitithwa kuuministeli oya holola kutya aantu ya thika- 42 124 oya mono epango omolwa omaupyakadhi ngoka.
Aanona yeli pokati ko 3 600 no 7 200 yoomvula dhili kohi yo-15 oya pangwa omolwa omaupyakadhi ngoka, pauyelele mboka wa gandjwa. Olopota inayi tula miilonga omaupyakadhi gopamadhilaadhilo ngoka taga kwatakanithwa nomukithi gwoAids, ihe okwa ndhindhilikwa kutya omaupyakadhi gopamadhilaadhilo oga londa mokati kaantu taya lumbu nombuto yoHIV.
Comments
Namibian Sun
No comments have been left on this article